მიუნხენის “ბაიერნის” მთავარი მწვრთნელი ნიკო კოვაჩი გათავისუფლების პირასაა.
ავტორიტეტული გერმანული გამოცემა “ბილდი” იუწყება, რომ “ბაიერნის” ხელმძღვანელობა გუნდის მიერ ნაჩვენები ბოლო შედეგებით უკმაყოფილოა და ხორვატ სპეციალისტს უახლოეს ორ მატჩში წარუმატებლობის შემთხვევაში გაათავისუფლებს.
“ბაიერნი” ოთხშაბათს ჩემპიონთა ლიგის ჯგუფური ეტაპის შეხვედრაში ბერძნულ “ოლიმპიაკოსს” უმასპინძლებს, შაბათს კი ბუნდესლიგის XI ტურში დორტმუნდის “ბორუსიას” მიიღებს.
შეგახსენებთ, რომ “ბაიერნი” გათამაშების X ტურში ფრანკფურტის “აინტრახტთან” ანგარიშით 1:5 განადგურდა და სატურნირო ცხრილში მეოთხე პოზიციამდე დაქვეითდა.
