ჭდე: მიდლსბრო

“ლივერპულმა” “მიდლსბროს” ადვილად მოუგო (ვიდეო)

Posted on by იაკობ კაპანაძე

პრემიერ ლიგის 38-ე ტურის მატჩში მერსესაიდულმა “ლივერპულმა” საკუთარ მოედანზე “მიდლსბრო” მიიღო და საჭირო შედეგსაც მიაღწია.

ანგარიში მატჩის 45-ე წუთზე, ჯორჯინიო ვეინალდუმმა გახსნა, რომელმაც რობერტო ფირმინოს გადაცემა გამოიყენა, მატჩის მეორე ტაიმის პირველ ათ წუთში კი თავად ფირმინომაც შეძლო გოლის გატანა ფილიპე კოუტინიოს მსგავსად.

მიუხედავად მოპოვებული გამარჯვებისა, “ლივერპულმა” სატურნირო ცხრილში მაინც მეოთხე ადგილი დაიკავა და მომავალ სეზონში ჩემპიონთა ლიგის ჯგუფურ ეტაპზე მოსახვედრად საკვალიფიკაციო ეტაპში მოუწევს თამაში.

“ლივერპული” : მინოლე; მილნერი, ლოვრენი, მატიპი, კლაინი; ემრე ჯანი; კოუტინიო, ვეინალდუმი, ლალანა; ფირმინო (ლუკას ლეივა), სტარიჯი;

მთავარი მწვრთნელი: იურგენ კლოპი

“მიდლსბრო”: გუსანი; ფაბიო (აიალა 73′), ჩემბერსი, გიბსონი, ფრენდი; ლედბიტერი, კლეიტონი, ფორშოუ; ბემფორდი, ჟესტედე (ნეგრედო 73′), დაუნინგი

მთავარი მწვრთნელი: სტივ აგნიუ

ალვარო ნეგრედო “გალათასარაისთან” აწარმოებს მოლაპარაკებებს

Posted on by იაკობ კაპანაძე

თურქული “გალათასარაის” სპორტული დირექტორი, ჩენკ ერგანი ადასტურებს ინფორმაციას ესპანურ “ვალენსიასთან” მოლაპარაკებების მიმდინარეობის თაობაზე.

როგორც იცით, ალვარო ნეგრედომ მიმდინარე სეზონი არენდის წესით “მიდლსბროში” გაატარა, სადაც მან 9 გოლის გატანა შეძლო. თუმცა, ნაკლებად სავარაუდოა, რომ ეს უკანასკნელი “მიდლსბროს” ჩემფიონშიპშიც გაჰყვეს.

“დიახ, ალვარო ნეგრედოსთან მოლაპარაკებებს ვაწარმოებთ, მაგრამ ზედმეტი ინფორმაციის გასაჯაროება არ ღირს, ამან შესაძლოა საქმე შეაფერხოს,” – აცხადებს თურქული კლუბის დირექტორი.

“არსენალმა” “მიდლსბრო” დაძაბულ ბრძოლაში დაამარცხა (ვიდეო)

Posted on by იაკობ კაპანაძე

ლონდონის “არსენალმა” პრემიერ ლიგის 33-ე ტურის ეგიდით გამართულ მატჩში გასაჭირში მყოფი “მიდლსბროს” დამარცხება მოახერხა, რომელმაც არსენ ვენგერის გუნდს საკმაოდ დიდი წინააღმდეგობა გაუწია.

მატჩში ანგარიში პირველი ტაიმის მიწურულს (42) გაიხსნა, როდესაც ალექსის სანჩესმა შეძლო მეტოქეთა კარის აღება. მასპინძლებმა მეტოქეებს 50-ე წუთზე უმასპინძლეს, თავი ნეგრედომ გამოიჩინა. გამარჯვების გოლი კი მესუტ იოზილმა გაიტანა 71-ე წუთზე – 1:2.

“მიდლსბრო”: გუსანი; ფაბიო (ფრენდი 17′), გიბსონი, აიალა, ბარაგანი; დე რუნი(ჟესტედე 78′), ლედბიტერი, კლეიტონი; რამირესი, ნეგრედო, დაუნინგი;

მთავარი მწვრთნელი: სტივ აგნიუ

“არსენალი”: ჩეხი; გაბრიელი, კოშელნი, ჰოლდინგი; ოქსლეიდ-ჩემბერლინი, რემზი, ჯაკა, მონრეალი; იოზილი, სანჩესი; ოლივიე ჟირუ

მთავარი მწვრთნელი: არსენ ვენგერი

“მანჩესტერ იუნაიტედმა” “მიდლსბრო” დაამარცხა (ვიდეო)

Posted on by იაკობ კაპანაძე

“მანჩესტერ იუნაიტედმა” პრემიერ ლიგის მიმდინარე სეზონის 27-ე მატჩი სტუმრად, “მიდლსბროს” წინააღმდეგ ჩაატარა და მოიგო კიდეც.

