მარტინ ედეგორი – გვერდი 3 – Fanebi.Com – ფეხბურთი, კალათბურთი, რაგბი, სხვა

ედეგორის ახალი კლუბი ცნობილია

Posted on დეკემბერი 16, 2014 by Levan

როგორც ჩანს, მარტინ ედეგორისთვის ბრძოლა მიუნხენის “ბაიერნის” გამარჯვებით დასრულდა.

Sport 1.de-ს ცნობით 15 წლის ნახევარმცველი გერმანულ გრანდთან კონტრაქტს უახლოეს მომავალში გააფორმებს. შესაძლოა, ხელშეკრულების შესახებ ინფორმაცია ხვალაც გახდეს ცნობილი. რამდენიმე საათში ედეგორს 16 წელი შეუსრულდება და მას სრულფასოვანი კონტრაქტის გაფორმების უფლება ექნება.

შეგახსენებთ, ცოტა ხნის წინ ედეგორი ევროპის ჩემპიონატის საკვალიფიკაციო ეტაპების ისტორიაში ყველაზე ახალგაზრდა ფეხბურთელი გახდა. ნორვეგიელი ტალანტისადმი “ბაიერნის” გარდა ბოლო დრომდე “ლივერპული”, “აიაქსი” და “რეალი” იბრძოდნენ.

რობენი: “ედეგორის შესახებ ზედმეტად ბევრს საუბრობენ”

Posted on დეკემბერი 14, 2014დეკემბერი 14, 2014 by ბექა დოგრაშვილი

მიუნხენის “ბაიერნის” ერთ-ერთი ლიდერი არიენ რობენი თვლის, რომ პრესა “სტრემსგოდსეტის” შემტევ ნახევარმცველ მარტინ ედეგორს ზედმეტ ყურადღებას უთმობს, რითაც ახალგაზრდა ნორვეგიელ ფეხბურთელს დიდი წნეხის ქვეშ აყენებს. ედეგორს ამა წლის 17 დეკემბერს მხოლოდ 16 წელი უსრულდება. ის უკვე თამაშობს კლუბის ძირითად შემადგენლობაში. გარდა ამისა, ედეგორი 15 წლისა და 300 დღის ასაკში, ბულგარეთის ნაკრების წინააღმდეგ გამართულ მატჩში მონაწილეობით ყველაზე ახალგაზრდა ფეხბურთელი გახდა, რომელსაც ევროპის ჩემპიონატის საკვალიფიკაციო ეტაპზე უთამაშია.

მარტინ ედეგორით უკვე დაინტერესდნენ ევროპის წამყვანი კლუბები. ახალგაზრდა ნორვეგიელმა ფეხბურთელმა “ლივერპულისა” და მიუნხენის “ბაიერნის” რიგებში უკვე ჩაატარა რამდენიმე ვარჯიში, იანვრიდან კი ამსტერდამის “აიაქსში” ივარჯიშებს.

“ედეგორი დიდი ნიჭის მქონე ფეხბურთელია, მაგრამ ის მხოლოდ 15 წლის გახლავთ. მის შესახებ ბევრს საუბრობენ და წერენ, თუმცა მისთვის უმჯობესი იქნება, მშვიდ გარემოში ფეხბურთით ტკბობის საშუალება მიეცეს. ამ ყურადღებით ედეგორი დიდი წნეხის ქვეშ ექცევა”, – რობენის სიტყვები sport1.de-ზე გამოქვეყნდა.

ედეგორი ამსტერდამში ჩავა

Posted on დეკემბერი 11, 2014დეკემბერი 11, 2014 by Levan

ჰოლანდიური პრესის ცნობით 15 წლის მარტინ ედეგორი იანვარში ამსტერდამს ეწვევა. ფეხბურთელის ვიზიტის მიზეზი “აიაქსის” ბაზის სტუმრობა იქნება. ამსტერდმული კლუბი მოთამაშისთვის კონტრაქტის შეთავაზებას აპირებს.

შეგახსენებთ, რომ ახალგაზრდა ნორვეგიელით ასევე “ბაიერნი”, “ლივერპული” და “რეალი” არიან დაინტერესებულები. ედეგორი მადრიდული და ლივერუპულური კლუბების ბაზებს უკვე სტუმრობდა.

ედეგორი ლივერპულში ვარჯიშობს

Posted on დეკემბერი 6, 2014 by Levan

ბრიტანული პრესის ცნობით ნორვეგიელი ტალანტი მარტინ ედეგორი “ლივერპულთან” ერთად ვარჯიშობს.

15 წლის ფეხბურთელი, რომელსაც პირველი პროფესიონალური კონტრაქტის გაფორმების უფლება ერთ თვეში ექნება, ინლისური კლუბის პირობებს ეცნობა.

