18 ოქტომბერს, ჰოლანდიის ერედივიზიონის მე-9 ტურში “ზვოლემ” საკუთარ მოედანზე გურამ კაშიასა და ვაკო ყაზაიშვილის “ვიტესი” მიიღო და მეტოქესთან ანგარიშით 1:5 დამარცხდა.
ორივე ქართველი ფეხბურთელი სასტარტო შემადგენლობაში იყო. კაშიამ შეხვედრა შეუცვლელად ჩაატარა. რაც შეეხება ყაზაიშვილს, მან 44-ე წუთზე მასპინძელთა კარი დალაშრა, ხოლო 74-ე წუთზე პანტიჩით შეცვალეს.
10 ივლისს, არნემის “ვიტესმა” შოტლანდიურ “დანდი იუნაიტედთან” ამხანაგური მატჩი გამართა და მეტოქე ანგარიშით 4:0 დაამარცხა.
შეხვედრაში მონაწილეობა “ვიტესის” ორივე ქართველმა ფეხბურთელმა – გურამ კაშიამ და ვაკო ყაზაიშვილმა მიიღეს. აღსანიშნავია, რომ ყაზაიშვილმა საბოლოო შედეგი ლამაზი გოლით დააფიქსირა.
იხილეთ ყაზაიშვილის გოლი 3:22-დან:
არნემის “ვიტესის” არაოფიციალურმა ვებ-გვერდმა vitesse.netwerk.to-მმა ვალერი ყაზაიშვილი გასული სეზონის საუკეთესო ფეხბურთელად დაასახელა. 22 წლის ქართველმა შემტევმა “ვიტესის” სხვა ფეხბურთელებთან შედარებით ყველაზე მაღალი შეაფასება მიიღო.
შეგახსენებთ, რომ ყაზაიშვილი “ვიტესს” ოთხი წლის წინ შეუერთდა, თუმცა პირველი ორი სეზონის განმავლობაში მას პირველ გუნდში თამაში იშვიათად უწევდა. 2014-15 წლების სეზონში, ვაკომ არნემული კლუბის მაისურით ჩატარებულ 33 მატჩში 12 გოლის გატანა მოახერხა.
ასევე, შეფასებების მიხედვით, 2014-15 წლების სეზონში, გუნდის საუკეთესო ათ ფეხბურთელს შორის გურამ კაშიაც მოხვდა, ათეული კი ასე გამოიყურება:
1. ვალერი ყაზაიშვილი
2. დავი პრიოპერი
3. მარკო ვეინოვიჩი
4. ბერტრანდ ტრაორე
5. იან-არიე ვან დერ ჰეიდენი
6. გურამ კაშია
7. ელოი რუმი
8. კევინ დიკსი
9. დენის ოლინიკი
10. ზაქარია ლაბიადი
საქართველოს ნაკრების და “ვიტესის” შემტევი ვაკო ყაზაიშვილი უეფას ოფიციალურ გვერდს გასულ სეზონზე, ნაკრებზე და სამომავლო გემგებზე ესაუბრა.
– ჩემთვის “ვიტესში” სეზონის წარმატებული დასასრული ცოტა გასაკვირი იყო. დასაწყისში ძალიან ცუდად ვასპარეზობდით და მე-12 ადგილზეც კი აღმოვჩნდით. სამაგიეროდ, მეორე ნახევარში მოვუმატეთ და დასკვნითი ეტაპი შესანიშნავად ჩავატარეთ. სამეულში მოხვედრის რეალური შანსიც კი გვქონდა, თუმცა საბოლოოდ ჩემპიონატი მეხუთეზე დავასრულეთ და ევროპის ლიგის საგზური მოვიპოვეთ.
– “დორდტრეხტის” კარში გატანილი სამი გოლის შემდეგ გაზაფხულამდე მშრალი სერია დაგეწყოთ. რა იყო ამის მიზეზი?
– თავიდან ჩემთვის უხო პოზიციაზე მიწევდა თამაში. ფორვარდის ადგილთან შეგუება ცოტა გამიჭირდა და ამ თემაზე მწვრთნელთან საუბარსაც კი ვფიქრობდი, თუმცა გადავყწვიტე, რომ სათამაშო პრაქტიკა ჩემთვის უფრო მნიშვნელოვანი იყო. ფორვარდის პოზიციიდან ერთხელაც ვერ გავიტანე, მეორე წრეში კი ყველაფერი გამომდიოდა.
