ჭდე: ა ლიგა

„კაქტუსი“ – „ვითას“ მატჩისშემდგომ დაჯილდოვების ცერემონიალზე „ვითამ“ მეორე ადგილზე გასული გუნდისთვის განკუთვნილი მედლებისა და სიგელის მიღება იუარა, რის შესახებაც „ა“ ლიგის ოფიციალური ვებსაიტი წერს.

შეგახსენებთ, მატჩი „კაქტუსის“ გამარჯვებით (83:63) დასრულდა, რითიც გუნდმა შემდეგ სეზონში სუპერლიგაში თამაშის უფლება მოიპოვა.

„ვითას“ „ა“ ლიგის მიმდინარე სეზონში „კაქტუსთან“ პირველი წრის მატჩში ტექნიკური წაგება ჩაუთვალეს, რადგან იქამდე კლუბმა მეტოქე გუნდის ამერიკელ ლეგიონერ კლარენს ჯექსონთან კონტრაქტი ფარულად გააფორმა.

დასრულდა „ა“ ლიგის გათამაშება. ტურნირის მონაწილე 6 გუნდი ერთმანეთს 2-2-ჯერ შეხვდა და 10 ტურის თავზე ის 2 საუკეთესო გუნდი გამოვლინდა, რომლებიც სუპერლიგაში გადასასვლელად იბრძოლებენ.

ესენი არიან „არენა-76“ და „წყალტუბო“. ორივე მათგანმა 8 მოგება და 2 მარცხი დააგროვა, უპირატესობა კი ურთიერთშეხვედრებში ორივე მოგების მომპოვებელ არენელებს მიენიჭათ, რომლებმაც პირველი ადგილი დაიკავეს.

„არენამ“ პირველობა ბოლო ტურში მოიპოვა. წყალტუბოელებმა ბოლო ტურის მატჩი ერთი დღით ადრე გამართეს და იმარჯვეს, „არენა“ კი დასკვნით მატჩში „კაკტუსს“ შეხვდა, რომელსაც გამარჯვების შემთხვევაში საუკეთესო 2 გუნდს შორის მოხვედრის შანსი ჰქონდა. სპორტის სასახლეში გამართული მატჩი საკმაოდ დაძაბული გამოდგა, რომლის ბედიც ბოლო პერიოდში გადაწყდა.

„არენამ“ მძლავრი მესამე პერიოდი ჩაატარა, რომელიც 20:11 მოიგო და დასკვნითი მეოთხედის წინ 11 ქულით დაწინაურდა. მოპოვებული უპირატესობა არენელებმა ხელიდან აღარ გაუშვეს და საბოლოოდ 84:74 იმარჯვეს. 6 სამქულიანი ჩააგდო და 26 ქულით არენელთაგან ბომბარდირი გახდა დავით ლომიძე. 20 ქულა დააგროვა ჯერემი ბაინამმა, ხოლო ზურაბ მაჩალაძის ანგარიშზე 15 ქულა, 11 მოხსნა, 5 პასი და 5 ჩჭრა დაგროვდა. კაკტუსელებს ვერ უშველა სამა ტაკუს შედეგიანობამ, რომელმაც შეხვედრა 30 ქულით დაასრულა.

ამავდროულად გასარკვევი იყო იმ 2 გუნდის ვინაობა, რომლებიც „ა“ ლიგაში ადგილის შესანარჩუნებლად მომავალი სეზონის დაწყებამდე იბრძოლებენ. „კაკტუსმა“ ლიგაში დარჩენის დილემა რამდენიმე ტურის წინ გადაჭრა, ხოლო მეორე გუნდი ბოლოტურში გამოვლინდა. „სეუ-ჰიუნდაისა“ და თსუ-ს შორის გამარჯვებული ლიგაში რჩებოდა, წაგებული კი გორის „დილასთან“ ერთად უკანასკნელ 2 ადგილს იკავებდა. დებულების თანახმად, ბოლო 2 ადგილზე გასული გუნდი მომავალი სეზონის დაწყებამდე საკვალიფიკაციო მატჩებს გამართავს „ა“ ლიგაში შემოსასვლელი შესარჩევი ტურნირის 2 საუკეთესო გუნდთან.

