ჭდე: სუპერთასი

სუპერთასის შეხვედრის გმირმა, გამარჯვების გოლის ავტორმა, დანიელ კარვახალმა მატჩზე ისაუბრა.

“დაძაბული თამაში გამოვიდა. მეორე ტაიმში რთულ სიტუაციაში ჩავვარდით, მაგრამ არ დავნებდით, ბოლო წამამდე ვიბრძოლეთ და წარმატების მიღწევა შევძელით. “რეალი” არასოდეს, არც ერთ სიტუაციაში არ ნებდება!”

“ძალიან ბევრი მოთამაშე გვაკლდა, მაგრამ გვქონდა იმის რესურსი, რომ ღირსეულად წარვსდგომოდით ამ შეხვედრაში. “რეალის” აღზრდილმა ფეხბურთელებმა გადამწყვეტი როლი შეასრულეს დღევანდელ წარმატებაში!” – განაცხადა მარჯვენა მცველმა.

სუპერთასის წაგების შედმეგ, “სევილიას” მოთამაშემ, ნიკო პარეხამ ჟურნალისტებთან ისაუბრა.

“ჩვენ რამდენიმე სერიოზული შეცდომა დავუშვით, რომლებიც მომავალში აღარ უნდა განმეორდეს. ყველაფერს ვეცადეთ ბოლო წუთამდე, მაგრამ, სამწუხაროდ, არ  გამოგვივიდა. არაუშავს, თავები უნდა ავწიოთ და სამ დღეში გასამართ ფინალზე ვიფიქროთ.”

“შეხვედრაში ყველანაირად ვცდილობდით, რომ ბურთი გვეკონტროლებინა და მადრიდელებზე უპირატესობა მოგვეპოვებინა. ხშირ შემთხვევებში ეს მოვახერხეთ, მაგრამ მცირე დეტალებში შევცდით, რომლებიც საბოლოოდ გამდაწყვეტი აღმოჩნდა. ყველაფერს გამოვასწორებთ, ამის ძალა ნამდვილად შეგვწევს!” – განაცხადა “სევილიას” მოთამაშემ.