საქართველოს 3×3 კალათბურთის ფინალური ეტაპის საუკეთესო მოთამაშედ ტურნირის გამარჯვებულის, „სოხუმის“ წევრი, კოტე ტუღუში დასახელდა.
„ოლიმპის“ თავკაცი და საქართველოს ნაკრების სამწვრთნელო შტაბის წევრი დაჯილდოების შემდეგ ჟურნალისტებს გაესაუბრა.
„ტურნირში ძალიან ბევრი გუნდი მონაწილეობა. ჩვენი მიზანი თამაშისგან სიამოვნების მიღება იყო. როგორც აღმოჩნდა, არამხოლოდ ვისიამოვნეთ, არამედ ტურნირიც მოვიგეთ. ძალიან რთული გზა გავიარეთ. ახლა, ვეცდებით, საქართველო ევროპაში ვასახელოთ“, – განაცხადა ტუღუშმა.
„თბილისი მოლში“ საქართველოს 3×3 კალათბურთი ჩემპიონატის ფინალური ეტაპის შესახებ კომპანიის მარკეტინგის განყოფილების წარმომადგენელმა ნატა გოგოლაძემაც ისაუბრა.
„3×3 კალათბურთს ჩემპიოანტის მატჩების გარდა, ასევე „ოლ სტარსაც ვუმასპინძლეთ. ტურნირს ძალიან დიდი გამოხმაურება აქვს. ყოველწლიურად ბევრ წამახალისებელ პრიზს ვაწესებთ. გვსურს, ახალგაზრდებში კალათბურთი უფრო განვავითაროთ“, – განაცხადა გოგოლაძემ.
დღეს, „თბილისი მოლში“ საქართველო 3×3 კალათბურთის ჩემპიონატის ფინალური ეტაპის შესახებ სუპერლიგის აღმასრულებელმა დირექტორმა გიორგი ზაბახიძემ ისაუბრა.
„უკვე მეორე წელია, რაც ეს ჩემპიოანტი ტარდება, მასში მონაწილეობა ყველა რეგიონის გუნდმა მიიღო. წელს ათასზე მეტი მონაწილე იყო. აღსანიშნავია, რომ ეს საქართველოში 3×3 კალათბურთის განვითარებას ხელს მნიშვნელოვნად უწყობს. საქართველო მსოფლიოს რეიტინგში უფრო მაღალ პოზიციაზე ადის. ყველა მონაწილეს მადლობას ვუხდი“, – განაცხადა ზაბახიძემ.
ამ დღეს „თბილისი მოლში“ ევრობასკეტის საჩემპიონო თასი გამოიფინება, რომელიც მაისიდან ევროპის ქალაქებში „მოგზაურობს“. სათქმელი ისიცაა, რომ ევრობასკეტის საჩემპიონო თასის ნახვა და სურათის გადაღება ნებისმიერი მსურველისთვის იქნება შესაძლებელი.
3×3-ში კალათბურთის საქართველოს ჩემპოიონატი დასასრულს უახლოვდება. 18 ივლისს ჩემპიონატის ფინალური ეტაპი გაიმართება.
შეგახსენებთ, რომ საქართველოს ჩემპიონატი 1-2 ივლისს თბილისში დაიწყო, რის შემდეგაც მისი მატჩები რეგიონებშიც შედგა. მატჩები გორში, თელავში, ბათუმში, ზუგდიდში, ქუთაისში, ბორჯომსა და რუსთავში შედგა. ორგანიზატორმა მიერ დაწესებული პროპორციული კვოტით, შესარჩევი ტურიდან ფინალში თითოეული ქალაქის გუნდი გავიდა.
სათქმელია, რომ საქართველოს ჩემპიონი, რომლის ვინაობა შაბათს გაირკვევა, ბუქარესში, საერთაშორისო ტურნირ „არენა სპორტ ჩელენჯზე“ გაემგზავრება, რომელიც 15-16 აგვისტოს გაიმართება.