მატჩში ანგარიში მარუან ფელაინიმ, თამაშის 30-ე წუთზე გახსნა. მეორე ტაიმის დაწყებიდან 17 წუთში კი ჯესი ლინგარდმა ანგარიშში სხვაობა ორამდე გაზარდა. მასპინძელთა მხრიდან ერთი გოლის გაქვითვა კი რუდი ჟესტედემ შეძლო. თუმცა, მატჩის ბოლოს, მესამე დამატებულ წუთზე ვალენსიამ კვლავ მოახერხა ორბურთიანი სხვაობის დაბრუნება. 1:3.

შედეგად, ამ დროისთვის “წითელი ეშმაკების” ანგარიშზე 52 დაგროვებული ქულაა და ისინი მეხუთე პოზიციაზე იმყოფებიან, “მიდლსბრო” კი 22 ქულით მეცხრამეტეა.

“მიდლსბრო”: ვიქტორ ვალდესი; ფაბიო, გიბსონი, ესპინოზა, ბარაგანი; ლედბიტერი (ჟესტედე 67′), კლეიტონი, დე რუნი; რამირესი (ტრაორე 68′), ნეგრედო, დაუინგი

მთავარი მწვრთნელი: სტივ აგნიუ

“მანჩესტერ იუნაიტედი”: დე ხეა; ბაილი, სმოლინგი, ჯონსი; ვალენსია, ფელაინი, კერიკი, იანგი; ხუან მატა (მარკუს როხო 69′), ლინგარდი; რეშფორდი

მთავარი მწვრთნელი: ჟოზე მოურინიო

ოფიციალურად: აიტორ კარანკა “მიდლსბროდან” გაუშვეს

Posted on by იაკობ კაპანაძე

ბრიტანული “მიდლსბროს” დირექტორთა საბჭოს მიერ ერთხმად მიღებული გადაწყვეტილების შედეგად, კლუბი მთავარმა მწვრთნელმა, აიტორ კარანკამ დატოვა.

“გვინდა მადლობა გადავუხადოთ აიტორს იმისთვის, რაც მან ჩვენი გუნდისთვის გააკეთა, ბოლო 3,5 წლისთვის და იმ წარმატებებისთვის, რომელსაც ჩვენთან ერტად მიაღწია. მომავალში მას ყველაფერ საუკეთესოს ვუსურვებთ,” – ვკითხულობთ კლუბის ოფიციალურ საიტზე გამოქვეყნებულ განცხადებაში.

შეგახსენებთ, რომ ჟოზე მოურინიოს ყოფილი დამხმარე რივერსაიდში 2013 წელს გამოჩნდა და გუნდს პრემიერ ლიგაში გადასვლაში დაეხმარა.

პრემიერ ლიგის მიმდინარე სეზონში “ბორომ” მხოლოდ ოთხი მატჩის მოგება მოახერხა, ბოლოს “მიდლსბრომ” “სუონსი” დაამარცხა, გასული წლის დეკემბერში.

“ტოტენჰემმა” “მიდლსბროს” მინიმალური ანგარიშით მოუგო (ვიდეო)

Posted on by კახა ყიფიანი

4 თებერვალს პრემიერ ლიგის 24-ე ტურის შეხვედრაში ერთმანეთს ლონდონის “ტოტენჰემი” და “მდლსბრო” დაუპირისპირდნენ.

მატჩი ლონდონელების უპირატესობით წარიმართა, თუმცა მათ მხოლოდ ერთი გოლის გატანა მოახერხეს. მისი ავტორი 58-ე წუთზე ჰარი კეინი გახდა. მან თერთმეტმეტრიანის ნიშნულიდან შეარხია ვიქტორ ვალდესის კარის ბადე და გუნდს მნიშვნელოვანი სამი ქულ მოუტანა.

