ჭდე: დინამო ბათუმი

გადაწყვეტილი ამბავია, რომ აგვისტოში ბათუმში სტადიონის მშენებლობა დაიწყება. ახალი არენის ტევადობა 20 ათასი იქნება, ხოლო პროექტირების ღირებულება 650 ათას ლარს არ აღემატება.

დღეს, ბათუმში ქართულმა და უცხოურმა კომპანიაბმა 11 შესაძლო ვარიანტი წარადგინეს, საიდანაც ოპტიმალური აირჩევა.

თურქულ შეკრებაზე მორიგი ტესტ-მატჩი გამართა ბათუმის “დინამომ”. ზღვისპირელთა მეტოქე სერბული “ვოივოდინა” გახლდათ, რომელმაც ბათუმელებს ოთხი უპასუხო გოლი გაუტანა.

“დინამო”: მამინაშვილი, ტეტუნაშვილი, მახარაძე, მგელაძე, სუხიაშვილი, შონია, ვარშანიძე, მუჯირი, ჭკუასელი, ქავთარაძე, ბერიაშვილი.

სათადარიგოები: ალავიძე, ფარტენაძე, ქორიძე, მაკარიანი, აბუსელიძე, თევდორაძე, ტატანაშვილი.

თურქულ შეკრებაზე ბათუმის “დინამომ” უკანასკნელი ტესტ-მატჩი გამართა. ზღვისპირელთა მეტოქე ავსტრიული რეგიონალლიგის ბინადარი “პარნდორფი” იყო. შეხვედრა “დინამომ” მინიმალური ანგარიშით, 1:0 მოიგო. გამარჯვები გოლის ავტორი კი ბათუმელთა ახალწვეული გიორგი ქავთთარაძე გახდა, რომელმაც შედეგიანი დარტყმა 55-ე წუთზე შეასრულა.

დინამო (ბათუმი) – პარნდორფი (ავსტრია) – 1:0

დინამო – შოვნაძე – სეფიაშვილი, მგელაძე (ქორიძე 46), ქათამაძე, სუხიაშვილი (მაკარიანი 46) – ვარშანიძე (ფარტენაძე 46), კაშია (თევდორაძე 46), დიასამიძე (ჩირიკაშვილი 46), ჭკუასელი (ქავთარაძე 46) – ტატანაშვილი (აბუსელიძე 46), მაქაცარია.

გოლი: 1 – 0 ქავთარაძე (55 წთ.)

თურქულ შეკრებაზე მყოფმა ბათუმის “დინამომ” მორიგი ამხანაგური მატჩი გამართა. ლევან ხომერიკის გუნდის მეტოქე უნგრული “სპარტაკუსი” იყო, რომელიც აჭარელებმა 2:1 დაამარცხეს.

ანგარიში ჩირიკაშვილის გოლით გაიხსნა. “სპარტაკუსმა” სეიდის გოლით წონასწორობა აღადგინა, მაგრამ ამირან აბუსელიძემ მეტოქეს მაინც გუატანა და მატჩის საბოლოო ანგარიში დააფიქსირა.

თურქეთში გამგზავრებამდე ქართული გუნდები საკონტროლო მატჩებს ერთმანეთის წინააღმდეგ ატარებენ. დღეს, ქობულეთში, ფოთის “კოლხეთი” ბათუმის “დინამოს” დაუპირისპირდა. შეხვედრა ფოთელთა მინიმალური გამარჯვებით, 1:0 დასრულდა.

გამარჯვების გოლის ავტორი თამაზ ჟიშკარიანი გახდა, რომელმაც ზუსტი დარტყმა მატჩის 36-ე წუთზე შეასრულა. თურქულ შეკრებაზე ფოთელებიც და ბათუმელებიც თვის ბოლოს გაემგზავრებიან.

ბათუმის “დინამო” მეორე წრისთვის მზადებას ანგისის ბაზაზე 8 იანვრიდან შეუდგა. 15 იანვრიდან გუნდი ორჯერად ვარჯიშებზე გადავიდა.