1 ივლისს სტარტს აიღებს საქართველოს მე-2 ეროვნული ჩემპიონატი 3X3 კალათბურთში. შარშანდელის მსგავსად, ჩემპიონატი საქართველოს რეგიონებს მოიცავს, სადაც შესარჩევი ტურები გაიმართება და საუკეთესოები ფინალურ ტურნირში ასპარეზობის უფლებას მოიპოვებენ.
საქართველოს ჩემპიონატი 1 ივლისს თბილისში დაიწყება და 18 ივლისს დედაქალაქშივე ფინალური ტურნირით დასრულდება. აღნიშნულ პერიოდში თბილისის გარდა შესარჩევი ტურები გაიმართება გორში, თელავში, ბათუმში, ზუგდიდში, ქუთაისში, ბორჯომში და რუსთავში.
3X3 კალათბურთში საქართველოს ჩემპიონატის გახსნა 1 ივლისს საქართველოს ეროვნული უნივერსიტეტის გუმბათოვან სახურავზე გაიმართება, რომელსაც მოჰყვება თბილისის შესარჩევი ტური. ორგანიზატორთა მიერ დაწესებული პროპორციული კვოტით ყოველი ქალაქის შესარჩევი ტურიდან გუნდები 18 ივლისს გასამართ ფინალურ ტურნირში ასპარეზობის უფლებას მოიპოვებენ.
საქართველოს ჩემპიონატის მხარდამჭერია სპორტისა და ახალგაზრდობის საქმეთა სამინისტრო. გენერალური პარტნიორი ტურისტული კომპანია „თრეველინი“. გახსნის ცერემონიალის ოფიციალური მასპინძელია ეროვნული უნივერსიტეტი, ხოლო ფინალის მასპინძელი “თბილისი მოლი“. 18 ივლისს, “თბილისი მოლში”გასამართ ფინალურ ტურნირზე გამოიფინება ევროპის ჩემპიონატის საჩემპიონო თასი, რომელიც ევროპის ქვეყნებში მაისის თვიდან მოგზაურობს და 18 ივლისს თბილისში იქნება. ძვირფასი ტიტულის ნახვა ნებისმიერ მსურველს შეეძლება, რომელიც 3X3 კალათბურთში საქართველოს ჩემპიონატის ფინალურ ტურნირზე -“თბილისი მოლში” მოვა.
საქართველოს ჩემპიონი გუნდი გაემგზავრება ბუქარესტში, საერთაშორისო ტურნირზე „არენა სპორტ ჩელენჯ“, რომელიც რუმინეთის დედაქალაქში 15-16 აგვისტოს გაიმართება. გამგზავრებას უზრუნველყოფს საქართველოს ჩემპიონატის პარტნიორი – ტურისტული კომპანია „თრეველინი“.
საქართველოს ჩემპიონატი ფიბა-ს ოფიციალურ კალენდარშია ჩასმული. თბილისის ტურში მონაწილე გუნდების რეგისტრაცია უკვე დაიწყო ფიბა-ს 3X3 კალათბურთის ოფიციალურ ვებ-გვერდზე და 30 ივნისამდე გაგრძელდება. მსურველები ეწვიეთ მითითებულ ბმულს:
http://www.3x3planet.com/en/event/details/TMZ15GRDXWVDYGEO
საკონტაქტო პირი: 551770033 ელ-ფოსტა: giga.gurgelidze@gmail.com
დღეს გაირკვა 3X3 კალათბურთში საქართველოს 18-წლამდელთა ეროვნული ნაკრების მეტოქეები მსოფლიოს ჩემპიონატზე. ფიბა-მ ჯგუფებში ადგილები რეიტინგის მიხედვით გაანაწილა. პლანეტის პირველობა უნგრეთის ქალაქ დებრეცენში, 4-7 ივნისს გაიმართება.
საქართველოს ნაკრებს მსოფლიოს ჩემპიონატზე წარადგენენ ვიტალი ცქიფურიშვილი, კოსტანტინე ბიწაძე, ტარიელ ზუზაძე (სამივე სოხუმი) და ნიკოლოზ დარბაიძე (აკადემია). ამ მოთამაშეებმა თავი თბილისში აპრილის თვეში ჩატარებულ 3X3 კალათბურთის 18-წლამდელთა ტურნირებში გამოიჩინეს და ნაკრებში თამაშის უფლებაც დაიმსახურეს.
