“ლივერპულის” ახალწვეული ლაზარ მარკოვიჩი აცხადებს, რომ მას ახალ კლუბთან ერთად ბევრი ტიტულის მოგება სურს.
შეგახსენებთ, რომ 20 წლის სერბი ფეხბურთელი “ლივერპულში” “ბენფიკადან” 25 მილიონი ევროს სანაცვლოდ გადავიდა.
“პირველი პროფესიონალური კონტრაქტი “პარტიზანთან” გავაფორმე, სადაც ტიტული მოვიგე. ახლა “ლივერპულში” მოვხვდი და რა თქმა უნდა, მინდა, რომ ბევრი ტიტული მოვიპოვო, ამისათვის კი აუცილებლად ბოლომდე დავიხარჯები”, – ამბობს მარკოვიჩი.
ლისაბონის „ბენფიკას“ შემტევი ნახევარმცველი ლაზარ მარკოვიჩი „ლივერპულში“ გადავიდა.
20 წლის სერბმა ფეხბურთელმა მერსისაიდულ გუნდთან გრძელვადიან ხელშკრულებას მოაწერა ხელი. „ენფილდროუდელებმა“ მარკოვიჩის სანაცვლოდ 20 მილიონი ფუნტი გაიღეს.
ახალგაზრდა სერ ფეხბურთელს ორივე ფლანგზე შეუძლია თამაში. გარდა ამისა, მას ფლეიმეიქერის ფუნქციების შესრულებაც ძალუძს.
„მოხარული ვარ, რომ ასეთ დიდებულ კლუბს შევუერთდი. იმედი მაქვს, გულშემატკივრების, მწვრთნელების, ფეხბურთელებისა და კლუბთან დაკავშირებული ყველა ადამიანის მოლოდინს გავამართლებ. ვხედავ, როგორი მოთამაშეები და როგორი ქომაგები ჰყავს გუნდს. მოუთმენლად ველოდები „ლივერპულში“ თამაშის დაწყებას“, – განაცხადა მარკოვიჩმა.
სერბმა ფეხბურთელმა 2013-14 წლების სეზონში „ბენფიკას“ ფორმით 49 მატჩი ჩაატარა და შვიდი გოლი გაიტანა.
მიმდინარე სატრანსფერო პერიოდში ლაზარ მარკოვიჩი „ლივერპულის“ მეოთხე შენაძენია. „ენფილდროუდელებმა“ მანამდე „საუთჰემპტონიდან“ რიკი ლამბერტი, ადამ ლალანა და ლევერკუზენის „ბაიერიდან“ ემრე ჯანი დაიმატეს.