ეს 2 გუნდი გორის „დილა“ და „სეუ-ჰიუნდაი“ იქნებიან. ამ უკანასკნელმა ბოლო ტურში თსუ-სთან მარცხი გაიცადა. 8:30 წაგებული მეორე მეოთხედის შემდეგ ჰიუნდაელებმა ვითრების გამოსწორება ვეღარ  შეძლეს და საბოლოოდ 77:88 დამარცხდნენ. თსუ-ში 25 ქულით და 13 მოხსნით საუკეთესო ირაკლი ბეშქენაძე იყო, ხოლო „სეუ-ჰიუნდაიშიც“ 25-25 ქულა დააგროვეს გელა კოპალიანმა და კაილ ფულერმა.

დასრულდა „ა“ ლიგის პირველი წრე. ბოლო ტურში პირველი მარცხი განიცადა „არენა-76“-მა, რომელსაც არჩილ ჟღენტის გაწვრთნილმა „კაკტუსმა“ მოუგო.

მე-5 ტურის სამივე მატჩს 8 აპრილს საკალათბურთო აკადემიის დარბაზმა უმასპინძლა. საკმაოდ დაძაბულ ბრძოლაში „კაკტუსმა“ 77:71 სძლია „არენას“. პირველ ტაიმში კაკტუსელთა უპირატესობამ 20 ქულას გადააჭარბა, თუმცა ჯერემი ბაინამის შედეგიანი თამაშის წყალობით არენელებმა ბოლო პერიოდში ჩამორჩენა მინიმუმამდე შეამცირეს, თუმცა ეს იყო მაქსიმუმი, რაც ცხრილის ლიდერმა გუნდმა მოახერხა.

გამარჯვებულებს 37 ქულითა და 12 მოხსნით კამერუნელმა ლეგიონერმა სამა ტაკუმ ულიდერა. 12 ქულა 4 სამქულიანი სროლით დავით ხიზანიშვილმა დააგროვა. დამარცხებულთაგან საუკეთესო ბაინამი გახლდათ – 35 ქულა. ზუკა მაჩალაძემ 15 ქულა და 16 მოხსნა მიითვალა.

დაძაბული გამოდგა „სეუ-ჰიუნდაისა“ და თსუ-ს დაპირისპირება. ლაშა ეგვერაძის გაწვრთნილმა ჰიუნდაელებმა მატჩი შედეგიანად დაიწყეს და მიუხედავად იმისა, რომ შუაწელში თსუ-მ დაწინაურება მოახერხა, „სეუ-ჰიუნდაიმ“ მობილიზებით ჩაატარა შეხვედრის დასკვნითი ნაწილი და ძალიან საჭირო გამარჯვება მოიპოვა. ეძგვერაძის გუნდმა ამ გამარჯვებით მე-3 ადგილზე გადაინაცვლა (კაკტუსს პირადი მოგების ხარჯზე ჯობნის).

გამარჯვებაში ლომის წილი დაიდო ირაკლი ალხანაიძემ, რომელმაც 39 ქულა და 15 მოხსნა მიითვალა. 16 ქულა დააგროვა კირილე თვაურმა, ხოლო ამერიკელ კაილ ფულერს სამმაგ დუბლამდე 1 პასი დააკლდა – 15 ქულა, 11 მოხსნა, 9 პასი.

დიდი ბრძოლა გაიმართა პირველი წრის დასკვნით მატჩში, რომელშიც ერთმანეთს გორის „დილა“ და „წყალტუბო“ შეხვდნენ. იმერული კლუბი თავიდანვე გალიდერდა და რაც დრო გადიოდა, უპირატესობას ზრდიდა. დიდი შესვენებისთვის წყალტუბოელებმა 19-ქულიან ლიდერობას მიაღწიეს და თითქოს გამარჯვებულის ვინაობაც გაირკვა, თუმცა გორელებმა მეორე ტაიმში შედეგიანობა გამოავლინეს და ბოლო წუთებზე მეტოქეს წამოეწივნენ. გორელებს ვითარების შესაცვლელად დრო არ ეყოთ – „წყალტუბომ“ 79:75 იმარჯვა.

