ბელგიის ნაკრების ცენტრალური მცველი ტომას ვერმალენი ისევ დაშავდა. 30 წლის ბელგიელმა ფეხბურთელმა ტრავმა ვარჯიშის დროს მიიღო. ვერმალენმა საწვრთნელ მინდორზე მხოლოდ 35 წუთი დაჰყო. დაზიანების სიმძიმე ჯერჯერობით ცნობილი არ არის.
ბელგიის ნაკრები ნორვეგიასთან ამხანაგური მატჩის ჩასატარებლად ემზადება. შეხვედრა კვირას გაიმართება და თბილისის დროით 20:00 საათზე დაიწყება.
“ბარსელონას” მცველ ტომას ვერმალენს ფეხის კუნთების ტრავმის რეციდივი აქვს. ჯერჯერობით უცნობია, როდის მომჯობინდება 30 წლის ბელგიელი ფეხბურთელი.
“ვერმალენს მარჯვენა ფეხის კანჭის ტყუპი კუნთი აქვს გაჭიმული”, – ნათქვამია “ბარსელონას” მიერ გამოქვეყნებულ ოფიციალურ განცხადებაში.
მიმდინარე სეზონში ტომას ვერმალენმა “ბარსელონას” ფორმით მხოლოდ 19 მატჩი ჩაატარა და ერთი გოლი გაიტანა. ბელგიელმა ფეხბურთელმა ბოლოს 12 მარტს, პრიმერადივიზიონის ეგიდით “ხეტაფეს” წინააღმდეგ გამართულ მატჩში ითამაშა.
“ბარსელონას” მცველმა ტომას ვერმალენმა ტრავმა მოიშუშა.
შეგახსენებთ, რომ ესპანეთის პრიმერადივიზიონის მე-3 ტურში მადრიდის “ატლეტიკოსა” და “ბარსელონას” შორის გამართული მატჩის (1:2) მიმდინარეობისას კატალონიელთა ბელგიელმა მცველმა მარცხენა ფეხის კუნთები დაიშავა და შეხვედრის 28-ე წუთზე მოედანი დატოვა.
ესპანეთის პრიმერადივიზიონის მე-3 ტურში მადრიდის “ატლეტიკოსა” და “ბარსელონას” შორის გამართული მატჩის (1:2) მიმდინარეობისას კატალონიელთა მცველმა ტომას ვერმალენმა ტრავმა მიიღო. ბელგიელმა ფეხბურთელმა მოედანი შეხვედრის 28-ე წუთზე დატოვა. “ბარსელონას” ოფიციალური ვებგვერდის ცნობით, ვერმალენმა მარცხენა ფეხის კუნთები დაიშავა.
როდის გამოჯანმრთელდება 29 წლის მცველი, ჯერჯერობით უცნობია, თუმცა დაზიანების სიმძიმე სერიოზული ხასიათისა არ არის და ვერმალენმა ვარჯიში შესაძლოა, უახლოეს დღეებში გააგრძელოს.
“ბარსელონას” მცველ ტომას ვერმალენს უეფას ჩემპიონთა ლიგის ოქროს მედლის უკან დაბრუნება მოუწევს.
მედლის მისაღებად ფეხბურთელს ტურნირში ერთი მატჩი მაინც უნდა ჰქონდეს ჩატარებული, ვერმალენი კი ჩემპიონთა ლიგის 2014/15 წლების გათამაშებაში მოედანზე არცერთხელ არ გამოსულა.
აღსანიშნავია, რომ ამავე სიტუაციაში არიან მეკარეები კლაუდიო ბრავო და ჟორდი მასიპი, ასევე მცველი დუგლას პერეირა.
კატალონიის ”ბარსელონას” სამედიცინო შტაბი სასიამოვნო ინფორმაციას ავრცელებს. ტომას ვერმალენი, რომელიც ტრავმის გამო ახალ კლუბს ვერ ეხმარებოდა, სათამაშოდ მზად არის.
