ჭდე: ბორუსია

იურგენ კლოპი პულიშიჩის ტრანსფერს არ გამორიცხავს

Posted on by იაკობ კაპანაძე

მერსესაიდის “ლივერპულის” მთავარი მწვრთნელი იურგენ კლოპი დორტმუნდის “ბორუსიას” ნახევარმცველის, კრისტიან პულიშიჩის, ტრანსფერს არ გამორიცხავს.

“კრისტიანი ძალიან მომწონს, მას ბავშვობიდან ვიცნობ. ასაკოვანი, რა თქმა უნდა, ახლაც არ არის. პულიშიჩი ფანტასტიკური ფეხბურთელია და სრულად დამსახურებულად ამყარებენ ამერიკელები მასზე დიდ იმედებს.

თუ ოდესმე ინგლისში თამაში მოუნდება,ბუნებრივია, ამის საკმაოდ კარგი შანსი ექნება, მაგრამ ახლა ის ძალიან კარგ კლუბშია, სადაც მისი განვითარებისთვის ყველა პირობაა შექმნილი.

თუ ერთ დღეს ის ჩვენთან გადმოსვლას გადაწყვეტს, ამას ნამდვილად მივესალმები. მაგრამ მე კონტრაქტს ყოველთვის დიდ პატივს ვცემ. მას კიდევ 14-15 წლის მანძილზე შეეძლება მაღალ დონეზე თამაში,” – აცხადებს კლოპი.

დორტმუნდის “ბორუსია” “ჩელსის” ვარკსვლავს უმიზნებს

Posted on by კახა ყიფიანი

დორტმუნდის “ბორუსიას” ლონდონის “ჩელსის” ფეხბურთელების გამოყენების კარგი გამოცდილება აქვს. მიჩი ბატშუაის შემდეგ, გერმანელებმა თვალი ტიმუე ბაკაიოკოს დაადგეს.

როგორც The Guardian-ი წერს, “ბორუსიას” მესვეურებმა უკვე მიმართეს “ლურჯების” ხელმძღვანელობას. ისინი ფრანგში 65 მილიონ ევროს იხდიან. ჯერჯერობოთ, უცნობია, შეელევიან თუ არა ამ ფასად ბაკაიოკოს. ისე კი, 23 წლის ფეხბურთელმა იმედები ნამდვილად ვერ გაამართლა ბოლომდე. მან პრემიერ ლიგის 28 შეხვედრაში მიიღო მონაწილეობა, საიდანაც 23 მათგანი სასტარტო შემადგენლობიდან დაიწყო და სულ ორი გოლი შეაგდო. 23 წლის საყრდენმა სამი ყვითლისა და ერთი წითელი ბარათის მიღებაც “მოახერხა”.

ფრანგი “რენის” აღზრდილია და ის შარშან “მონაკოში” წარმატებული ასპარეზობის შემდეგ, გადავიდა “ჩელსიში”.

ოფიციალურად: მარკო როისმა დორტმუნდის “ბორუსიასთან” გაახანგრძლივა

Posted on by იაკობ კაპანაძე

დორტმუნდის “ბორუსიას” ოფიციალური ვებ-გვერდი ადასტურებს ინფორმაციას, რომლის თანახმადაც მარკო როისმა გერმანულ კლუბთან კონტრაქტი გაახანგრძლივა.

ახალი შეთანხმების მიხედვით, 28 წლის ფეხბურთელი, რომელიც ამავდროულად გერმანიის საფეხბურთო ნაკრების წევრიც გახლავთ, “სიგნალ იდუნა პარკზე” 2023 წლის 30 ივნისამდე უნდა დარჩეს.

მარკო როისი “ბორუსიას” ღირსებას 2012 წლიდან იცავს. ამ უკანასკნელმა მიმდინარე სეზონის პირველი ნახევარი ტრავმის გამო გამოტოვა, ბუნდესლიგის გასულ სამ ტურში კი სამი გოლის ჩაწერა მოახერხა აქტივში.

ობამეიანგი ოჯახის წევრებთან ერთად დორტმუნდის აეროპორტში დააფიქსირეს (ვიდეო)

Posted on by იაკობ კაპანაძე

2018 წლის ზამთრის სატრანსფერო ფანჯარა უკვე დასასრულს უახლოვდება და გულშემატკივრები კიდევ ერთი დიდი ტრანსფერის მოლოდინში იმყოფებიან – “არსენალმა” სანჩესის შემცვლელად გუნდში ობამეიანგი უნდა მიიყვანოს.

