არგენტინის ნაკრების ნახევარმცველის ფერნანდო გაგოს აზრით, გუნდი „ბარსელონას“ თავდამსხმელზე ლიონელ მესიზე დამოკიდებული არ არის.
„ისეთი ფეხბურთელის თამაშისგან, როგორიც მესია, უბრალოდ, უნდა ვისიამოვნოთ. მას ამა თუ იმ ეპიზოდის ჩვენ სასარგებლოდ დასრულება შეუძლია. დამოკიდებულება? არამგონია, იგი არსებობდეს. საქმე იმაშია, რომ ლეო მსოფლიოს საუკეთესო ფეხბურთელია, ამიტომაც არგენტინა ამით უნდა სარგებლობდეს“, – თვლის გაგო.