ჭდე: მგზავრები-არმია

„მგზავრები-არმიასთან“ მოგებული მატჩი „ოლიმპის“ მთავარმა მწვრთნელმა გია კაზანჯაინმაც შეაფასა.

„მატჩი ძალიან საინტერესო გამოვიდა. შეხვედრა მნიშვნელოვანი იყო – „მგზავრები-არმიასთან“ სატურნირო ცხრილში მეზობლები ვართ. მითუმეტეს, პირველ წრეში ამ გუნდთან დავამრცხდით. დაცვაში, განსაკუთრებით პირველ ნახევარში, გარკვეული დავალებები ვერ შევასრულეთ. ვფიქრობ, მომავალში ასეთი თამაშით უფრო გაგვიჭირდება.

შემდეგი მატჩი 21 მარტს გველის. გუნდი 3 კვირის განმავლობაში მატჩებს არ ჩაატარებს. ჩემს სამწვრთნელო პრაქტიკაში ეს პირველი შემთხვევაა. მხოლოდ ვარჯიშებით შედეგს ვერ მივაღწევთ. იმედია, ამხანაგურ შეხვედრებს ჩავატარებთ ან რაიმე ტურნირი გაიმართება“, – განაცხადა „ოლიმპის“ დამრიგებელმა.

დღეს, თბილისის სპორტის სასახელში საკალათბურთო სუპერლიგის პირველი ტურის ფარგლებში ერთმანეთის წინააღმდეგ “შსს-აკადემია” და “მგზავრები-არმია” წარსდგნენ.

შსს მატჩის დებიუტშივე დაწინაურდა, თუმცა არმიელებმა ბერიშვილის დროული წუთშესვენებით მასპინძელთა გაქცევა შეაჩერეს 8-ქულიანი ჩამორჩენა 1 წუთში 2 ქულამდე შეამცირეს. საბოლოოდ კი პირველი მეოთხედი ტუღუშის შეგირდებმა 3 ქულის სხვაობით მოიგეს.

პირველის მსგავსად “შსს” მეორე პერიოდის დებიუტშიც დაწინაურდა, თუმცა “მგზავრებმა” ამჯერადაც შეძლეს თამაშში დაბრუნება და ჩამორჩენის მინიმუმამდე დაყვანა. მიუხედავად ამისა ნომინალურმა მასპინძლებმა ბოლოს მაინც იძალეს და დიდ შესვენებაზე 6-ქულიანი უპირატესობით გავიდნენ.

თამაშის სცენარი არც მეორე ნახევარში შეცვლილა. ტუღუშის შეგირდები კვლავ დაწინაურდნენ და ამჯერად უკვე 13-ქულიანი უპირატესობაც კი მოიპოვეს, რაც შეხვედრის გარდამტეხი მომენტი აღმოცნდა.  “არმიამ” თამაშში დაბრუნება დასკვნით მეოთხედში კი მოახერხა, როცა ლუკა ზაქრაძემ ზუსტი სამიანით სხვაობა 4 ქულამდე შეამცირა, თუმცა მეტის გაკეთება სტუმრებმა ვეღარ შეძლეს. დაცვაში უამრავი შეცდომა დაუშვეს, რისთვისაც დაისაჯნენ კიდეც. საბოლოოდ კოტე ტუღუშის გუნდმა მეტოქეს 13-ქულიანი სხვაობით, 75-62 სძლია.

მატჩის ყველაზე შედეგიანი მოთამაშე “არმიელი” მერაბ ბოქოლიშვილი გახდა, რომელმაც საკუთარ გუნდ 20 ქულა შესძინა, ხოლო გამარჯვებულთა მხრიდან 18 ქულით საუკეთესოები შარაბიძე და როგავა იყვნენ.

შსს აკადემია 75-62 მგზავრები-არმია

 

მარიამ ნიშნიანიძის ფოტოები

სუპერლიგის მე-4 ტური დასრულდა. ბოლო მატჩში ერთმანეთს „ოლიმპი“და“მგზავრები-არმია“ შეხვდნენ. ეს გუნდები მიმდინარე ჩემპიონატის ფავორიტებად არ განიხილებიან, „ოლიმპს“ აქამდე 1 გამარჯვება ჰქონდა მოპოვებული, ხოლო „მგზავრებს“ ყველა მატჩი წაგებული ჰქონდა.

