ქალაქ მანაუსში მდებარე სტადიონის მინდორი, სადაც სამ დღეში ინგლისისა და იტალიის ნაკრებებს შორის სამუნდიალე მატჩი უნდა გაიმართოს, საშინელ მდგომარეობაშია. ESPN-ის მიერ გამოქვეყნებულ ფოტოზე კარგად ჩანს, რომ მინდვრის საფარი იდეალური მდგომარეობისგან შორსაა, განსაკუთრებით კი ეს მეკარის საჯარიმო მოედანზე ითქმის.
აღნიშნულის გათვალისწინებით, ბრიტანელებმა ამ სტადიონზე დაგეგმილი ვარჯიში გააუქმეს.
ცნობისთვის, მატჩი ინგლისისა და იტალიის ნაკრებებს შორის 15 ივნისს, თბილისის დროით შუაღამის 02:00 საათზე დაიწყება.