ბრიტანული პრესის ცნობით, მხარეებმა უკვე ყველაფერი შეათანხმეს და ახლა კონტრაქტზე ხელის მოწერაღაა დარჩენილი. ობამეიანგი კი, თავის ოჯახის წევრებთან ერთად უკვე დააფიქსირეს დორტმუნდის აეროპორტში. დიდი ალბათობით, ტრანსფერი უახლოეს საათებში გაოფიციალურდება.

მიმდინარე სეზონში გაბონელმა ვარსკვლავმა გერმანული კლუბის მაისურით 24 მატჩში მიიღო მონაწილეობა და თავი 21 გატანილი გოლით გამოიჩინა.

“ბორუსიას” პრეზიდენტი: “ბოშის მთავარ მწვრთნელად დანიშვნა დიდი შეცდომა იყო”

Posted on by იაკობ კაპანაძე

დორტმუნდის “ბორუსიას” პრეზიდენტი, რაინჰარდ რაუბალი თვლის, რომ კლუბმა მთავარი მწვრთნელის პოსტზე პეტერ ბოშის დანიშვნით დიდი შეცდომა დაუშვა. შეგახსენებთ, რომ ბოში, რომელმაც ჩატარებული 23-დან მხოლოდ რვა მატჩი მოიგო, დანიშვნიდან 163 დღეში დაითხოვეს.

“ამან უბრალოდ არ იმუშავა. ბოშის დანიშვნა შეცდომა იყო. ადამიანურად ვამბობ, ეს ძალიან საწყენია ჩემთვის,” – აცხადებს რაუბალი გერმანულ Kicker-თან საუბრისას.

ბოში “ბორუსიელთა” გენერალურმა დირექტორმა, ჰანს-იოჰან ვატცკემაც გააკრიტიკა: “მაშინაც კი, როცა ვიგებდით, მწვრთნელის არ გვჯეროდა,”- ციტირებს მის სიტყვებს Bild.

გეტყვით იმასაც, რომ მთავარი მწვრთნელის პოსტზე პეტერ ბოში პეტერ შტეგერმა შეცვალა.

ბოში: “ამის შემდეგ, ვერ ვიტყვი, რომ “რეალი” ჩემპიონთა ლიგაზე ფავორიტია”

Posted on by იაკობ კაპანაძე

დორტმუნდის “ბორუსიას” მთავარმა მწვრთნელმა, პეტერ ბოშმა “სანტიაგო ბერნაბეუზე” განცდილი მარცხის (3-2) შემდეგ პრესასთან ისაუბრა და აღნიშნა, რომ მოწინააღმდეგე გუნდში ვერ დაინახა განსაკუთრებულობა, რასაც შეუძლია, “რეალს” ჩეპიონთა ლიგა მოაგებინოს.

“ამ მატჩშის შემდეგ, ნამდვილად არ ვფიქრობ, რომ “რეალი” ჩემპიონთა ლიგის მოგების ფავორიტია. ამას მათი თამაშიდან გამომდინარე ვამბობ, ვერ ვიტყვი, რომ ძალიან კარგად ითამაშეს.

თუმცა, ისიც მართალია, რომ მადრიდელები ფეხბურთელების დასვენებას ცდილობენ და ხალხის თვალში ერთ-ერთი მთავარი ფავორიტები არიან.

ვერ უარვყოფ, რომ ჩემპიონთა ლიგაზე თამაში მინდოდა, მაგრამ ახლა ევროპა ლიგაზე მოგვიწევს ჩვენი ძალების გამოცდა. დარწმუნებული ვარ, რომ ტრავმირებული ფეხბურთელების დაბრუნების შემდეგ გაცილებით უფრო ძლიერები ვიქნებით,” – აცხადებს გერმანული გუნდის თავკაცი.

ჰარი კეინი: “ეს იყო საოცარი ღამე!”

Posted on by კახა ყიფიანი

დღეს ჩემპიონთა ლიგის ჯგუფური ეტაპის მეხუთე ტურის შეხვედრაში ლონდონის “ტოტენჰემი” დორტმუნდის “ბორუსიას” ესტუმრა და მეტოქე ანაგრიშით, 2-1 დაამარცხა. ამ სამი ქულით ლონდონელებმა ჯგუფიდან პირველი ადგილით გასვლა გაინაღდეს.

პრინციპული შეხვედრის შემდგე, ჟურნალისტებს “სპურსების” ფორვარდი, ჰარი კეინი ესაუბრა.

“ეს დაუჯერებელი ღამეა ჩვენთვის, ფანებისთვის, კლუბისთვის. საკმაოდ რთულ ჯგუფში პირველი ადგილი დავიკავეთ. ლიგის დაწყების წინ, ყველამ ჩამოგვწერა. მათ ეგონათ, რომ მერვედფინალში ვერც მეორე ადიგლიდან გავიდოდით. თუმცა, ჩვენი რეალური ძალა ვაჩვენეთ.”

