თბილისის და ბათუმის “დინამოთა” მატჩის დასრულების შემდეგ, რომლებიც სტუმრების გამარჯვებით დასრულდა, ზღვისპირელთა მწვრთნელმა ბათუმში საფეხბურთო ინფრასტრუქტურის საკითხებზე ისაუბრა და სასიამოვნო ინფორმაციაც გააჟღერა.
“სტადიონის თემა ჩვენთვის ძალიან მკტივნეულია. ქობულეთში გვიწევს თამაშიც და ვარჯიშიც, რაც საქმეს გვირთულებს. აჭარის მთავრობის გადაწყვეტილებით იწყება სტადიონის მშენებლობა, რომელიც 20 000 მაყურებელზე იქნება გათვლილი. საფეხბურთო მოედნის გარდა იქ ხელბურთის და კალათბურთის დიდი მოედნები იქნება. ასე რომ, ბათუში დიდი სპორტული კომპლექსი გვექნება. თანხები უკვე გამოყოფილია. ასევე, მალე ანგისაში აკადემია და ბაზაც აშენდება” – განაცხადა ბალაძემ.