იმერულ კლუბში უკრაიმენელი გამოირჩნენ. ალექსანდრ რიხლიუკმა 25 ქულა და 13 მოხსნა მიითვალა, ხოლო სერგეი ალფიოროვმა წყალტუბოელებს 21 ქულა შესძინა. 15 ქულა დაგროვდა გიორგი კუჭავას ანგარიშზე. „დილაში“ საუკეთესსო ედეგი ვლადიმერ ბეჟანიშვილმა დააფიქსირა – 18 ქულა, 12 მოხსნა. 15 ქულა და 9 მოხსნა ზვიად ბაბიაშვილის ანგარიშზე. დავით მუშკუდიანმა 13 ქულა და 12 მოხსნა მიითვალა.

არენელებმა პირველივე მეოთხედში მოიპოვეს ხელჩასაჭიდი უპირატესობა, როცა საწყისი პერიოდი 10 ქულით მოიგო. მოპოვებული უპირატესობა მასპინძლებს აღარ დაუთმიათ – გამარჯვებამდე იოლად მივიდნენ.

გამარჯვებულთაგან საუკეთესო ამერიკელი ჯერემი ბაინამი გახლდათ, რომელმაც 26 ქულა და 10 პასი მიითვალა. 24 ქულა დააგროვა დავით ლომიძემ, რომელმაც 6 სამქულიანი ჩააგდო. ოლექსეი კოსენკოვმა 17 ქულა დააგროვა, ზუკა მაჩალაძის ანგარიშზე კი ორმაგი დუბლი – 14 ქულა და 16 მოხსნა დაგროვდა.

რაც შეეხებათ წყალტუბოელებს, იმერულ კლუბს ალექსანდრ რიხლიუკმა 25 ქულა-11 მოხსნით ულიდერა. მეორე უკრაინელმა – სერგეი ალფიოროვმა 21 ქულა და 10 პასით დაასრულა შეხვედრა.

მე-3 ტურის დარჩენილი 2 მატჩი თბილისის სპორტის სასახლეში გაიმართა. „ა“ ლიგის მატჩებამდე სასახლეში სუპერლიგის 2 შეხვედრა გაიმართა. 17:00 საათზე დაწყებული მატჩი „სეუ-ჰიუნდაისა“ და „კაკტუსს“ შორის საკმაოდ დაძაბული და საინტერესო გამოდგა.

ამ მატჩამდე ორივე გუნდს 1 მოგება და 2 წაგება ჰქონდა. შესაბამისად, შეხვედრა მეტად პრინციპულ ხასიათს ატარებდა და დაძაბული მუხტი მთელი თამაშის მსვლელობისას იგრძნობოდა.

პირველი მეოთედი 18:18 დასრულდა, დიდი შესვენებისთვის სამა ტაკუს წინამძღოლობით კაკტუსელები 2 ქულით დაწინაურდნენ. ცხადი იყო, რომ ყველაფერი ბოლო წუთებზე გადაწყდებოდა, არც ერთი გუნდი ფლობდა იმხელა უპირატესობას, რომ წინ დიდი სხვაობით გაჭრილიყო.

მესამე პერიოდი „სეუ-ჰიუნდაიმ“ 18:13 მოიგო და მცირე უპირატესობას მატჩის ბოლომდე ინარჩუნებდა. კაკტუსელები ცდილობდნენ, მაგრამ მაქსიმუმი, რაც მოახერხეს, ბოლოსწინა წუთზე ჩამორჩენის მინიმუმამდე შემცირება იყო. გადამწყვეტ მომენტში ლაშა ეძგვერაძის გაწვრთნილმა „სეუ-ჰიუნდაიმ“ უკეთესად ითამშა და უმნიშვნელოვანეს გამარჯვებას მიაღწია – 73:70.

