პრემიერ ლიგის 32 ტურის ცენტრალურ დაპირისპირებას “ეტიჰად სტედიუმმა” უმასპინძლა, სადაც ადგილობრივ “მანჩესტერ სიტის” ჟოზე მოურინიოს “წითელი ეშმაკუნები” ეწვივნენ. მატჩი ძალიან დაძაბული და საინტერესო აღმოჩნდა.
მატჩი ორი სრულიად განსხვავებული ნახევრისგან შედგებოდა, რომლის პირველ ნაწილშიც მასპინძლები სრულ უპირატესობას ფლობდნენ. მართალია, “ქალაქელები” “ლივერპულთან” გასამართ მატჩზე ფიქრობდნენ, მაგრამ პირველივე ტაიმში შეძლეს მეტოქეთა დაჩაგვრა – ჯერ კომპანიმ გაიტანა (25′) შემდეგ კი გიუნდოგანმა (30′), თანაც ისე რომ “იუნაიტედს” ერთი დარტყმაც კი არ განუხორციელებია მეტოქის კარისაკენ.
მეორე ტაიმში კი გულშემატკივარმა სრულიად სახეშეცვლილი “მანჩესტერ იუნაიტედი” იხილა. პოგბამ მალევე შეძლო ანგარიშის გათანაბრება (53′ 55′), რასაც ქრის სმოლინგის მიერ 69-ე წუთზე გატანილი გამარჯვების გოლი მოჰყვა. აღსანიშნავია დე ხეას ყოჩაღობაც ბოლო წუთებში და საბოლოო ჯამში უნდა ვთქვათ, რომ ჟოზემ პეპს აჯობა.
“მანჩესტერ სიტი”: ედერსონი; დელფი, ოტამენდი, კომპანი, დანილო; სილვა (დე ბრუინი 72′), ფერნანდინიო, გიუნდოგანი (აგუერო 76′); ლეროი სანე, სტერლინგი, ბერნარდო სილვა (გაბრიელ ჟეზუსი 72′)
მთავარი მწვრთნელი: პეპ გვარდიოლა
“მანჩესტერ იუნაიტედი”: დე ხეა; ვალენსია, სმოლინგი, ბაილი, ეშლი იანგი; ანდერ ერერა, მატიჩი, პოლ პოგბა; ლინგარდი, ლუკაკუ, ალექსის სანჩესი (რეშფორდი 82′)
მთავარი მწვრთნელი: ჟოზე მოურინიო