“როცა გოლი გაგვიტანეს, საკმაოდ რთულ სიტუაციაში აღმოვჩნიდთ. თუმცა, ვიცოდით, რომ მომენტები გამოგვიჩნდებოდა და თუ ერთს მაინც გამოვიყენებდით, შემდეგ იქნებოდა იმის შანსი, რომ ლიდერის სტატუსით დაგვემთავრებინა ჯგუფში ასპარეზობა. საბოლოოდ, შეხვედრას საოცარი დასადრული ჰქონდა. ძალიან ბედნიერი ვარ!” – აცხადებს კეინი.

მარიო გიოტცე: “ნაკრებში დაბრუნებით ბედნიერი ვარ”

Posted on by კახა ყიფიანი

მარიო გიოტცეს 2014 წლის მსოფლიო ჩემპიონატის ფინალში გატანილი გოლის შემდეგ, ფაქტობრივად, ნაკრებში ღირებული აღარაფერი შეუქმნია. ახლა კი, მეტაბოლიზმის პრობლემის მოგვარებას, გერმანელის როგორც საკლუბო, ისევე სანაკრებო ფეხბურთში დაბრუნება მოჰყვა. მისი ნაკრები 10 და 14 ნოემბერს ინგლისისა და საფრანგეთის ეროვნულ გუნდებს დაუპირისპირდება.

25 წლის მოთამაშემ დღეს ნაკრებში გამოძახების ფაქტზე ისაუბრა.

“კონფედერაციის თასზე ასეთი ასპარეზობისა და საკვალიფიკაციო ეტაპის წარმატებით დაძლევის შემდეგ, შემიძლია ვთქვა, რომ ნაკრები სწორ გზას ადგას. იგი მუდმივად ვითარდება. ახლა წინ ორი რთული შეხვედრა გველის ძლიერ მოწინააღდეგეებთან. ჩემთვის მნიშვნელოვანია, კარგად ვითამაშო, როგორც კლუბში, ასევე ნაკრებში. ახალ წელს დიდი იმედებით ვხვდები.”

გიოტცემ შარშან ბუნდესლიგაში 11 შეხვედრა ჩაატარა და, შემდეგ, მეტაბოლიზმის პრობელის გამო გამოაკლდა გუნდს.

“ეს ჩემი პირველი ტრავმა და ფეხბურთიდან პირველი შესვენება არ ყოფილა. რეაბილიტაციას საკმაო ხანს გავდიოდი. შევიცვალე ფიზიკური ფორმა და, ჩემი აზრით, აქედან გამომდინარე, სათამაშო სტილიც. ამ დროს არ უნდა დანებდე და მხოლოდ პოზიტივზე იფიქრო. ჩემი მიზანი ამ საფხულში პრე-სეზონზე დაბრუნება იყო და ეს შევძელი!” – აცხადებს მარიო.

დორტმუნდის “ბორუსია” მიუნხენის “ბაიერნთან” განადგურდა (ვიდეო

Posted on by კახა ყიფიანი

დღეს გერმანიის ბუნდესლიგის მე-11 ტურის მატჩში დორტმუნდის “ბორუსიამ” მიუნხენის “ბაიერნი” მიიღო.

დაძაბული დაპირისპირება მიუნხენელთა უპირატესობით წარიმართა. მე-16 წუთზე საჯარიმოში მდგომმა ხამეს როდრიგესმა მშენივრად დაამუშავა ბურთი, არიენ რობენს “უპასა”, რომელმაც მეკარისგან მარჯვენა, მაღალ კუთხეში ულამაზესი გოლი გაიტანა. 37-ე წუთზე ისევ რობენი უტევდა დორტმუნდელებს. მან მარჯვენა ფლანგზე მყოფ კიმიხს დაუტოვა ბურთი, რომელმაც საჯარიმოში ჩააწოდა, სადაც ლევანდოვსკიმ ქუსლით ეფექტური გოლი შეაგდო.

67-ე წუთზე ხამეს როდრიგესმა ამჯერად დავიდ ალაბას გაატანინა. ხოლო, 88-ე წუთზე ერთი გოლი ბარტრამ გაქვითა. საბოლოოდ, 0-3 “რეკორდმაისტერის” სასარგებლოდ.

ამ დაპირისპრიების შემდეგ “ბორუსია” 20 ქულით მესამეა. “ბაიერნს” 26 ქულა აქვს და ერთპიროვნული ლიდერია.

 

შმელცერი: “ამ სიტუაციიდან ერთად უნდა გამოვდეთ”

Posted on by კახა ყიფიანი

დღეს დორტმუნდის “ბორუსია” საკუთარ მოედანზე ნიქოზიის “აპოელს” დუაპირისპირდა და ფრე, 1-1 ითამაშა.

