ჭდე: როჯერ ფედერერი

მსოფლიოს ერთ-ერთმა საუკეთესო ჩოგბურთელმა, როჯერ ფედერერმა ავსტრალიის ღია პირველობის ფინალში მარინა ჩილიჩი დაამარცხა და რიგით მე-20 “დიდ სლემს” დაეუფლა. შვეიცარიელი პირველი მამაკაცი გახდა, რომელმაც ეს შეძლო. ქალებს შორის კი მას შტეფ გრაფი (22), სერენა უილიამსი (23) და მარგარეტ კორტი (24) უსწრებენ.

ავსტრალიის ღია პირველობის ფინალი რიგით 30-ე იყო როჯერისთვის “დიდ სლემზე”, რაც მამაკაცთა ჩოგბურთის რეკორდი გახლავთ. მან ეს უდიდესი ტიტული ზედიზედ მეორედ მოიგო.ფედერერს ხუთი სეტი დასჭირდა, გამარჯვებულად რომ გამოეცხადებინათ [6:2, 6:7 (5:7), 6:3, 3:6, 6:1].

აღსანიშნავია, რომ ფედერერმა “დიდი სლემის” გათამაშების, რომელიც 1968 წლიდან იმართება, 10 პროცენტის მოგება შეძლო. ჩოგბურთის “დიდი ოთხეულის” – ფედერერი, ნადალი, ჯოკოვიჩი და მარი – ანგარიშზე კი 200-დან 51 მოგებული ტიტულია.

ეს როჯერ ფედერერისთვის მელბურნში მოპოვებული რიგით მეექვსე ტიტულია. გარდა ამისა, ის რიგით მეორე უხუცესია, რომელმაც “დიდი სლემი” მოიგო – შვეიცარიელი 36 წლის, 5 თვის და 20 დღის არის და მხოლოდ კენ როუზუოლს ჩამორჩება (37 წელი, 2 თვე და 1 დღე).

ფინალამდე ფედერერის ყველაზე რთული მეტოქე ტომაშ ბერდიხი გახლდათ, რომლის დამარცხებაც ერთ დროს ქართველმა ჩოგბურთელმა, ნიკოლოზ ბასილაშვილმა შეძლო.

ავსტრალიის ქალაქ პერთში ჰოპმანის ტურნირი მიმდინარეობს, სადაც მონაწილეობას მსოფლიოს უძლიერესი ჩოგბურთელებიც იღებენ. ჰოპმანის თასი არაოფიციალური ტურნირია, რომელიც უმეტესწილად სასიამოვნო ატმოსფეროს შექმნას ისახავს მიზნად. ამ ჩემპიონატში ნაჩვენები შედეგები სრულიად უმნიშვნელოა, ამიტომაც ჩოგბურთელები ყოველგვარი სტრესისგან არიან თავისუფლები.

მაესტრო როჯერ ფედერერი მეორედ იღებს მონაწილეობას პერთის ტურნირზე და საკმაოდ კარგადაც ერთობა. დღევანდელი საჩოგბურთო მატჩის საუკეთესო მომენტიც სწორედ ფედერერს უკავშირდება, რომელიც ანასტასია პავლიუჩენკომ თავისი კარგი თამაშით შოკში ჩააგდო.

მოგეხსენებათ, დღეს, ავსტრალიის ღია პირველობის პირველ წრეში, საქართველოს პირველი ჩოგანი ნიკოლოზ ბასილაშვილი ამჟამად პლანეტის მესამე ჩოგანს, შვეიცარელ როჯერ ფედერერს შეხვდა და სამ სეში დამარცხდა (6:2, 6:1, 6:2). ცოტა ხნის ბასილაშვილმა თავისი „ფეისბუქის“ გვერდზე პოსტი გამოაქვეყნა, რომელშიც განვლილი შეხვედრა შეაფასა

როჯერი ჩემთვის ბავშვობიდან სპორტსმენის მაგალითი იყო .ჩემთვის არ იყო დღეს მასთან თამაში ადვილი ცენტრალურ კორტზე,ჩვენ პირველად შევხვდით ერთმანეთს. რა თქმა უნდა, ნერვიულობამ და დაძაბულობან თავისი გააკეთა.ძალიან დასანანია ის, რომ მე ჩემი თამაშის მაქსიმუმი ვერ ვაჩვენე, მაგრამ გამოცდილება მივიღე, რა თქმა უნდა. ეს ჩემს შეცდომებზე მოხდა, მაგრამ რა გაეწყობა ზოგჯერ ასეა, ზოგჯერ ისე.
ყველას მადლობა მინდა გადაგიხადოთ გვერდში დგომისათვის და გულშემატკვივრობისათვის“, – დაწერა ბასილაშვილმა.