მიუნხენის “ბაიერნის” მცველი ჯერომ ბოატენგი გერმანიის ბუნდესლიგაში ზედიზედ ჩატარებული 56 წაუგებელი მატჩის გამო გინესის რეკორდების წიგნში შეიყვანეს. ამ მიღწევისთვის ფეხბურთელს სპეციალური სერტიფიკატი გადაეცა.
ჯერომ ბოატენგის წაუგებელი სერია ორი წელი გაგრძელდა, კერძოდ, 2012 წლის 3 ნოემბერს დაიწყო და 2014 წლის 19 დეკემბერს დასრულდა.
2014 წლის მსოფლიოს ჩემპიონატის ჯგუფურ ეტაპზე გერმანიისა და პორტუგალიის ნაკრებებს შორის გამართული შეხვედრა „ბუნდესთიმის“ დამაჯერებელი გამარჯვებით, ანგარიშით 4:0 დასრულდა.
გერმანელი მცველი ჯერომ ბოატენგი ტურნირზე პირველი ჩატარებული მატჩით კმაყოფილია.
„მეტოქეს თავიდანვე პრესინგი მოვუწყეთ. გუნდურად შესანიშნავად ვითამაშეთ. კრიშტიანუ რონალდუ სრულად ჩავკეტეთ. მას სერიოზული პრობლემები ექმნებოდა, როცა ბურთს ფლობდა. ჩვენ მას თავისუფალ სივრცეს არ ვაძლევდით“, – განაცხადა ბოატენგმა.