დაძაბული შეხვედრის შემდეგ ჟურნალისტებს გერმანელთა კაპიტანი, მარსელ შმელცერი ესაუბრა.

“ბევრი შანსი გვქონდა. განსაკუთრებით, ამას პირველ ტაიმზე ვიტყოდი. სწორედ მატჩის ამ ნაწილში უფრო მეტი უნდა გაგვეტანა. რთული პერიოდი გვაქვს. ძალები უნდა მოვიკრიბოთ და ამას მწვრთნელთან ერთად გავუმკლავდეთ. ჩვენ თავდადებულად ვითამაშეთ, თუმცა სათანადო შედეგს მაინც ვერ მივაღწიეთ.”

“ვფიქრობ, ეს შეხვედრა კვიპროსში გამართულ შეხვედრას ჯობდა. იქ ამდენი მომენტი არ გქვონია. შესაბამისად, ერთი ნაბიჯით წინ წავიწიეთ. ბევრი მუშაობა მოგვიწევს, რომ ამ რთული სიტუაციიდან მოვნახოთ გამოსავალი,”  – აცხადებს შმელცერი.

ზიდანი: “ბორუსიასთან” შეხვედრაში ეს დამატებით მოტივაციას მოგვცემს”

Posted on by კახა ყიფიანი

დღეს ჩემპიონთა ლიგის ჯგუფური ეტაპის მეორე ტურის შეხვედრაში დორტმუნდის “ბორუსია” მადრიდის “რეალს” მიიღებს.

“ბლანკოსის” მთავარმა მწვრთნელმა, ზინედინ ზიდანმა წინასამატჩო პრესკონფერენცია გამართა.

“თავს მშვენივრად ვგრძნობთ. უქმეებზე შესანიშნავი გამარჯვების მოპოვების შემდეგ, ჩემპიონთა ლიგაზეც ვეცდებით, სასურველ შედეგს მივაღწიოთ. ნებისმიერ მოედანზე თამაში რთულია. თუმცა, დორტმუნდში “რეალს” არასდროს მოუგია და ეს დამატებითი მოტივაცია იქნება. გვინდა, კარგი ფეხბურთი ვითამაშოთ და გულშემატკივარს თავი წარმატებული ასპარეზობით დავამახსოვროთ.”

“ყოველ სამ დღეში ახალი გამოცდის ჩაბარება გვიწევს. პირველ რიგში, ამით ჩვენს თავს ვუმტკიცებთ, რა ძალასაც წარმოვადგენთ.”

“კაზემირო შესანიშნავი მოთამაშეა. ის შესაძლოა, შევადაროთ დეშამსა და მაკელელეს. იბრაზილიელი აბალანსებს თამაშს შეტევასა და დაცვას შორის. რასაც მან მიაღწია, არავის აკვირვებს. კაზემირო განვითარებას განაგრძობს,” – აცხადებს “ზიზუ”.

ნაჩო: “რეალს” არასდროს მოუგია დორტმუნდში და ახლა ამის გაკეთება სურს!”

Posted on by კახა ყიფიანი

ხვალ მადრიდის “რეალი” ჩემპიონთა ლიგის ჯგუფური ეტაპის მეორე ტურში დორტმუნდის “ბორუსიას” სტუმრად დაუპირისპირდება.

წინასამატჩო პრესკონფერენციაზე ჟურნალისტებს ნაჩო ფერნანდესი ესაუბრა.

“აქ არასდროს მოგვიგია. სწორედ ამიტომ, გვინდა, ახლა ვიმარჯვოთ და სახლში სამი ქულით დავბრუნდეთ. თავს მშვენივრად ვრძნობთ და მონდომებულები ვართ, წარმატებულად წარმოვაჩინოთ თავი. კონკრეტულ ასპექტებში ისე უნდა ვითამაშოთ, როგორც ამას ადრე ვაკეთებდით. ვგულისხმობ ერთ გუნდად თამაშს, მეტოქეზე მეტ სირბილს. შეტევა შესანიშნავად შეგვიძლია და მეტოქეს დიდ ზიანს მივაყენებთ.”

“ყველა პოზიტიურადაა განწყობილი. ვფიქრობ, სეზონი წარმატებულად დავიწყეთ, რადგან მოვიგეთ ესპანეთისა და ევროპის სუპერ თასები. იქ ძლიერი მეტოქეები გვყავდა, თუმცა მათ ვაჯობეთ. ახლაც ძალიან მონდომებულები ვართ – როცა ამ მაისურს ატარებ, სხვანაირად არც შეიძლება იყოს,” – აცხადებს ნაჩო.