8 ნოემბერს, ესპანეთის ჩემპიონატში, მადრიდის “რეალსა” და “რაიო ვალეკანოს” შორის გამართული მატჩის დაწყებამდე, კამერებმა საინტერესო კადრი დააფიქსირეს.
საქმე იმაში გახლავთ, რომ იქამდე, სანამ ძირითადი შემადგენლობის ფეხბურთელები მოედანზე გამოვიდოდნენ, კრიშტიანო რონალდუმ “სამეფო კლუბის” ახალგაზრდა მოთამაშეს ალვარო მედრანს ხელი გაუწოდა, ეპიზოდი კი ისე დასრულდა, რომ 20 წლის ნახევარმცველს პორტუგალიელისთვის ხელი არ ჩამოურთმევია.
84-ე წუთზე, ალვარო მედრანი კარლო ანჩელოტიმ თამაშში ჩართო. შეხვედრის ბოლო წუთებზე კრიშტიანო რონალდუმ მედრანს კარგი პასი გაუკეთა, ახალგაზრდამ კი პორტუგალიელს ბურთი აღარ დაუბრუნა, ხოლო მისი დარტყმა მეკარემ მოიგერია.