ცნობილი ფრანგი ფეხბურთელი კლოდ მაკელელე “მონაკოს” ტექნიკური დირექტორი გახდა. იგი კლუბის ვიცე-პრეზიდენტ ვადიმ ვასილიევს სპორტული მიმართულებით დაეხმარება.
“მოხარული ვარ იმ კლუბში მისვლით, რომელმაც როგორც საფრანგეთში, ასევე ევროპაში მოიკიდა ფეხი. ვადიმ ვასილიევმა დამარწმუნა, რომ ეს შემოთავაზება უნდა მიმეღო. ეს ჩემს კარიერაში ახალი ნაბიჯია. ეს საქმე ნამდვილად შემესაბამება. ძალისხმევას არ დავიშურებ, რომ კლუბს მიზნების მიღწევაში დავეხმარო”, – აღნიშნა მაკელელემ.