მატჩი საკმაოდ დაძაბული გამოდგა. შეხვედრა გარდამავალი უპირატესობით მიმდინარეობდა, თუმცა ბოლო პერიოდში უფრო მეტი მობილიზება ბუბა ბერიშვილის გაწვრთნილმა „მგზავრებმა“ გამოაჩინეს და დამსახურებულად გაიმარჯვეს – 72:62.

პირველ პერიოდში „ოლიმპი“ უკეთესად გამოიყურებოდა. გია კაზანჯიანის გაწვრთნილმა გუნდმა დიდი შესვენებისთვის 3-ქულიანი უპირტესობა მოიპოვა – 31:28. მესამე ათწუთეულში „მგზავრები-არმიამ“ უკეთესად ითამაშა, რითაც გამარჯვება დაიმსახურა.

„მგზავრები-არმიას“ სეზონის პირველი გამარჯვების მოპოვებაში მერაბ ბოქოლიშვილი დაეხმარა, რომელმაც 24 ქულა დააგროვა. შედეგიანად ითამაშა ტატო ჩაჩიბაიამ, რომელმაც „მგზავრებს“ 12 ქულა და 9 მოხსნა შესძინა. ოლიმპელთაგან 14 ქულით საუკეთესო ნუგო აბულაძე იყო, 11 ქულა, 7 მოხსნა და 6 პასი ნოდარ გოგოძის ანგარიშზე დაგროვდა.

სუპერლიგის მე-4 ტური ამ მატჩით დასრულდა. მომდევნო კური 3 ქალაქში ჩატარდება. 21 ნოემბერს „რუსთავი“ „ბათუმს“ უმასპინძლებს, „ქუთაისი“ – „დინამოს“, ხოლო 22-ში თბილისის სპორტის სასახლეში 2 მატჩი გაიმართება.

მატჩისშემდგომი პრესკონფერენცია

გია კაზანჯიანი(,,ოლიმპის’’ მთავარი მწვრთნელი): მივულოცავ ,,მგზავრები-არმიას’’ პირველ გამარჯვებას, დამსახურებულად მოიგეს. თითქმის ყველა კომპონენტში გვაჯობეს და ვუსურვებ წარმატებებს. ყველაფერი პირიქით გავაკეთეთ იმასთან შედარებით, რაც დაგეგმილი გვქონდა. ნელა ვთამაშობდით, მეტოქე კი – პირიქით. ბოდიშს ვუხდი ჩვენს გულშემატკივარს ასეთი ცუდი თამაშისთვის. ერთადერთ პლიუსს დღევანდელ თამაშში იმას ვხედავ, რომ ახალგაზრდა კახა ტომარაძემ ხუთეულში დაიწყო და საკმაოდ კარგად იასპარეზა.

ბუბა ბერიშვილი(,,მგზავრები-არმიის’’ მთავარი მწვრთნელი): მინდა ბიჭებს მივულოცო პირველი გამარჯვება 3 წაგების მერე, თავიდან ცოტა პრობლემა გქვონდა, ცუდად დავიწყეთ, საბედნიეროდ, დროულად გამოვასწორეთ, ბიჭებმა მოინდომეს, გავიმარჯვეთ და მადლობა ბიჭებს, მეტოქეს და მაყურებლებს, ძალიან კარგი თამაში გამოვიდა.

მერაბ ბოქოლიშვილი(,,მგზავრები-არმია’’): თამაში ზუსტად ისეთი გამოვიდა, როგორსაც ველოდებოდით. მართალია ,,ოლიმპი’’ ახალგაზრდა გუნდია, თუმცა დაამტკიცეს, რომ ღირსეული მეტოქეები არიან ყველასთვის და დღეს ძალიან მობილიზებულები გამოვედით. ორივე გუნდს ჰქონდა შეცდომები, ჩვენ ნაკლები შეცდომა დავუშვით და მოვიგეთ.

 

ლერი კვანტალიანი(,,ოლიმპი’’): პირველ რიგში, მივულოცავ მეტოქეს გამარჯვებას. ჩვენი ბრალია წაგება, დაცვაში და შეტევაში მოდუნებულები ვიყავით, ვერ შევასრულეთ მითითებები, ვარჯიშებზე სხვანაირად გამოვიყურებოდით და მოედანზე სულ სხვა თამაში ვაჩვენეთ. ეს ძალიან გულდასაწყვეტია, თუმცა იმედია გამოვასწორებთ და უკეთეს თამაშს ვაჩვენებთ.

superleague.ge