“მანჩესტერ იუნაიტედის” მცველმა ლუკ შოუმ მოედანზე მუშაობა განაახლა.
ინგლისელმა ფეხბურთელმა ფიზიოთერაპევტის ზედამხედველობის ქვეშ მოთელვითი ვარჯიშები ჩაატარა.
შეგახსენებთ, რომ ლუკ შოუმ გასული წლის სექტემბერში, “პეესვე ეინდჰოვენის” წინააღმდეგ გამართული მატჩის (1:2) მიმდინარეობისას ფეხი მოიტეხა. 20 წლის ფეხბურთელს ნახევარ წელზე მეტია არ უთამაშია.
“მანჩესტერ იუნაიტედის” ნახევარმცველმა ხუან მატამ დღევანდელი ვარჯიშის შემდეგ ლუკ შოუსთან ერთად გადაღებული ფოტო სოციალურ ქსელში გამოაქვეყნა.
უეფას ჩემპიონთა ლიგის ჯგუფური ეტაპის პირველ ტურში “პსვ ეინდჰოვენსა” და “მანჩესტერ იუნაიტედს” შორის გამართული მატჩის მიმდინარეობისას ინგლისელთა მცველმა ლუკ შოუმ ფეხი მოიტეხა.
მოგვიანებით “წითელი ეშმაკების” ფეხბურთელმა სოციალური ქსელის მეშვეობით გულშემატკივრებს მიმართა.
“მადლობას გიხდით ამ შეტყობინებებისთვის, სიტყვებით ვერ აღვწერ, რაოდენ განადგურებული ვარ. ჩემი გზა გამოჯანმრთელებისკენ იწყება ახლა, დავბრუნდები უფრო ძლიერი”, – წერს შოუ.
“მანჩესტერ იუნაიტედის” მცველი ლუკ შოუ მადრიდის რეალის ლიდერ კრიშტიანუ რონალდუ ყოველთვიურად დაახლოებით შვიდი ათას ფუნტს უხდის.
როგორც ირკვევა, მიმდინარე წლის ზაფხულში “საუთჰემპტონიდან” “ოლდ ტრაფორდზე” გადაბარგებულმა შოუმ მანჩესტერის გარეუბანში კრიშტიანუ რონალდუს საკუთრებაში არსებული საცხოვრებელი სახლი იქირავა. კოტეჯს აქვს დახურული საცურაო აუზი, საუნა, ჯაკუზი, სპორტული დარბაზი და ღვინის მარანი.
აღნიშნული სახლი თავად რონალდუმ 2003 წელს 3,85 მილიონ ფუნტ სტერლინგად შეიძინა. “რეალში” გადასვლის შემდეგ პორტუგალიელი ფეხბურთელი კოტეჯის გაყიდვას აპირებდა, თუმცა მყიდველი არ გამოჩნდა და რონალდუმაც გაქირავება გადაწყვიტა.
გავრცელებული ინფორმაციით, რონალდუ შოუს ფავორიტი ფეხბურთელია და მათ ერთმანეთთან საკმაოდ კარგი ურთიერთობაც აქვთ.
“მანჩესტერ იუნაიტედის” ახალწვეულმა ლიუკ შოუმ მუხლქვედა მყესი დაიშავა, რის გამოც ერთი თვით ლაზარეთში ყოფნა მოუწევს. 19 წლის ფეხბურთელი მოედანზე გასვლას დაახლოებით 4 კვირის განმავლობაში ვერ შეძლებს.
შეგახსენებთ, რომ ინგლისის ნაკრების მცველი “მანჩესტერ იუნაიტედში” “საუთჰემპტონიდან” 27 ივნისს გადავიდა. შოუ სწორედ “საუთჰემპტონის” აღზრდილი გახლავთ, ძირითად გუნდში კი 2012 წლიდან გამოდის. “წითელმა ეშმაკებმა” ახალგაზრდა მცველის სანაცვლოდ 27 მილიონი ფუნტ სტერლინგი გაიღეს. ფეხბურთელი ინგლისის ეროვნული ნაკრების სამუნდიალე განაცხადშიც იყო შეყვანილი და ბრაზილიაში გამართული მსოფლიოს ჩემპიონატის ერთ შეხვედრაშიც მიიღო მონაწილეობა.
აქვე გაცნობებთ, რომ ლიუკ შოუ “მანჩესტერ იუნაიტედში” 3-ნომრიანი მაისურით ითამაშებს, რომელიც მანამდე პატრის ევრას ემოსა. როგორც მოგეხსენებათ, ფრანგი მარცხენაფლანგელი ტურინის “იუვენტუსში” გადავიდა.