– ჰოლანდიაში ძმები არველაძეები კარგად ახსოვთ. მათი ავტორიტეტი თქვენზე ხომ არ მოქმედებს?
– ჩემგან არველაძეების მსგავს შედეგიანობას არავინ ელის. სეზონის სტარტზე იმასაც არ დავიჯერებდი, რომ 11 გოლის გატანას მოვახერხებდი. მეუბნებინ რო ვპროგრესირებ და ვუმატებ, რაც ძალიან მახარებს.
– “ვიტესში” წამყვან მოთამაშედ ჩამოყალიბებისთვის ოთხი სეზონი დაგჭირდათ…
– “ვიტესში” ჩამოსვლისას გუნდში გურამ კაშია და ჩემი ბავშვობის მეგობარი, გიორგი ჭანტურია დამხვდნენ, რამაც ადაპტაცია გამიადვილა. თუმცა, თავიდან ცოტა მიჭირდა. ჰოლანდიური ჩემპიონატის დონე საქართველოს ჩემპიონატზე გაცილებით მაღალია.
– როგორი იყო თქვენი გზა ბავშვთა ფეხბურთიდან სანაკრებო დონემდე?
– თბილისში ვიზრდებოდი და ფეხბურთზე “ოლიმპის”, “საბურთალოს” და 35-ე სკოლებში დავდიოდი. “საბურთალოში” ჩემი მწვრთნელები თემურ ფოცხვერია და გია ცეცაძე იყვნენ. სანკრებო დებიუტი თემურ ქეცბაიას მწვრთნელობის დროს მქონდა, ხოლო ცხადაძის მოსვლის შემდეგ სამი თამაშიდან ორში მივიღე მონაწილეობა.
ვთვლი, რომ ახლა ნაკრებში ახალი ერა იწყება. ჩვენს გუნდს პროგრესი ეტყობა. შემტევი ფეხბურთის თამაშს ვცდილობთ, რაც ძალიან მომწონს. იმ შემთხვევაში, თუ პოლონელებთან უკრაინის ნაკრებთან თამაშის მსგავსად თამამად ვიმოქმედებთ, მინიმუმ ქულის აღების შანსი აუცილებლად გვექნება.
– “საბურთალომ” საქართველოს ჩემპიონატის უმაღლესი ლიგის საგზური მოიპოვა. 19 წლამდელთა გუნდი კი ჩემპიონთა ლიგის საკვალიფიკაციო ეტაპზე ითამაშებს.
– ამ ამბავმა ძალიან გამახადა. “საბურთალოს” წარმატებებს ვუსურვებ. ახალგაზრდა თაობას თავი წარმოჩენის შანსი მიეცა. ჩვენს დროს საერთაშორისო ასპარეზზე მხოლოდ ასაკობრივ ნაკრებებში თუ ვითამაშებდით.
– ცოტა ხნის წინ გაჩნდა ინფორმაცია თითქოს თქვენს მიმართ ინტერეს “მანჩესტერ სიტი” იჩენს.
– პირველ რიგში, ჩემი ამჟამინდელი დონე უნდა შევინარჩუნო, შემდეგ კი პროგრესი განვაგრძო. “ვიტესთან” ჩემი მოქმედი კონტრაქტი 2018 წელს იწურება, თუმცა არ გამოვრიცხავ, რომ კონტრაქტის ამოწურვამდე კლუბი დავტოვო. რაც შეეხება “მანჩესტერ სიტის” ინტერესს, ეს მხოლოდ ჭორია, რომელიც პრესაში გავრცელდა, თუმცა არავინ იცის, რა მოხდება მომავალში…
საქართველოს ეროვნული ნაკრებისა და ჰოლანდიური “ვიტესის” ქართველმა ფეხბურთელმა ვაკო ყაზაიშვილმა 2014-15 წლების სეზონში 13 გოლის გატანა მოახერხა.
22 წლის შემტევმა უკვე დასრულებულ სეზონში, “ვიტესის” მაისურით მეტოქეთა კარი 12-ჯერ დალაშქრა, ხოლო ერთხელ მან თბილისში, მალტის ნაკრების კარი აიღო.
Fanebi.Com გთავაზობთ ვიდეოს, რომელშიც ვაკო ყაზაიშვილის მიერ 2014-15 წლების სეზონში გატანილი ყველა გოლია აღბეჭდილი.
17 მაისს, ჰოლანდიის ჩემპიონატში, “ვიტესმა” საკუთარ მოედანზე “უტრეხტი” მიიღო და ფრედ 3:3 ითამაშა.
