რამდენიმე დღის წინ გაიმართა ამხანაგური შეხვედრა “ლივერპულსა” და “ჩელსის” შორის, სადაც ლონდონელებმა მინიმალური ანგარიშით იმარჯვეს.
გარდა წაგებისა, როგორც აღმოჩნდა, ეს შეხვედრა “ლივერპულელებისთვის” იმითაც გამოდგა სამწუხარო, რომ ტრავმა მიიღო გუნდის 22 წლის მოთამაშემ, ლორის კარიუსმა. მან ხელი დაიზიანა.
როგორც შემდგომში გაირკვა, ახლაგაზრდა ფეხბურთელს ხელი აქვს მოტეხილი და მას 8-დან 10 კვირამდე მოუწევს ლაზარეთში ყოფნა.
“ლივერპულის” შემტევი, დანიელ სტარიჯი გოლს საკუთარ სტილში აღნიშნავს ხოლმე. ინგლისელი მოთამაშის მწვრთნელმა, იურგენ კლოპმა მას ცეკვაში მიბაძა.
იხილეთ სახალისო ვიდეო…
მერსესაიდის “ლივერპული” ამერიკის შეერთებულ შტატებში იმყოფება და წინასასეზონო მატჩებს მართავს. კლოპის გუნდი “ისთ პალო ალტოს” ბაზაზე არიას დაბინავებული.
სულ ცოტა ხნის წინ გაირკვა, რომ ბრიტანელთა მცველმა, მამადუ სახომ ამერიკაში მყოფი გუნდი მიატოვა და ლივერპულში დაბრუნდა. როგორც აღმოჩნდა, ამის მთავრი მიზეზი ის დაზიანებაა, რომელიც 26 წლის მოთამაშეს მყესებზე აღენიშნება. სახო ინგლისში იმკურნალებს და ეცდება, ახალი სეზონისთვის ფიზიკურად მწყობრში იყოს.
იურგენ კლოპმა, რომელიც ინგლისურ პრემიერ ლიგაში მოღვაწეობს, აღიარა, რომ მისთვის მსოფლიოს საუკეთესო ჩემპიონატს ესპანური ლა ლიგა წარმოადგენს. ეს განცხადება მან ესპანურ “სევილიასთან” გასამართ დაპირისპირებამდე გააკეთა.
“ძალიან ბევრ სამხრეთ ამერიკელ ახალგაზრდას უნდა, რომ ესპანეთში წავიდეს, რადგანაც იქ უფრო ადვილია მოწყობა. ძალიან ბევრი მიზეზის გამო, ამ დროისთვის ლა ლიგა ყველაზე მაღალ საფეხურზე დგას და ყველა სხვა ჩემპიონატის მოვალეობაა, რომ ამ დონეს მიაღწიოს.
გერმანია მსოფლიოს ბოლო ჩემპიონი იყო, მანამდე კი ესპანეთი იყო. ასე რომ შეიძლება ყველაფერი შეიცვალოს!
ესპანეთმა ეს სტატუსი სრულიად დამსახურებულად მოიპოვა, თუმცა, ოთხშაბათს ეს არ დამტკიცდება, ამას ვერავინ ნახავს.”
“სევილია” მიმდინარე სეზონში მხოლოდ მეშვიდე ადგილით დაკმაყოფილდა ლა ლიგაში, თუმცა კლოპი მაინც უფრთხის უნაი ემერის გუნდს.
როცა მას ჰკითხეს, გამოარჩევდა თუ არა მეტოქეთა რომელიმე ფეხბურთელს, მან განაცხადა: “ნამდვილად არ მიყვარს, როცა რომელიმე ფეხბურთელისაკენ ვიშვერ თითს. ეს იმაზეა დამოკიდებული, თუ რამდენ სისუსტეს გამოვავლენთ. ისინი იმდენად ძლიერები იქნებიან, რამდენის საშუალებასაც მივცემთ.
“სევილიას” მთელ გუნდს უდიდეს პატივს ვცემ. “სევილიამ” ისევე როგორც “ლივერპულმა” ტურნირს ხელი სერიოზულად მოკიდა.
ამ მატჩში მთავარი ორგანიზებულობა და კონცენტრირებულობა იქნება. ნეიტრალურ გულშემატკივარს დიდებული მატჩი ელის.”
შეგახსენებთ, რომ მატჩი ხვალ, ოთხშაბათს თბილისის დროით 22:45 წუთზე აიღებს სტარტს.
“ლივერპულის” მთავარმა მწვრთნელმა, იურგენ კლოპმა დორტმუნდის “ბორუსიასთან” გასამართი შეხვედრის წინ ჟურნალისტების კითხვებს უპასუხა და თქვა, თუ როგორ მოიქცევა იმ შემთხვევაში თუ მისი გუნდი გოლს გაიტანს.
“რა თქმა უნდა, გატანილ გოლს აღვნიშნავ. ასე მოვიქეცი მაშინაც, როცა “მაინციდან” “დორტმუნდში” წავედი. აღნიშვნა იმაზეცაა დამოკიდებული, თუ რომელ წუთზე გავიტანთ გოლს. ვფიქრობ, თუ მატჩის დასაწყისშივე დავწინაურდებით, მაშინ ჩემს სირბილს ვერ ნახავთ. მე ყველაფერი გავაკეთე “მაინცისათვის” და “ბორუსიასთვის”, ახლა კი ყველაფერს ვაკეთებ იმისათვის, რომ “ლივერპულმა” წარმატებას მიაღწიოს”, – ციტირებს კლოპის სიტყვებს Goal.Com.
