ჭდე: მარკო ასენსიო

მადრიდის “რეალის” ფეხბურთელმა, მარკო ასენსიომ Marca-სთან ისაუბრა.

“როდესაც “რეალში” მოდიხარ, შენი სურვილია, ყველა ტიტული მოიგო. ეს ხომ დიდი კლუბია! ახლა კი 21-წლამდე ნაკრებში ჩემი მიზანი ევროპის ჩემპიონატზე გამარჯვებაა. გასული წელი პირადად ჩემთვის ძალიან კარგი იყო. პირველ რიგში, იმიტომ ვარ კმაყოფილი, რომ დიდი გამოცდილება მივიღე: ბევრნაირ სიტუაციაში აღმოვჩნდი და მნიშვნელოვანი რაღაცები ვისწავლე.”

“როცა ისეთ გუნდში თამაშობ, როგორიც “რეალია”, ყველა დღე გადამწყვეტია. აქ ყოველ სამ დღეში უმნიშვნელოვანესი მატჩების ჩატარება გიწევს. ეს თითოეული ჩვენგანისთვის დიდი გამოწვევაა. ყველა დღიდან რაღაცას ვსწავლობ.”

“გასულ სეზონში ორი დიდი ტიტული მოვიგეთ, თუმცა არ მგონია, ვინმე ამაზე დაკმაყოფილდეს. სექტმებრიდან ისევ ახალ ბრძოლაში ჩავერთვებით და შევეცდებით, კიდევ გავახაროთ გულშემატკივარი. “რეალი” მოპოვებული თასებით არასდროს ნაყრდება და ამას მუდამ დავამტკიცებთ!” – აცხადებს მარკო.

მარკო ასენსიო გასულ ზაფხულში გადმოვიდა მადრიდის “რეალში”. ესპანელი ფეხბურთელის განცხადებით მის შესახებ ფლორენტინო პერესს, ჩოგბურთელმა, რაფაელ ნადალმა უთხრა.

“რაფამ ფლორენტინო პერესს დაურეკა და უთხრა, რომ არ დავეკარგე და აუცილებლად ვეყიდე. ხოლო, როცა “სანტიაგო ბერაბეუზე” ჩემი წარდგენის დღე ცხოვრებაში ყველაზე ბედნიერი მომენტია.”

“როდესაც პატარა ვიყავი, ზრდასთან დაკავშირებული პრობლემები მქონდა. მატჩების შემდეგ, მეხმარებოდნენ, რომ, დაღლილს, ნორმალურად გამეარა. იმასაც გეტყვით, რომ მცირე ასაკში დედა გარდამეცვალა. შესაბამისად, ყველა გოლს მას ვუძღვნი. რთული გზა გავიარე და “რეალში” გადმოსვლით ჩემი ოცნება ავიხდინე,” – განაცხადა 21 წლის ფეხბურთელმა.