ჰოლანდიის ჩემპიონატის 27-ე ტურში არნემის “ვიტესსა” და “ალკმაარს” შორის გამართული მატჩი მასპინძელთა გამარჯვებით, ანგარიშით 3:1 დასრულდა.
აღსანიშნავია, რომ ბოლო გოლი ქართველი ლეგიონერის ვაკო ყაზაიშვილის ანგარიშზეა. ახალგაზრდა ფეხბურთელმა თავი 94-ე წუთზე გამოიჩინა. ეს მისთვის ჰოლანდიის ჩემპიონატის მიმდინარე გათამაშებაში გატანილი მეექვსე გოლი გახლავთ. ვაკო ყაზაიშვილმაც და გურამ კაშიამაც მატჩი სრულად ჩაამთავრეს.
ჰოლანდიის ერედივიზიონის VII ტურში არნემის “ვიტესი” “დორდრეხტს” ესტუმრა და მეტოქე ანგარიშით 6:2 გაანადგურა. არნემელთა მთავარმა მწვრთნელმა პეტერ ბოშმა გადაწყვიტა, რომ ტრავმირებული დევი პრიოპერის ნაცვლად სასტარტო შემადგენლობაში ვაკო ყაზაიშვილი დაეყენებინა და ამ იძულებითმა ცვლილებამ სასარგებლო შედეგიც გამოიღო. ექვსი გატანილი ბურთიდან სამი ყაზაიშვილის ანგარიშზეა. ახალგაზრდა ქართველმა ფეხბურთელმა მასპინძელ გუნდს 55-ე, 65-ე და 93-ე წუთებზე გაუტანა. ყაზაიშვილმა მატჩი სრულად ჩაატარა.
რაც შეეხება გურამ კაშიას, მას, როგორც მოგეხსენებათ, ფეხის თითი აქვს მოტეხილი და დღეს განაცხადში არ ყოფილა.
