“აიაქსისა” და “ბარსელონას” ყოფილმა ლიდერმა, რონალდ დე ბურმა ვირჯილ ვან დეიკის პროგრესი შეაფასა და აღნიშნა, რომ ის მისთვის პრემიერ ლიგის ერთ-ერთი საუკეთესო მცველია.
“რონალდ კუმანის წყალობით, “საუთჰემპტონში” მან უდიდესი პროგრესი განიცადა და წელს ის პრემიერ ლიგის ერთ-ერთი საუკეთესო მცველია. ის სწორი გზით ვითარდება.
ის “გრონინგენში” ყოფნისასაც კარგად გამოდიოდა, ფიზიკურად ძლიერი იყო. მაგრამ, ჩვენ, ჰოლანდიელებს ყოველთვის გვინდა, რომ მცველებმა ბურთთან ერთადაც კარგად ითამაშონ, რაშიც ის ცოტას მოიკოჭლებდა. ახლა, მან ესეც გამოასწორა.
მისი პასებიც საკმაოდ კარგია და რაც ყველაზე მნიშვნელოვანია, დაცვაში ის ბრწყინვალედ გამოიყურება,” – განაცხადა ჰოლანდიელმა ბრიტანულ პრესასთან საუბრისას.