მასპინძელთა ძირითად შემადგენლობაში იყვნენ გურამ კაშია და ვაკო ყაზაიშვილი, ამ უკანასკნელმა კი შეხვედრის 67-ე წუთზე მეტოქე გუნდის ფეხბურთელი მშვენივრად მოატყუა.
ჰოლანდიის ჩემპიონატის 32-ე ტურში გურამ კაშიას და ვაკო ყაზაიშვილის “ვიტესი” “ადო დენ ჰააგს” ესტეუმრა და მინიმალური ანგარიშით, 0:1 დამარცხდა.
კაშიაც და ყაზაიშვილიც არნემელთა ძირითადში იყვნენ. გურამმა მატჩი სრულად ჩაატარა, ხოლო ყაზაიშვილს 63 წუთი აკმარეს.
32 ტურში მოპოვებული 54 ქულით “ვიტესი” მეოთხე ადგილზეა, თუმცა, შესაძლოა, პოზიცია ტურის დასრულებამდე დაკარგოს.
ჰოლანდიის ჩემპიონატის 31-ე ტურის შეხვედრაში “ვიტესის” ქართველმა შემტევმა, ვაკო ყაზაიშვილმა “დორდრეხტის” კარში ორი გოლის გატანა შეძლო.
მატჩი კი არნემელთა გამარჯვებით, 3:0 დასრულდა. ყაზაიშვილის მსგავსად მასპნიძელთა შემადგენლობაში 90 წუთი ითამაშა გურამ კაშიამ, რომელმაც 59-ე წუთზე ყვითელი ბარათიც მიიღო.
შესანიშნავ წაუგებელ სერიას აგრძელებს არნემის “ვიტესი”, რომელმაც უკანასკნელი 9 შეხვედრიდან 8 მოიგო და 1 ფრედ დაასრულდა.
გუშინ, ერედივიზიონის 28-ე ტურის ფარგლებში არემელებმი “გოუ ეჰედ იგლზს” ესტუმრნენ და დამაჯერებელი გამარჯვები, 2:0 მოიპოვეს.
“ვიტესის” ორივე ქართველი, გურამ კაშია და ვაკო ყაზაიშვილი ძირითად შემადგენლობაში იყვნენ და მატჩი სრულად ჩაატარეს.
ჰოლანდიის ჩემპიონატის 26-ე ტურში არნემის “ვიტესი” ალმელოს ესტუმრა, სადაც ადგილობრივ “ჰერაკლესს” დაუზავდა. სტუმრები ტრაორეს მიერ 21-ე წუთზე გატანილი გოლით იგებდნენ, თუმცა სასურველი ანგარიშის შენარჩუნება 94-ე წუთზე გაშვებული გოლის გამო ვერ შეძლეს.
“ვიტესის” შემადგენლობაში არ უთამაშია გუნდის კაპიტან გურამ კაშიას, რომელიც შეხვედრას დისკვალიფიკაციის გამო ტოვებდა. ვაკო ყაზაიშვილი კი ძირითადში იყო და 70 წუთი ითამაშა.
26 შეხვედრაში მოპოვებული 41 ქულით არნემის “ვიტესი” მე-6 პოზიციაზე იმყოფება.
ჰოლანდიის ჩემპიონატის 25-ე ტურში “ვიტესმა” “ზვოლეს” უმასპინძლა. შეხვედრა არნემელთა გამარჯვებით, 2:1 დასრულდა.
მასპინძელთა ორივე ქართველი, გურამ კაშია და ვაკო ყაზაიშვილიც ძირითად შემადგენლობაში იყვნენ და მოედანზე 90 წუთი გაატარეს. კაშიამ 34-ე წუთზე საგოლე პასი შეასრულა, 59-ზე კი ყვითელი ბარათიც მიიღო.
ამ გამრჯვებით შემდეგ “ვიტესი” 40 ქულით მე-5 ადგილზეა.
ჰოლანდიის ერედივიზიონის 23-ე ტურში არნემის “ვიტესმა” “ვილემ II-ს” უმასპინძლა და მეტოქეს ორბურთიანი სხვაობით სძლია.
მასპინძელთა ძირითად შემადგენლობაში იყვნენ გურამ კაშია და ვაკო ყაზაიშვილი, რომლებმაც მატჩი სრულად ჩაატარეს.
23 ტურის შემდეგ “ვიტესი” 34 ქულით სატურნირო ცხრილში მე-7 ადგილზეა.
