ევროპის ლიგის მეოთხედფინალურ ეტაპზე “ლივერპული” დორმტუნდის “ბორუსიას” შეხვდება. მერსისაიდული გუნდის გერმანელმა ნახევარმცველმა ემრე ჯანმა დამდეგი დაპირისპირების შესახებ ისაუბრა.
“განსაკუთრებული მატჩები გველის. გერმანიაში ფავორიტად “ბორუსიას” თვლიან, თუმცა მე მჯერა, რომ შანსები თანაბარია – 50 50-ზე. ვიცი, რაოდენ ძლიერია “ლივერპული”, – ციტირებს ემრე ჯანის სიტყვებს Frankfurter Rundschau.
წყვილის პირველი შეხვედრა დორტმუნდში, 7 აპრილს შედგება, საპასუხო კი “ენფილდზე”, 14 აპრილს გაიმართება.
“ლივერპულის” ახალწვეულმა ემრე ჯანმა ჩემპიონთა ლიგაზე მერსისაიდული გუნდის დაბრუნების შესახებ ისაუბრა.
“ამ სეზონში ჩემპიონთა ლიგაზე მოგვიწევს ასპარეზობა და ჩვენს ძალებში დარწმუნებულნი ვართ. მთელი გუნდი, მთელი კლუბი და ქალაქი მოუთმენლად ელის ამ ტურნირზე დაბრუნებას, ჩემპიონთა ლიგაზე რამდენიმე წელია, არ გვითამაშია.
პირადად მე გასულ წელს ჩემს ძველ გუნდთან ერთად ჩემპიონთა ლიგაზე თამაშის პატივი მქონდა. მართლაც განსაკუთრებული რამ გახლავთ ამ ტურნირზე ასპარეზობა”, – ციტირებს ემრე ჯანის სიტყვებს Liverpool Echo.
ლევერკუზენის „ბაიერის“ ნახევარმცველი ემრე ჯანი ინგლისურ „ლივერპულში“ გადავიდა.
თურქული ფესვების მქონე გერმანელი ფეხბურთელის სანაცვლოდ მერსისაიდელებმა 10 მილიონი ფუნტ სტერლინგი გაიღეს.
„ვამაყობ, რომ „ლივერპულის“ ოჯახის წევრი გავხდი. დიდებული კლუბია, ქომაგების მხრივ მსოფლიოს მასშტაბით ერთ-ერთი საუკეთესო. მოუთმენლად ველი პირველ შეხვედრასა და პირველ თამაშს „ენფილდის“ მინდორზე“, – ციტირებს ემრე ჯანის სიტყვებს კლუბის ოფიციალური ვებგვერდი.
ცნობისთვის, 20 წლის ნახევარმცველმა გერმანიის ბუნდესლიგის გასულ გათამაშებაში 29 მატჩი ჩაატარა და 3 გოლი მიითვალა.
მიმდინარე სატრანსფერო პერიოდში ემრე ჯანი „ლივერპულის“ მესამე შენაძენია. „ენფილდროუდელებმა“ მანამდე „საუთჰემპტონიდან“ რიკი ლამბერტი და ადამ ლალანა დაიმატეს.
