ტურინის “იუვენტუსის” ახალწვეულმა ადრიან რაბიომ იტალიურ გუნდში გადასვლის შემდეგ შექმნილი შთაბეჭდილებების შესახებ ისაუბრა.
“იტალიის ჩემპიონატში სათამაშოდ მზად ვარ. მთავარ მწვრთნელთან საუბრის შესაძლებლობა ჯერ არ მქონია, მაგრამ აქაურობით მოხიბლული ვარ.
უკანასკნელი რამდენიმე თვე ჩემთვის იოლი არ ყოფილა, მაგრამ ეს უკვე წარსულია. ახლა მხოლოდ ახალ თავგადასავალზე ვფიქრობ.
რაც შეეხება “იუვენტუსს”, შესანიშნავი კლუბია. თამამად ვიტყვი, რომ აქ გადმოსვლა წინ გადადგმული ნაბიჯია. ვიცი, რომ “იუვეს” რიგებში დიდ ფრანგ ფეხბურთელებს უთამაშიათ. ვეცდები, რომ აქ ჩემი სახელიც დავტოვო”, – ციტირებს რაბიოს სიტყვებს “იუვენტუსის” ვებგვერდი.
ცნობისათვის, ფრანგი ნახევარმცველით “ბარსელონა”, მიუნხენის “ბაიერნი” და რამდენიმე ინგლისური კლუბი გახლდათ დაინტერესებული.
