ალესიო ჩერჩი კარიერას “ვერონაში” გააგრძელებს. 29 წლის თავდამსხმელმა სამედიცინო შემოწმება დღეს გაიარა და კლუბთან კონტრაქტიც გააფორმა.
შეგახსენებთ, რომ ალესიო ჩერჩი მანამდე მადრიდის “ატლეტიკოს” ღირსებას იცავდა. ის ესპანურ გუნდში 2014 წელს გადავიდა, თუმცა მოგვიანებით “მილანსა” და “ჯენოაში” გაანათხოვრეს.
“ვერონამ” გასულ სეზონში იტალიის სერია B-ში იასპარეზა, მეორე ადგილი დაიკავა და სერია A-ში თამაშის უფლება მოიპოვა.
მადრიდის “ატლეტიკოს” ფორვარდ ალესიო ჩერჩის “ბოლონიაში” ტრანსფერი ჩაიშალა.
29 წლის იტალიელმა ფეხბურთელმა სამედიცინო შემოწმება წარმატებით ვერ გაიარა. კვლევამ აჩვენა, რომ მას ძველი ტრავმები სრულად მოშუშებული არ აქვს. შესაბამისად, “ბოლონიამ” თავდასხმელთან კონტრაქტი არ გააფორმა.
შეგახსენებთ, რომ ალესიო ჩერჩი გასულ სეზონში იჯარის წესით “მილანსა” და “ჯენოაში” გამოდიოდა. მან იტალიის სერია A-ს 2015-2016 წლების სეზონში 24 შეხვედრა ჩაატარა და ოთხი გოლი გაიტანა. ფეხბურთელს “ატლეტიკოსთან” კონტრაქტი 2017 წლის 30 ივნისამდე აქვს გაფორმებული.
მადრიდის “ატლეტიკოს” თავდამსხმელი ალესიო ჩერჩი იჯარის წესით “მილანში” ითამაშებს. 27 წლის იტალიელმა ფეხბურთელმა “როსონერისთან” კონტრაქტი უკვე გააფორმა.
გავრცელებული ინფორმაციით, ჩერჩიმ “მილანთან” 18-თვიან საიჯარო ხელშეკრულებას მოაწერა ხელი.
“კონტრაქტი გაფორმებულია. დიდი პატივია, ვიყო “როსონერის” ოჯახის წევრი. ყველას დიდ მადლობას გიხდით”, – დაწერა სოციალურ ქსელში ალესიო ჩერჩიმ.
“ატლეტიკოს” გარდა, ჩერჩის კარიერის განმავლობაში “რომაში”, “ბრეშაში”, “პიზაში”, “ატალანტაში”, “ფიორენტინასა” და “ტორინოში” უთამაშია.
“მილანი” და მადრიდის “ატლეტიკო” ზამთრის სატრანსფერო პერიოდში ფეხბურთელებს გაცვლიან.
კერძოდ, საუბარია ალესიო ჩერჩის “როსონერიში” განათხოვრებასა და ფერნანდო ტორესის “ატლეტიკოში” დაბრუნებაზე.
“მილანის” ოფიციალური ტელეარხის ცნობით, კლუბებს შორის მოლაპარაკება თითქმის დასრულებულია და ახლა კონტრაქტზე ხელის მოწერაღა დარჩა.
ტორესი, რომელიც ლონდონის “ჩელსის” ეკუთვნის, “ატლეტიკოში” იჯარით 18 თვეს გაატარებს. რაც შეეხება ჩერჩის, ის “მილანში” განათხოვრების წესით მხოლოდ ნახევარი სეზონი ითამაშებს.
ესპანური პრესის ცნობით, “ატლეტიკოს” მთავარი მწვრთნელი დიეგო სიმეონე თავადვე იყო ტორესის დაბრუნების ერთ-ერთი მთავარი ინიციატორი და კმაყოფილია, რომ გარიგება შედგა.
Football Italia-ს თანახმად, მადრიდის “ატლეტიკოს” თავდამსხმელი ალესიო ჩერჩი “მილანის” ინტერესთა სფეროში მოექცა.
მანამდე გავრცელებული ინფორმაციით, მადრიდელები მზად არიან, 27 წლის იტალიელი ფეხბურთელი ზამთრის სატრანსფერო პერიოდში იჯარის წესით გაანათხოვრონ.
წყაროს ცნობით, არ არის გამორიცხული, “მილანმა” ატლეტიკოს” იჯარით ფერნანდო ტორესის ალესიო ჩერჩიში გაცვლა შესთავაზოს.