ედეგორისთვის მერსისაიდელების გარდა “რეალი”, დორტმუნდის “ბორუსია” და “მანჩესტერ იუნაიტედი” იბრძვიან.

ლივერპული ედეგორისთვის ბრძოლაში ჩაერთო

Posted on დეკემბერი 5, 2014 by Levan

ნორვეგიელი მარტინ ედეგორის გადაბირების მსურველი კლუბების რაოდენობა იზრდება. ესპანური პრესის ცნობით 15 წლის ფეხბურთელით “ლივერპულიც” დაინტერესდა.

გავრცელებული ინფორმაციით, კლუბის გაცნობის მიზნით მერსისაიდელებმა მარტინი ინგლისში მიიპატიჟეს.

ედეგორის გადაბირებით ასევე დაინტერესებულები არიან “რეალი”, “ბარსელონა”, “ბაიერნი” და “მანჩესტერ იუნაიტედი”. შეგახსენებთ, ფეხბურთელი უკვე ესტუმრა მადრიდული კლუბის სამწვრთნელო ბაზას, თუმცა საკუთარი მომავლის შესახებ მას ჯერ არ უსაუბრია.

მოურინიომ ჩეხის და ედეგორის შესახებ ისაუბრა

Posted on დეკემბერი 2, 2014 by Levan

“ჩელსის” დამრიგებელი, ჟოზე მოურინიო, სატრანსფერო ჭორებს გამოეხმაურა. ინგლისის ჩემპიონატის მორიგ მატჩისწინა პრესკონფერენციაზე ჟურნალისტებმა პორტუგალიელს ჩეხის სავარაუდო ტრანსფერის შესახებ ჰკითხეს. ლონდონელთა თავკაცმა განაცხადა, რომ “ჩელსის” ჩეხის თაობაზე ჯერჯერობით ოფიციალური წინადადება არ მიუღია.

გარდა ამისა, მოურინიომ 15 წლის ნორვეგიელი ტალანტის, მარტინ ედეგორის ტრანსფერზეც ისაუბრა.

“ედეგორზე არაფერი მსმენია. მას სხვადასხვა კლუბებში უშვებენ, თუმცა პირადად მე არ მაინტერესებს, თუ სად აღმოჩნდება ეს ფეხბურთელი. მხოლოდ ის ვიცი, რომ ის “ჩელსიში” არ ითამაშებს” – განაცხადა მოურინიომ.

მარტინ ედეგორი: “რეალში ახალგაზრდებისთვის შექმნილი პირობები მომწონს”

Posted on ნოემბერი 27, 2014ნოემბერი 27, 2014 by Levan

15 წლის ნორვეგიელმა ტალანტმა მარტინ ედეგორმა, რომელსაც კონტრაქტის გაფორმებას “რეალი” სთავაზობს, მადრიდული კლუბში შესაძლო გადასვლაზე ისაუბრა.

“რეალში ახალგაზრდებისთვის შექმნილი პირობები ძალიან მომწონს. თუმცა, სხვა ევროპულ კლუბებშიც ახალგაზრდებთან დაკავშირებით საკმაოდ საინტერესო პროექტები არსებობს. პირადად ჩემთვის მთავარია ისეთი გუნდის პოვნა, რომელიც ჩემს დონეს შეესაბამება. ამ ეტაპზე ყველაზე მნიშვენლოვანი ჩემი საფეხბურთო პროგრესის გაგრძელებაა” – განაცხადა ედეგორმა.

მარტინ ედეგორმა არჩევანი გააკეთა

Posted on ოქტომბერი 27, 2014 by Levan

15 წლის მარტინ ედეგორმა, რომელიც ამჟამად ნორვეგიული “სტრომსგოდსეტის” ღირსებას იცავს, თავისი მომავალი კლუბი აირჩია.

შეგახსენებთ, ნორვეგიელი ვუნდერკინდის მიმართ ინტერესს ფაქტობრივად ყველა წამყვანი კლუბი იჩენდა, თუმცა ბრიტანული პრესის ცნობით, მარტინმა არჩევანი ამსტერდამის “აიაქსზე” შეაჩერა, სადაც ზამთარში გადაბარგდება. ამ დროისთვის ედეგორი უკვე 16 წლის იქნება და კონტრაქტის გაფორმებასთან დაკავშირებით არანაირი დაბრკოლება აღარ შეიქმნება.

