“სიეტლი საუნდერსის” კაპიტანი კლინტ დემპსი სამმატჩიანი დისკვალიფიკაციით დასაჯეს.
“პორტლენდ ტიმბერსის” წინააღმდეგ გამართული მატჩის მიმდინარეობისას გამოცდილმა ამერიკელმა ფეხბურთელმა მთავარ არბიტრს ჯიბიდან წიგნაკი ამოაცალა და ძირს დააგდო, შემდეგ აიღო და დახია, რის გამოც წითელი ბარათი მიიღო.
აღსანიშნავია, რომ “სიეტლიმ” ეს მატჩი შვიდი კაცის შემადგენლობით დაამთავრა: მოედნიდან გუნდის სამი მოთამაშე გააძევეს, ტრავმირებულმა ობაფემი მარტინსმა კი შეხვედრის ჩამთავრება ვეღარ შეძლო.
მატჩი “პორტლენდმა” დამატებით დროში, ანგარიშით 3:1 მოიგო.