შეგახსენებთ, რომ მატჩი დღეს, თბილისი დროით 23 საათსა და 05 წუთზე დაიწყება.
“ლივერპულის” მთავარმა მწვრთნელმა, იურგენ კლოპმა ევროპის ლიგის მეოთხედფინალური ეტაპის წილისყრის შედეგებზე ისაუბრა.
შეგახსენებთ, რომ მეოთხედფინალში “ლივერპული” კლოპის ყოფილ გუნდს, დორტმუნდის “ბორუსიას” დაუპირისპირდება.
“ვთქვი, რომ ტურნირის ტურნირის ყველაზე ძლიერ გუნდთან შეხვედრა არ მსურდა, მაგრამ თუ ევროპის ლიგის მოგება გინდა, მაშინ ნებისმიერი მეტოქე უნდა დაამარცხო. მიხარია, რომ დორტმუნდში ჩემს ახალ გუნდს წარვადგენ. ასევე, ისიც მიხარია, რომ ჩემი გუნდის ფეხბურთელები შესანიშნავ სტადიონსა და ქალაქს ნახავენ.
ფეხბურთში, დორტმუნდში ჩასვლა და იქ თამაში, ერთ-ერთი საუკეთესო რამაა. ჩვენ “ბორუსიას” ბევრ ფეხბურთელს კარგად ვიცნობთ, ყველას არა, მაგრამ დაახლოებით 98 პროცენტს. ვფიქრობ, გახსნილი თამაშები გველის“, – ციტირებს კლოპის სიტყვებს ESPN.
“ლივერპულის” მთავარი მწვრთნელი იურგენ კლოპი აცხადებს, რომ 2015-16 წლების სეზონის საუკეთესო ფეხბურთელი ჯეიმი ვარდია.
“სეზონის საუკეთესო ფეხბურთელი ჯეიმი ვარდია. რატომ? ის ძალიან კარგ სეზონს ატარებს. მართალია, შესაძლო ტრანსფერებზე ბევრს საუბრობენ, მაგრამ ვფიქრობ, “ლესტერს” იანვარში არავინ დატოვებს”, – ციტირებს კლოპის სიტყვებს Goal.Com-ი.
დიდი ალბათობით, 27 წლის გერმანელ ფეხბურთელს, კევინ გროსკოიცს მალე “ლივერპულში” ვიხილავთ. ბრიტანულ პრესაში გავრცელებული ინფორმაციის თანახმად, გარემარბმა “მერსესაიდელებთან” პირადი დეტალები უკვე შეათანხმა.
იურგენ კლოპი “ბორუსიაში” მოღვაწეობის პერიოდში გროსკოიცს რამდენიმე პოზიციაზე იყენებდა, გერმანელ სპეციალისტს კი სურს, რომ ამ ფეხბურთელმა სარგებელი “ლივერპულსაც” მოუტანოს.
სოციალურ ქსელ Instagram-ში, “ლივერპულის” ოფიციალურმა გვერდმა ვიდეო გამოაქვეყნა, რომელშიც აღბეჭდილია, თუ როგორ ცდილობენ ფეხბურთელები და მწვრთნელი თავიანთი ტექნიკის დემონსტრირებას.
31 ოქტომბერს, ინგლისის პრემიერ ლიგაში, ლონდონის “ჩელსიმ” საკუთარ მოედანზე “ლივერპული” მიიღო და ანგარიშით 1:3 დამარცხდა.
მატჩის დასრულების შემდეგ, ერთ-ერთმა ჟურნალისტმა იურგენ კლოპს ტიტულის მოგების შესაძლებლობაზე ჰკითხა. გერმანელს კი ასეთი რეაქცია ჰქონდა: “თქვენ ხომ არ გაგიჟდით?”
28 ოქტომბერს, ინგლისის თასზე, “ლივერპულმა” საკუთარ მოედანზე “ბორნმუთი” მიიღო და მეტოქე ანგარიშით 1:0 დაამარცხა.
აღსანიშნავია, რომ “ლივერპულმა” იურგენ კლოპის ხელმძღვანებლობით პირველად გაიმარჯვა. შეხვედრის დასრულების შემდეგ, გერმანელმა სპეციალისტმა თავისი გუნდის ფეხბურთელები მოედნიდან ასე გააცილა:
Look at him trying to instill confidence in his players. You have to love this guy. Lives and breathes football. pic.twitter.com/eQPWKUIuty
— Arsène's Son (@hughwizzy) October 28, 2015
შესაძლოა, დორტმუნდის “ბორუსიას” ყოფილი მთავარი მწვრთნელი იურგენ კლოპი მალე რუსეთში, სანქტ-პეტერბურგის “ზენიტის” თავკაცის პოსტზე ვიხილოთ.
Sports.ru-ს ინფორმაციით, “ზენიტის” ხელძღვანებლობა კლოპით სერიოზულადაა დაინტერესებული, ხოლო გერმანელ სპეციალისტს 15 მილიონ ევროს სთავაზობენ.
როგორც ირკვევა, ანდრე ვილაშ-ბოაში ამჟამად “ზენიტში” შექმნილი სიტუაციით უკმაყოფილოა, რამაც შესაძლოა, მისი კლუბიდან წასვლა გამოიწვიოს.