საქართველოს ნაკრები კენჭისყრის შედეგად უძლიერეს ჯგუფში მოხვდა. ჩვენი ნაკრების მეტოქეები იქნებიან მოქმედი ჩემპიონი არგენტინა, ამერიკის შეერთებული შტატების ტრადიციულად ძლიერი ნაკრები, მუდამ სტაბილური ესპანეთი, წინა მსოფლიოს ჩემპიონატის მასპინძელი ინდონეზია და საკალათბურთო ქვეყანა პუერტო რიკო. ამერიკის ნაკრებში ითამაშებს ნბა-ს ერთ-ერთი საუკეთესო გამთამაშებლის, რეიმონდ ფელტონის ძმისშვილი ჯალეკ ფელტონი.
გათამაშების სისტემის თანახმად, 24 ნაკრები 4 ჯგუფშია გადნაწილებული. თითოეული ჯგუფიდან მერვედგინალში 4-4 გუნდი გადის, რომლებიც ჩემპიონობისთვის ბრძოლას პლეი ოფის სისტემით აგრძელებენ.
საქართველოს ნაკრები ჯგუფში თამაშებს ინდონეზიით იწყებს, რის შემდეგაც აშს-ს, პუერტო რიკოს, ესპანეთს და ბოლოს მოქმედ მსოფლიოს ჩემპიონ არგენტინას შეხვდება.
3×3-ზე კალათბურთში საქართველოს ეროვნული ნაკრები ევროპის ჩემპიონატის შესარჩევ ტურნირზე, ჰოლანდიაში მიემგზავრება. 3×3-ზე კალთბურთის ისტორიაში პირველი ევროპის ჩემპიონატი 5-7 სექტემბერს რუმინეთში, ქალაქ ბუქარესტში გაიმართება.
სწორედ ამ ტურნირის ფინალური ეტაპის საგზურებისთვის იქნება ბრძოლა ჰოლანდიაში, სადაც საქართველოსთან ერთად თავს 8 ნაკრები მოიყრის. ესენია – ჰოლანდია, რუსეთი, თურქეთი, ანდორა, აზერბაიჯანი, რუმინეთი, შვედეთი და საქართველო. აღნიშნული ნკრებები ფინალური ეტაპის ოთხი საგზურისთვის იბრძოლებენ.
ამსტერდამში თავმოყრილი 8 გუნდი 2 ქვეჯგუფში გაარკვევს ურთიერთობას. ერთი წრის შემდეგ ნაკრებები ჯგუფში დაკავებული ადგილების მიხედვით დაწყვილდებიან ¼ ფინალში.
ევროპირველობის შესარჩევი ტურნირი უკვე გაიმართა უნგრეთში, სადაც საგზურები ლიტვამ, ისრაელმა, ესპანეთმა, ბელგიამ და შვეიცარიამ მოიპოვეს.
საქართველოს ნაკრების ღირსებას ჰოლანდიაში ირაკლი ჩლაიძე, მიხეილ ფანჩულიძე, ირაკლი ალხანაიძე და ვახტანგ ქადარია დაიცავენ. ჩვენი გუნდი ასპარეზობას „ბ“ ჯგუფში თურქეთის, რუსეთის და შვედეთის ნაკრებებთან იასპარეზებს.
მოახლოებულ ტურნირთან დაკავშირებით ნაკრების წევრებმა ღია ვარჯიში გამართეს. გუნდის მზადების და შანსების შესახებ კომენტარი ნაკრების მენეჯერს, გიგა გურგენიძეს და მოთამაშეს მიხელ ფანჩულიძეს ვთხოვეთ.
გიგა გურგენიძე: ”3x3-ზე კალათბურთში ევროპის ჩემპიონატი პირველად ტარდება და შესაბამისად ჩვენც პირველად მივემგზავრებით შესარჩევ ეტაპზე. მოვხვდით „ბ“ ჯგუფში, სადაც საკმაოდ ძლიერი მეტოქეები გვეყოლება. ბიჭები კარგად ემზადებიან, იმედიანად არიან და იმედია ფინალური ეტაპის საგზურსაც მოვიპოვებთ“.
