ლონდონის “არსენალი” ზამთრის სატრანსფერო პერიოდში რამდენიმე ფეხბურთელით გაძლერებას აპირებს.
“მეთოფეთა” მთავარი სატრანსფერო მიზანი “პარი სენ-ჟერმენის” 19 წლის ნახევარმცველი ადრიან რაბიო იქნება. ახალგაზრდა ფრანგმა ფეხბურთელმა პარიზულ კლუბთან კონტრაქტის გახანგრძლივებაზე უარი თქვა. “არსენალს” ამ ტრანსფერის გაჩარხვაში იტალიური “რომა” შეეცილება.
კიდევ ერთი ფეხბურთელი, რომლის ხილვაც არსენ ვენგერს საკუთარ კლუბში სურს, “მალაგას” მარცხენა მცველი ვიტორინუ ანტუნეში გახლავთ. პორტუგალელ მოთამაშეს ანდალუსიურ კლუბთან კონტრაქტი 2016 წელს ეწურება.