“სპურსები” 24 ტურის შემდეგ 50 ქულით მე-2 ადგილზე იმყოფებიან, და ლიდერ “ჩელსის” მთელი 9 ქულით ჩამორჩებიან. რაც შეეხება აიტორ კარანკას გუნდს, “მიდლსბროს” 21 ქულა აქვს და მე-15 პოზიციაზეა.

იხილეთ ჰარი კეინის გოლი

 

“ნიცას” მფლობელები “მიდლსბროს” აქციების ყიდვას ცდილობენ

Posted on by იაკობ კაპანაძე

The Guardian-ის მეირ გავრცელებული ინფორმაციის თანახმად, ჩინელი ბიზნესმენი, ჩენ ლი ინგლისური “მიდლსბროს” აქციების 50 პროცენტის შეძენას ცდილობს.

როგორც ცნობილი ხდება, ლი, რომლის კომპანიის (GC Nice Investment Group Ltd) საკუთრებაშიც ფრანგული “ნიცა” იმყოფება (რომელიც მიმდინარე სეზონში ჩემპიონობისათვისაც იბრძვის), უკვე შეხვდა ბრიტანული კლუბის წარმომადგენლებს.

“გარდიანი” იმასაც გვამცნობს, რომ სტივ გიბსონმა ჩინელი ბიზნესმენის პირველი შეთავაზება, რომელიც აქციების 50 პროცენტის 50 მილიონ ფუნტად გაყიდვას ითვალისწინებდა, უკვე უარყო.

აქვე გეტყვით იმასაც, რომ პრემიერ ლიგის 22 ტურში “მიდლსბროს” ანგარიშზე 20 ქულაა. კლუბი ამ დროისთვის მე-16 პოზიციას იკავებს.

Canarias7: ხესე როდრიგესი პრემიერ ლიგაში იასპარეზებს

Posted on by იაკობ კაპანაძე

ესპანურ გამოცემას, Canarias7-ს თუ დავუჯერებთ, “პარის სენ-ჟერმენის” ესპანელი ფორვარდი, ხესე როდრიგესი ინგლისში გადასვლასთან ძალიან ახლოს არის.

როგორც ცნობილი ხდება, “ლას პალმასს”, რომელიც ხესეს გადაბირების მთავარ ფავორიტად ითვლებოდა, ესპანელი შემტევის ხელფასის მხოლოდ 20 პროცენტის გადახდა შეუძლია (ამჟამდ ის 2,8 მილიონ ევროს იღებს წლიურად).

ასე რომ, ესპანელები ბრძოლას გამოეთიშნენ, ასპარეზი კი ინგლისურ “მიდლსბროს” დარჩა.

მართალია, ხესეს დიდად არ უნდოდა კარიერის პრემიერ ლიგაში გაგრძელება (შესაძლო ადაპტაციის პრობლემების გამო), მაგრამ ამ დროისთვის მას სხვა გზა არც აქვს.

ანტონიო კონტე “მიდლსბროს” ნახევარმცველით ინტერესდება

Posted on by კახა ყიფიანი

ანტონიო კონტე ფეხბურთელების შეძენაზე ფიქრს განაგრძობს.

Sky Sports-ი იტყობინება, რომ ინგლისელთა მწვრთნელი სერიოზულად არის დაინტერესებული “მიდლსბროს” ნახევარმცველით, ადამა ტრაორე დიარათი. ესაა ესპანელი ფეხბურთელი, რომელიც, სულ რაღაც, 20 წლისაა. იგი აიტორ კარანკამ გასულ ზაფხულს “ასტონ ვილადან” გაიფორმა. ტრაორეს მიმდიარე სეზონში პრემიერ ლიგაში 14 შეხვედრა აქვს ჩატარებული და მან შესანიშნავი შთაბეჭდილება დატოვა.

 

ცნობისთვის გეტყვით, რომ ნახსენები ფეხბურთელი 2012-2015 წლებში კატალონიის “ბარსელონაში” ირიცხებოდა. იგი, ძირითადად, მეორე გუნდში გამოდიოდა.

ტრაორეს შეთავაზებაზე ნამდვილად მოუწევს ფიქრი, რადგან მას გრანდში არც ისე ცოტა და სუსტი კონკურენტი ეყოლება.
 

“ლივერპულმა” “მიდლსბროს” თავისუფლად მოუგო (ვიდეო)

Posted on by იაკობ კაპანაძე

წინა ორ მატჩში შესაძლო 6 ქულიდან ერთის მოპოვების შემდეგ, იურგენ კლოპის “ლივერპული” კვლავ დაბრუნდა ფორმაში და ამჯერად აიტორ კარანკას “მიდლსბრო” გაანადგურა.