მიხეილ ფანჩულიძე: „უკვე არაერთი კვირაა ამ ტურნირისთვის ვემზადებით. ვიმყოფებით კარგ ფორმაში. სიმართლე გითხრათ, მეტოქეებზე ინფორმაცია არ გვაქვს, თუმცა ჩვენს თავში დარწმუნებულები ვართ და ვეცდებით ასპარეზობა გამარჯვებით დავასრულოთ“.
მარიამ ნიშნიანიძის ფოტოები
3X3 კალათბურთში საქართველოს ჩემპიონატის ფინალური ეტაპი 13 ივლისს, „თბილისი მოლში“ გაიმართება. თავდაპირველად დაგეგმილი იყო 12 ივლისი, თუმცა ამ დღეს თვითმმართველობის არჩევნების მეორე ტურის დანიშვნის გამო ფინალურმა ეტაპმა ერთი დღით, 13 ივლისს გადაიწია.
ფინალურ ეტაპში 16 გუნდი იასპარეზებს, რომლებიც 11 ქალაქში გამართული შესარჩევი ტურნირების შედეგად შეირჩა. დედაქალაქიდან ფინალში საუკეთესო 6 გუნდი გავიდა, დანარჩენი რეგიონებიდან კი ფინალში თითო საუკეთესო გუნდი მოხვდა.
„თბილისი მოლში“ ფინალური ეტაპი 13:00 საათზე დაიწყება. ასევე გაიმართება კონკურსები სამქულიან სროლებსა და ბურთის ეფექტურ გდებებში – ჩატენვებში. ფინალური მატჩის წინ, 19:00 საათზე გაიმართება ტრაგიკულად დაღუპული ბაჩო სვანიძის მედია-ტურნირის ფინალი. „ბაჩოს თასი“ 29 ივლისს გაიმართა და ფინალში გასულმა გუნდებმა კალათბურთის ფედერაციისგან 3X3 კალათბურთის მაისურები მიიღეს, რომლებითაც 13 ივლისს, „თბილისი მოლში“ იასპარეზებენ.
19:30 წუთზე გაიმართება 3-ქულიანების კონკურსის ფინალი, 19:45 წუთზე ერთმანეთს ჩატენვების კონკურსის ფინალისტები შეეჯიბრებიან, 20:00 საათზე კი საქართველოს 3X3 ჩემპიონატის ფინალური მატჩი დაიწყება.
3X3 კალათბურთში საქართველოს ჩემპიონატის გენერალური სპონსორია კომპანია „სამსუნგი“. გენერალური პარტნიორი „ბორჯომი“. ტურნირის ოფიციალური მასპინძელია „თბილისი მოლი“, პარტნიორი კი – ტურისტული კომპანია „თრეველინი“, რომელიც საქართველოს ჩემპიონი გუნდის გამგზავრებას უზრუნველყოფს რუმინეთში, 3X3 კალათბურთის ევროტურის ერთ-ერთ ეტაპზე.
გუნდების საყურადღებოდ!
– მოთამაშის ჩანაცვლება შესაძლებელი იქნება 12 ივლისს 11:00-დან 18:00 საათამდე (საკონტაკტო ტელ: 551770033).
– 13 ივლისს 12:00 საათიდან დაიწყება წინასწარი რეგისტრაცია, რომელზეც აუცილებელია გუნდის მინიმუმ 1 წარმომადგენლის გამოცხადება, რომელმაც თან უნდა იქონიოს პირადობის დამადასტურებელი მოწმობა,
– მოთამაშეებს დაურიგდებათ გუნდის ბეიჯები და ფორმები, რომლის გარეშეც მოედანზე ვერ შევლენ.
– თამაშების კალენდარი და განრიგი განთავსდება საიტზე www.3X3planet.com
– თამაშები დაიწყება 13:00 საათიდან.
superleague.ge
თბილისი მოლში 3×3 ჩემპიონატის გახსნის და თბილისური ტურის ვიდეორგოლი.
