“ნიუ-იორკ სიტის” ხელმძღვანელებმა დიდი სიამოვნებით აცნობეს საფეხბურთო სამყაროს ინფორმაცია MLS-ის წლის საუკეთესო ფეხბურთელთან, დავიდ ვილიასთან კონტრაქტის გახანგრძლივების თობაზე.
ახალი კონტრაქტის მიხედვით, 35 წლის ესპანელმა ფეხბურთლმა ამერიკაში 2018 წლის ბოლომდე უნდა ითამაშოს.
“სამი წლის წინ კლუბმა საკმაოდ მნიშვნელოვანი და ღირებული პროექტი წამოიწყო და პირველ კაპიტნად სწორედ მე ამირჩიეს, რითიც ძალიან ბედნიერი ვარ და ვამაყობ კიდეც,” – განაცხადა “ბარსელონას” ყოფილმა ფეხბურთელმა.
შეგახსენებთ, რომ 2014 წელს ვილიამ “ატლეტიკო” “ნიუ-იორკ სიტიში” გაცვალა, 2016 წელს კი ის სეზონის საუკეთესო მოთამაშედ დაასახელეს.