შედეგად, “წითლებს” 16 ტურის შემდეგ იმდენივე ქულა დაუგროვდათ, რამდენიც “მეთოფეებს” და ისინი მეორე ადგილს იკავებენ. “მიდლსბრო” კი 15 ქულით მე-16 პოზიციაზე იმყოფება და 1 ქულით ჩამორჩება გასავარდნ ზონას.

“მიდლსბრო”: ვიქტორ ვალდესი; ფაბიო, გიბსონი, ჩემბერსი, ბარაგანი; დე რონი, კლეიტონი (ლიდბიტერი 56′), ფორშოუ; ფიშერი (დაუნინგი 56′), ნეგრედო, ტრაორე

მთავარი მწვრთნელი: აიტორ კარანკა

“ლივერპული”: მინოლე; კლაინი, ლოვრენი, კლავანი, მილნერი; ვეინალდუმი, ჰენდერსონი, ლალანა; მანე, ორიჯი, ფირმინო

მთავარი მწვრთნელი: იურგენ კლოპი

გოლები: ადამ ლალანა 29′, 68′, დივოკ ორიჯი 60′

აიტორ კარანკა: “პრემიერ ლიგის მოგების მთავარი ფავორიტი ლონდონის “ჩელსია”

Posted on by იაკობ კაპანაძე

ინგლისური “მიდლსბროს” მთავარი მწვრთნელი, აიტორ კარანკა თვლის, რომ პრემიერ ლიგის წლევანდელი გათამაშების მოგების მთავარი ფავორიტი ლონდონის “ჩელსია”, რომელსაც სათავეში იტალიელი ანტონიო კონტე უდგას.

“კონტეს “ჩელსით”, მათი თამაშით მოხიბლული ვარ. მათი მწვრთნელი ახალ ჩემპიონატს საკმაოდ მალე და კარგად შეეჩვია. კლუბი ძველ ფორმას უბრუნდება, ბევრი გოლი გააქვთ, თანაც ნაკლებს უშვებენ.

ვფიქრობ, სწორედ ისინი არიან პრემიერ ლიგის მოგების ნამდვილი ფავორიტები, რადგანაც ყველაფერთან ერთად, მათ ევროპულ სარბიელზე ართამაშის პრივილეგიაც აქვთ.

დარწმუნებული ვარ, რომ მომავალში ამის გამო ისინი საზღაურს აუცილებლად მიიღებენ. შუა კვირაში ართამაში დიდი უპირატესობაა.”

პეპ გვარდიოლა: “ყველაფერი გავაკეთეთ, რაც თამაშის მოგებისთვის იყო საჭირო”

Posted on by იაკობ კაპანაძე

“მანჩესტერ სიტის” მთავარმა მწვრთნელმა, პეპ გვარდიოლამ “მიდლსბროსთან” ფრედ ნათამაშებ მატჩზე ისაუბრა (1-1), რის შედეგადაც მისმა გუნდმა ინგლისის პრემიერ ლიგაში ლიდერობა დაკარგა.

“ყველაფერი გავაკეთეთ, რაც თამაშის მოსაგებად იყო საჭირო. თამაშის სადავეები მუდმივად ჩვენს ხელში იყო, მაგრამ ბოლო წუთზე მაინც გავუშვით გოლი. სამარცხვინოა. ძალიან ბევრი კარგი რამ გავაკეთეთ, თუმცა მაინც ვერ გავიმარჯვეთ.

არ ვთვლი, რომ ეს “ბარსელონასთან” მატჩით იყო გამოწვეული – თავიდან საკმაოდ კარგად დავწყეთ და ბოლომდე ვინარჩუნებდით ხარისხს. ექვსი თუ შვიდი შანსი შევქმენით, თუმცა მეორე გოლის გატანა მაინც ვერ მოვახერხეთ, რისთვისაც დავისაჯეთ კიდეც.

თუმცა უნდა გავიაზროთ, რომ ჩემპიონატი საკმაოდ გრძელია. ლიდერობა დავკარგეთ, რადგანაც ბოლო სამი მატჩიდან მხოლოდ 3 ქულა მოვიპოვეთ, მაგრამ ყველაფერი ჯერ კიდევ წინ არის. წინსვლა უნდა განვაგრძოთ.”