23 მაისს, პოლონეთის ჩემპიონატში “იაგელონიამ” საკუთარ მოედანზე კრაკოვის “ვისლა” მიიღო და მეტოქე ანგარიშით 2:1 დაამარცხა.
მასპინძელთა შემადგენლობაში მეორე ტაიმის დასაწყისშივე გამოჩნდა ქართველი ფეხბურთელი ნიკა ძალამიძე, რომელმაც 87-ე წუთზე თანაგუნდელს საგოლე პასი გაუკეთა, ხოლო გამარჯვების მომტანი გოლის ეპიზოდში მან დიდი როლი ითამაშა.
პოლონური ექსტრაკლასას 26-ე ტურში “იაგელონიამ” კრაკოვის “ვისლა” მიიღო. შეხვედრა ფრედ, 2-2 დასრულდა.
მასპინძელთა შემადგენლობაში ორივე ქართველმა, გიორგი ფოფხაძემ და ნიკა ძალამიძემ 90 წუთი ითამაშეს. ფოფხაძემ ძირითადი დროის დასარულებამდე 2 წუთით ადრე ყვითელი ბარათიც მიიღო.
26 ტურის შემდეგ “იაგელონია” 42 ქულით მესამე პოზიციაზეა და ლიდერ “ლეგიას” 7 ქულით ჩამორჩება.
პოლონეთის ჩემპიონატის 21-ე ტურში “იაგელონია” ვროცლავის “სლასკს” ესტუმრა და მინიმალური ანგარიშით მოიგო.
სტუმართა ძირითად შემადგენლობაში იყო ნიკა ძალამიძე. ქართველმა მოთამაშემ მოედანზე 90 წუთი დაჰყო და ყვითელი ბარათიც მიიღო.
ამ გამარჯვებით “იაგელონიამ” თავი 38 ქულას მოუყარა და ლიდერ “ლეგიას” გაუთანაბრდა. თუმცა, ვარშაველებს თადარიგში ერთი შეხვედრა აქვთ.
18 ოქტომბერს, პოლონეთის ჩემპიონატში “იაგელონიამ” საკუთარ მოედანზე “პოგონი” მიიღო და მეტოქე დიდი ანგარიშით 5:0 დაამარცხა.
“იაგელონიას” ძირითად შემადგენლობაში იყო ქართველი ნახევარმცველი ნიკა ძალამიძე, რომელმაც მასპინძელთა გამარჯვებაში დიდი როლი ითამაშა. 22 წლის ფეხბურთელმა მე-10 წუთზე საგოლე პასი გააკეთა, ხოლო 45-ე და 66-ე წუთებზე სტუმართა კარში გოლები გაიტანა.
29 სექტემბერს, პოლონეთის ექსტრაკლასაში “იაგელონიამ” საკუთარ მოედანზე “პოდბესკიდზე” მიიღო და მეტოქე ანგარიშით 4:2 დაამარცხა.
“იაგელონიას” სათადარიგოთა რიგებში იყო ქართველი ნახევარმცველი ნიკა ძალამიძე, რომელიც თამაშში 81-ე წუთზე ჩაერთო. 22 წლის ფეხბურთელმა 87-ე წუთზე გოლის გატანაც მოახერხა და შეხვედრის საბოლოო ანგარიში დააფიქსირა.