3X3 კალათბურთში საქართველოს ჩემპიონატის პირველი შესარჩევი ტურის ჯგუფები ცნობილია. დღეს, სპორტისა და ახალგაზრდობის საქმეთა სამინისტროს სააქტო დარბაზში 22 ივნისს გასამართი თბილისის შესაჩევი ტურის კენჟისყრა გაიმართა, რომელსაც გუნდების წარმომადგენლები დაესწრნენ.
გათამაშების ფორმატის თანახმად, თბილისის ტურში მონაწილე 50 გუნდი 16 ჯგუფში გადანაწილდა. შეიქმნა 14 3-გუნდიანი და 2 4-გუნდიანი ჯგუფი, საინადან პლეი ოფში თითო საუკეთესო გავა. პლეი ოფი მერვედფინალიდან დაიწყება, რომელშიც 16 ჯგუფის 16 გამარჯვებული იასპარეზებს. 12 ივლისისთვის ფინალურ საგზურს მოიპოვებს 6 საუკეთესო გუნდი. ნახევარფინალში გასული 4 გუნდი ავტომატურად გადადის საქართველოს ფინალში, 4 დარჩენილი გუნდი კი 2 საგზურს პლეი აუტის სისტემით გაითამაშებს. თბილისის ტურზე გამოვლინდება ტურის ჩემპიონი გუნდი და საუკეთესო მოთამაშე.
კენჟისყრაში მონაწილეობა თავად მოთამაშეებმა მიიღეს, რომლებიც 3 კალათაში განთესილ გუნდებს რიგრიგობით იღებდნენ და შედეგები დიდ ეკრანზე, სპეციალურად შექმნილ პროგრამაში ისახებოდა.
ორგანიზატორებმა გუნდების წარმომადგენლებს გააცნეს ის ძირითადი ვალდებულებები, რომლებიც მათ ტურნირის დროს უნდა შეასრულონ. „თბილისი მოლში“ გაიმართება 3X3 კალათბურთში საქართველოს პირველი ეროვნული ჩემპიონატის გახსნა. თამაშები დილის 10 საათიდან დაიწყება, გახსნის საზეიმო ცერემონიალი კი 14:00 საათზეა დაგეგმილი.
ტურნირში მონაწილეებისთვის:
– დილის 9 საათიდან დაიწყება რეგისტრაცია, რომელზეც აუცილებელია გუნდის მინიმუმ 1 წარმომადგენლის გამოცხადება.
– ტურნირის ყველა მონაწილემ თან უნდა იქონიოს პირადობის დამადასტურებელი მოწმობა, რომლის გარეშეც რეგისტრაციას ვერ გაივლიან.
– მოთამაშეებს დაურიგდებათ გუნდის ბეიჯები, რომლის გარეშეც მოედანზე ვერ შევლენ.
თბილისის შესარჩევი ტურის სრული კალენდარი ხვალ გამოქვეყნდება. მოთამაშეებს კალენდრების და ცხრილების ნახვის საშუალება ექნებათ თავიანთ პირად გვერდებზეც. მთლიანობაში, საქართველოს ყველა რეგიონში გაიმართება 11 შესარჩევი ტური, ხოლო ფინალური ეტაპი, 12 ივლისს, დედაქალაქში გაიმართება.
superleague.ge
3x3 ჩემპიონატის თბილისის ტურის გუნდების საყურადღებოდ!
დასრულდა 3×3 ჩემპიონატის თბილისის ტურში მონაწილეობის მსურველთა რეგისტრაცია. რეგისტრაცია გაიარა 50 გუნდმა!
22 ივნისის თბილისის ტურის მონაწილე გუნდების კენჭისყრა გაიმართება დღეს სპორტისა და ახალგაზრდობის სამინისტროს საპრესკონფერენციო დარბაზში!
გუნდების წარმომადგენლებს ვთხოვთ მობრძანდნენ 18:00 საათზე!
22 ივნისს გუნდები Tbilisi Mall-ში უნდა გამოცხადნენ 09:00 საათზე ადგილზე რეგისტრაციის გასავლელად. თამაშები დაიწყება 10:00 საათზე.
http://superleague.ge/