შეგახსენებთ, 15 წლის მოთამაშეს უკვე ნორვეგიის ნაკრებშიც ჰქონდა დებიუტი. მარტინ ედეგორი ყველაზე ახალგაზრდა ფეხბურთელია, რომელსაც ევროპის ჩემპიონატის საკვალიფიკაციო ეტაპის მატჩში მიუღია მონაწილეობა. ედეგორი ნორვეგიისა და ბულგარეთის ნაკრებებს შორის გამართული შეხვედრის 63-ე წუთზე გამოვიდა მოედანზე და ახალი რეკორდიც დამყარდა.

ევროპის ჩემპიონატის საკვალიფიკაციო ეტაპის ყველა დროის ყველაზე ახალგაზრდა მოთამაშე

Posted on ოქტომბერი 14, 2014 by ბექა დოგრაშვილი

ნორვეგიის ნაკრებისა და “სტრემსგოდსეტის” ნახევარმცველი მარტინ ედეგორი ყველაზე ახალგაზრდა ფეხბურთელია, რომელსაც ევროპის ჩემპიონატის საკვალიფიკაციო ეტაპის მატჩში მიუღია მონაწილეობა. ედეგორი ნორვეგიისა და ბულგარეთის ნაკრებებს შორის გუშინ გამართული შეხვედრის 63-ე წუთზე გამოვიდა მოედანზე და ახალი რეკორდიც დამყარდა. ის გუშინ მხოლოდ 15 წლისა და 300 დღის გახლდათ.

ცნობისათვის, ნორვეგიის ნაკრებმა მეტოქე ანგარიშით 2:1 დაამარცხა.

“მანჩესტერ იუნაიტედი” დღეს კიდევ ერთ ფეხბურთელს დაიმატებს?

Posted on სექტემბერი 1, 2014 by -

როგორც ჩანს, “მანჩესტერ იუნაიტედი” ზაფხულის სატრანსფერო ბაზარზე აქტიურობას არ წყვეტს. თითქმის გადაწყვეტილია, რომ მანჩესტერულ კლუბში ითამაშებს კოლუმბიელი თავდამსხმელი რადამელ ფალკაო.

Sky Sports News-ის მტკიცებით, დიდი შანსია, ვან გაალმა გუნდში კიდევ ერთი ფეხბურთელი დაიმატოს. ამჯერად, საუბარია 15 წლის ნორვეგიელ ტალანტ მარტინ ედეგორზე.

1998 წელს დაბადებულმა ფეხბურთელმა, რომელიც შემტევი ნახევარმცველის პოზიციაზე თამაშობს, არაერთი კლუბის ყურადღება მიიპყრო. ცოტა ხნის წინ, მას ნორვეგიის ეროვნულ ნაკრებშიც ჰქონდა დებიუტი.

“ლივერპულმა” და “რეალმა” ნორვეგიელ ტალანტზე დასაკვირვებლად სკაუტები გაგზავნეს

Posted on აგვისტო 25, 2014 by -

მადრიდის “რეალი” და “ლივერპული” 15 წლის ნორვეგიელი ფეხბურთელით დაინტერესდნენ. როგორც დანიური პრესა იუწყება, კლუბებმა მარტინ ედეგორზე დასაკვირვებლად ნორვეგიაში სკაუტები უკვე გაგზავნეს.

გასულ სეზონში ედეგორმა “სტრიომსგოდსეტის” პირველ გუნდში 15 მატჩი ჩაატარა და სამი გოლი გაიტანა.

შემტევი ნახევარმცველი ნორვეგიის ეროვნულ ნაკრებშიც გამოიძახეს. ნორვეგიელები მალე არაბთა გაერთიანებული საამიროების ნაკრებს დაუპირისპირდებიან, “ლივერპულისა” და “რეალის” წარმომადგენლები კი ამ მატჩს დაესწრებიან.

გაიცანით 15 წლის ფეხბურთელი, რომლის შეძენა “ბაიერნსა” და “მანჩესტერს” სურთ

Posted on ივლისი 31, 2014ივლისი 30, 2014 by -

მიუხედავად იმისა, რომ ჯერ მხოლოდ 15 წლისაა, ნორვეგიელმა მარტინ ედეგორმა უკვე იმდენი მოახერხა, რომ მის მიმართ ინტერესს “მანჩესტერ იუნაიტედი” და მიუნხენის “ბაიერნი” იჩენენ.

უჩვეულოა, მაგრამ 2014 წელს, ნორვეგიული “სტრიომსგოდსეტის” პირველ გუნდში ასეთი ასაკის ფეხბურთელი დააწინაურეს. ედეგორმა ნორვეგიის ჩემპიონატში 11 მატჩი ჩაატარა და მეტოქეთა კარი სამჯერ დალაშქრა. ასევე, მან არაერთი საგოლე პასი გააკეთა.

შემტევი ნახევარმცველი ძალიან ტექნიკურია და მეტოქის მოტყუება სულაც არ უჭირს.