მადრიდის “რეალმა” მარკო ასენსიოს ტრანსფერზე დაყენება გადაწყვიტა.
“სამეფო კლუბი” 26 წლის ფეხბურთელის სანაცვლოდ 30-35 მილიონი ევროს მიღებას აპირებს. “რეალმა” ასენსიოს გაყიდვა მას შემდეგ გადაწყვიტა, რაც ფეხბურთელმა ხელფასის გაზრდა მოითხოვა.
გავრცელებული ინფორმაციით, ასენსიოს დამატებით “მილანი” იყო დაინტერესებული.
შეგახსენებთ, რომ მარკო ასენსიო “რეალის” ღირსებას 2015 წლიდან იცავს. მან 2021-2022 წლების სეზონში 42 მატჩი ჩაატარა, 12 გოლი გაიტანა და ორი შედეგიანი გადაცემა მიითვალა.
მადრიდის “რეალის” პრეზიდენტმა ფლორენტინო პერესმა განაცხადა, რომ 2014 წელს “მალიორკადან” მარკო ასენსიოს გადმობირების საქმეში “სამეფო კლუბს” ცნობილი ესპანელი ჩოგბურთელი რაფაელ ნადალი დაეხმარა, რომელიც “ბლანკოსის” გულმხურვალე ქომაგი გახლავთ.
“რაფა ნადალს დავურეკე და ბიძასთან დალაპარაკება ვთხოვე, რომელიც “მალიორკას” სპორტული დირექტორი იყო. ნადალს ვუთხარი, რომ მარკო ასენსიოს შეძენა გვსურდა.
მან ყველაფერი უმაღლეს დონეზე გააკეთა და ტრანსფერიც ძალიან მალე დასრულდა”, – ციტირებს ფლორენტინო პერესის სიტყვებს Goal.com-ი.
“რეალმა” ასენსიოს სანცვლოდ “მალიორკას” 3,5 მილიონი ევრო გადაუხადა. სპეციალიზებული ინტერნეტპორტალი Transfermarkt-ი დღესდღეობით ფეხბურთელის სატრანსფერო ღირებულებას 20 მილიონ ევროდ აფასებს.
უეფას ჩემპიონთა ლიგის ჯგუფურ ეტაპზე მადრიდის “რეალმა” “სანტიაგო ბერნაბეუზე” ვარშავის “ლეგია” მიიღო და მეტოქე ანგარიშით 5:1 გაანადგურა. ერთი გოლი მარკო ასენსიომ გაიტანა.
ამრიგად, იგი “რეალის” პირველი ფეხბურთელი გახდა, რომელმაც მიმდინარე სეზონში ყველა ტურნირზე მოახერხა გოლის გატანა (ესპანეთის ჩემპიონატი, ესპანეთის თასი, ჩემპიონთა ლიგა).
გარდა ამისა, მარკო ასენსიომ უეფას სუპერთასზე, ესპანეთის ჩემპიონატსა და ჩემპიონთა ლიგაზე ჩატარებულ სადებიუტო შეხვედრებში შეძლო გოლის გატანა.