როგორც იცით, ბელგიელმა კლუბი წელს გამოიცვალა. კატალონიელებმა ფეხბურთელი ლონდონის ”არსენალისგან” შეიძინეს. იგი მოუთმენლად ელის დებიუტს კატალონიურ გრანდში.
მართალია, ვერმალენმა უკვე გაიტანა პირველი გოლი ”ბარსას” მაისურით, მაგრამ ეს ამხანაგურ მატჩში იყო. აღნიშნული შეხვედრა ოთხშაბათს ინდონეზიის 19 წლამდე ფეხბურთელთა ნაკრების წინააღმდეგ გაიმართა.
“ბარსელონამ” ოფიციალურად დაადასტურა ლონდონის “არსენალთან” ტომას ვერმალენის ტრანსფერთან დაკავშირებით შეთანხმება.
28 წლის ბელგიელი ფეხბურთელი კატალონიურ გუნდთან ხუთწლიან კონტრაქტს მოაწერს ხელს.
ტრანსფერის ფინანსური დეტალები არ ხმაურდება.
შეგახსენებთ, რომ “არსენალმა” ვერმალენი ამსტერდამის “აიაქსიდან” 2009 წელს შეიძინა. “მეთოფეთა” რიგებში ბელგიელმა მცველმა 150 მატჩი ჩაატარა და 15 გოლი გაიტანა. ვერმალენი “არსენალის” კაპიტანი გახლდათ.
ლონდონის “არსენალის” მთავარმა მწვრთნელმა არსენ ვენგერმა დაადასტურა ინფორმაცია იმის შესახებ, რომ კლუბის მცველ ტომას ვერმალენით “მანჩესტერ იუნაიტედი” არის დაინტერესებული.
“მანჩესტერ იუნაიტედი” იმ კლუბთა შორისაა, რომლებმაც ვერმალენის შესაძლო ტრანსფერთან დაკავშირებით მოგვმართეს. ტომასმა შესაძლოა “არსენალი” დატოვოს. სხვა ქვეყნებიდანაც გვაქვს შემოთავაზებები და მირჩევნია, რომ მან საზღვარგარეთ გააგრძელოს კარიერა.
რაც შეეხება შესაძლო გაძლიერებას, ამისთვის თანხა კიდევ გვაქვს. სატრანსფერო ფანჯრის დახურვამდე სამკვირანახევარია დარჩენილი და ვეცდებით, რომ “არსენალი” კიდევ გავაძლიეროთ, თუმც ახლაც კარგი გუნდი გვყავს”, – ციტირებს ვენგერის სიტყვებს goal.com-ი.
მანამდე გავრცელებული ინფორმაციის თანახმად, ვერმალენით “ბარსელონაც” არის დაინტერესებული.
ლონდონის “არსენალის” მთავარი მწვრთნელი არსენ ვენგერი არ გამორიცხავს იმის შესაძლებლობას, რომ გუნდი ტომას ვერმალენს შეელიოს.
ტრავმის გამო, ბელგიელმა მცველმა პრემიერლიგის გასული გათამაშების მხოლოდ 14 მატჩში მიღო მონაწილეობა. ვერმალენი კვლავ ტრავმირებულია.
“არის იმის ალბათბა, რომ მან კლუბი დატოვოს. ვერმალენი “არსენალისთვის” მნიშვნელოვანი ფიგურაა და მისი წასვლის შემთხვევაში, შემცვლელის მოძიება მოგვიწევს”, – ციტირებს ვენგერის სიტყუვებს ВВС.
ტომას ვერმალენის მიმართ დაინტერესებას “მანჩესტერ იუნაიტედი” გამოხატავს. თუ ტრანსფერი განხორციელდება, ბელგიელი მცველი ბოლოს ცხრა წლის განმავლობაში “არსენალის” მეხუთე კაპიტანი იქნება, რომელიც კლუბს დატოვებს. შეგახსენებთ, რომ ვერმალენი “მეთოფეთა” ღირსებას 2009 წლიდან იცავს.