პირველი წრის შემდეგ “დინამო” დატოვეს მცველმა გიორგი გავაშელიშვილმა და ნახევარმცველმა დიმიტრი პაჭკორიამ, კლუბი მათ მადლობას უხდის გაწეული ამაგისთვის და წარმატებებს უსურვებს ახალ ასპარეზზე. როგორც ადრე მოგახსენეთ კონტრაქტი გაფორმდა ნახევარმცველ გიორგი ქავთარაძესთან, გუნდში ასევე ვარჯიშობენ ს.კ. “ცხინვალის” ყოფილი მოთამაშეები, შემტევი თაზო მაქაცარია და მცველი გიორგი სეფიაშვილი, ასევე მიმდინარეობს დაკვირევება რამდენიმე ფეხბურთელზე, მათ შორის დუბლშემადგენლობიდან.

საკონტროლო მატჩებს რაც შეეხება, 23 იანვარს დაგეგმილია გასვლითი სპარინგი ზუგდიდში, სავარაუდოდ 25 იანვრისთვის კი, ქობულეთში ფოთის “კოლხეთთან”.

dinamobatumi.ge

Fanebi.com უმაღლესი ლიგის პირველი წრის დასრულების შემდეგ ტრადიციულად გუნდების ასპარეზობის შეჯამებას გთავაზობთ. ამჯერად, საუბარი ბათუმის “დინამოზე” გვექნება.

უმაღლესში დაბრუნებულმა ზღვისპირელებმა მიმდინარე სეზონის პირველი ნაწილი კარგად ჩაატარეს და რამდენიმე დასამახსოვრებელი შეხვედრაც შესთავაზეს საკუთარ გულშემატკივრებს. მიუხედავად იმისა, რომ “დინამოს” თამაშს პირველ ეტაპზე სტაბილურობა აკლდა, ბათუმელები რამდენიმე ტურის განმავლობაში მეორე პოზიციაზეც იმყოფებოდნენ.

განსაკუთრებით წარმატებული “დინამოსთვის” ჩემპიონატის პირველი ეტაპის უკანასკნელი ეტაპი აღმოჩნდა, რომელიც ზღვისპირელებმა დაუმარცხებლად განვლეს. გუნდის სეზონის საუკეთესო მატჩი სწორედ ამ პერიოდს ემთხვევა და ეს თბილისის “დინამოსთან” სტუმრად მოპოვებული გამარჯვებაა.

5 მატჩიანი წაუგებელი სერიის შედეგად ბათუმელები ზამთრის არდადეგებზე მე-5 პოზიციით გავიდნენ. აღსანიშნავია ისიც, რომ მესამე პოზიციამდე “დინამოს” მხოლოდ ერთი ქულა აშორებს.

ბათუმელებმა თასიც გათამაშებაც კარგად დაიწყეს. პირველ ეტაპზე ზღივისპირელებმა “ჭიათურა” დაამარცხეს და 1/8 ფინალში “სამტრედიას” შეხვდნენ. პირველი შეხვერა “დინამომ” დამაჯერებლად, 4-1 მოიგო, თუმცა განმეორებითში სამტრედიელებმა სტუმრებს 3 უპასუხო გოლი გაუტანეს და ბათუმიც გათამაშებას გამოეთიშა.

პირველ წრეში გუნდის შემადაგენლობაში ირაკლი ჩირიკაშვილი და 40 წლის ამირან მუჯირი გამოირჩეოდნენ. “დინამოს” “სპარტაკიდან” გადაბირებული თეიმურაზ შონიაც კარგად მოერგო, რომელმაც პირველი წრის ყველა მატჩში მიიღო მონაწილეობა და 3 გოლით საკუთარი გუნდის ბომბარდირიც გახდა. ამდენივე გოლია ტეტუნაშვილის ანგარიშზე.