გუშინ ლა ლიგა სანტანდერის მეხუთე ტურის შეხვედრაში მადრიდის “რეალმა” “რეალ ბეტისი” მიიღო და მეტოქესთან მინიმალური ანგარიშით დამარცხდა.
აღსანიშნავია, რომ ზინედინ ზიდანის შეგირდებმა მიმდინარე სეზონში, ლა ლიგის სამი საშინაო მატჩიდან ვერცერთის მოგება ვერ მოახერხეს. მათ “ვალენსიასთან” (2-2) და “ლევანტესთან” (1-1) ფრე ითამაშეს, ხოლო უკვე ნახსენებ “რეალ ბეტისთან” სანაბრიას მიერ, შეხვედრის მეოთხე დამატებით წუთზე გატანილი თავურით დამარცხდნენ. ასეთი ცუდი შედეგი ბოლოს “ბლანკოსს” 1996/1997 წლების სეზონში ჰქონდა. მაშინ “თეთრებმა” ორი საშინაო დაპირისპირება წააგეს და ერთი ფრეც გააგორეს.
ამჟამად, “რეალს” რვა აქულა აქვს და შვიდით ჩამორჩება მოსისხლე მტერ “ბარსელონას”.
