ჭდე: კეისუკე ჰონდა

“მილანის” იაპონელ შემტევს გუნდის ლაზარეთში ყოფნა რამდენიმე კვირის მანძილზე მოუწევს.

“როსონერის” მთავარმა მწვრთნელმა, ფილიპო ინძაგიმ ინტერვიუში თქვა, რომ კეისუკე ჰონდა იტალიურ გუნდს გამოაკლდა, ტრავმის გამო.

“კეისუკემ ტერფი დაიზიანა. სამწუხაროდ, მას რამდენიმე კვირის მანძილზე გამოვემშვიდობეთ. ის გუნდისთვის მნიშვნელოვანი ფეხბურთელია, მაგრამ მის გარეშე თამაშიც შეგვიძლია,”-განაცხადა ინძაგიმ.

სერია ა-ს მიმდინარე სეზონში ჩატარებული 23 მატჩიდან, იაპონელმა მეტოქის კარი ექვსჯერ დალაშქრა.

“მილანის” ნახევარმცველმა მაიკლ ესიენმა თანაგუნდელი, კეისუკე ჰონდა შეაქო და განაცხადა, რომ იაპონელი შესანიშნავ ფორმაშია.

“ჰონდა ახლა შესანიშნავ ფორმაშია. ის ყოველთვის გუნდურად თამაშობს და ბევრი გოლის გატანასაც ახერხებს. ვიმედოვნებთ, რომ ასეთ ფორმას დიდი ხნის განმავლობაში შეინარჩუნებს და კიდევ უფრო მეტ ბურთს გაიტანს” – განაცხადა ესიენმა.

ჰონდა “მილანში” მოსკოვის ცსკა-დან თავისუფალი აგენტის სტატუსით გადაბარგდა.

“მილანის” იაპონელი ნახევარმცველი კეისუკე ჰონდა, “ოლიმპუსის” ახალ რეკლამაში გადაიღეს.

“მილანის” იაპონელი ფეხბურთელი კეისუკე ჰონდა გუნდის ოფიციალურ არხს გაესაუბრა და ინტერვიუ მისცა.

“წინა სეზონში ვაკეთებდი იმას, რაც შემეძლო, თუმცა ამ წელს დიდებული რამ მოხდა, მისტერ ინძაგი მოვიდა და ახალი ფეხბურთელების დაგვემატნენ, რომლებსაც შეუძლიათ მარტომ გადაწყვიტონ თამაშის ბედი. აქ იანვარში მოვედი, ამიტომ ბევრი დრო არ მქონდა, ამ ზაფხულს კი გუნდს შევეჩვიე, თუმცა წინ კიდევ ბევრი თამაშია და მე ჯერ კიდევ არ ვარ ყმაყოფილი, გაცილებით უკეთესად ვითამაშებ. ინძაგი ძალიან მეხმარება, ის ჩემთვის ბევრს აკეთებს და მე ვცდილობ რომ მას მოედანზე კარგი თამაშით გადავუხადო სამაგიერო.”

“ყველაზე ლამაზი გოლი ? გოლი გოლია, როცა ვიტან მუდამ გახარებული ვარ, იმედი მაქვს შემდეგი გოლი უფრო ლამაზი გამოვა. ვინ იცის, იქნებ “იუვენტუსთან”, შაბათს…”

“როცა თავს ვიცავთ, აბატე და პოლი მეხმარებიან და რჩევებს მაძლევენ, თუ როდის სად უნდა ვიყო და როდის როგორ ვითამაშო. პრეზიდენტი გვეხმარება, იტალიურად ყველაფერს ვერ ვიგებ, თუმცა ნელ-ნელა ვსწავლობ. სან-სიროზე თამაში ულამაზესია, იმედია შაბათს მოვიგებთ. გულშემატკივრებს მადლობას ვუხდი მოთმინებისთვის და ჩვენი მხარდაჭერისათვის”