გამარჯვებულთა შორის ბომბარდირი ამერიკელი კაილ ფულერი გახდა, ხოლო სამმა კალათბურთელმა – ირაკლი ალხანაიძემ, გელა კოპალიანმა და ირაკლი გაბისონიამ ორმაგი დუბლები მიითვალეს. კაკტუსელთაგან 28 ქულითა და 9 მოხსნით საუკეთესო კამერუნელი სამა ტაკუ გახლდათ. 13 ქულა დააგროვა დავით როგავამ.

მეორე მატჩში 20-ქულიანი სხვაობა დაფიქსირდა. ერთმანეთს 2 მოუგებელი გუნდი შეხვდა – თსუ და გორის „დილა“. ბოლო მეოთხედამდე თანაბარი ბრძოლა მიდიოდა. სახელმწიფო უნივერსიეტის გუნდი ნიადაგ ლიდერობდა, თუმცა გორელები არ რჩებოდნენ და შანსს ინარჩუნებდნენ. ბოლო პერიოდში მოედნიდან მსაჯთან კამათის გამო უნივერისტეტელი გიორგი გაფრინდაშვილი გააძევეს, რის შემდეგაც სტუდენტებმა მეტი მობილიზებით ითამაშეს და სოლიდური ლიდერობის მოპოვებით მატჩში გამარჯვებულის ვინაობა სათავისოდ გაარკვიეს.

38 ქულით სტუდენტბს მიხეილ ფანჩულიძემ ულიდერა, ხოლო ვასილ ბერუაშვილის ანგარიშზე 23 დაგროვდა. „დილაში“ 17-17 ქულით საუკეთესო შედეგი ვლადიმერ ბეჟანიშვილსმა და დავით აფხაზავამ დააფიქსირეს.

მომდევნო ტური 4 აპრილს თბილისის სპორტის სასახლეში გაიმართება.

14 მარტს სტარტი აიღო ქართული კალათბურთისთვის ისტორიულმა „ა“ ლიგამ, რომელიც ეროვნულ ჩემპიონატთან ერთად მეორე პროფესიული ლიგაა საქართველოში. აღნიშნული ტურნირის დაწყებასთან ერთად ფუნქციონირება დაიწყო „ა“ ლიგის ოფიციალურმა ვებ-გვერდმა.

პირველმა ტურმა აჩვენა, რომ „ა“ ლიგა საკმაოდ დაძაბული და საინტერესო იქნება. გულშემატკივართა ინტერესი სრულად იქნება დაკმაყოფილებული ვებ-მისამართზე: www.a-league.ge.

საიტზე თავმოყრილია გუნდების შემადგენლობები, ფოტოები, თამაშების სრული სტატისტიკა და წარმოებს მატჩების პირდაპირი ტექსტური ტრანსლაციები.

გულშემატკივარი „ა“ ლიგის მატჩებთან დაკავშირებით საინტერესო ინფორმაციას მიიღებს. აღნიშნული საიტი ისევე ოპერატიულად განახლდება, როგორც ეს სუპერლიგის შემთხვევაში ხდება.

საკალათბურთო „ა“ ლიგა დღეს სპორტისა და ახალგაზრდობის სამინისტროს შენობაში მდებარე საკალათბურთო აკადემიაში დაიწყო. ტურნირის მონაწილე 6 გუნდი კალენდრის მიხედვით პირველ ტურში შემდეგნაირად დაწყვილდა: კაქტუსი – თსუ, სეუ-ჰიუნდაი – წყალტუბო და არენა – დილა.

საკალათბურთო ა ლიგის შესარჩევი ტურნირის დასრულების შედეგად ცნობილი გახდა იმ 6 გუნდის ვინაობა, რომლებიც საბოლოოდ ხსენებულ ლიგას დააკომპლექტებს. შეგახსენებთ, რომ აქამდე საგზური 4 გუნდს – თსუ, კაქტუსი, გორი, არენა-76-ს ჰქონდთ მოპოვებული.

დარჩენილი ორი საგზური საკვალიფიკაციო ეტაპის ბოლო დღეს ორმა წყვილმა – “წყალტუბო” – “აკადემიამ” და “მარნეული” – “სეუ-ჰიუნდაიმ” გაითამაშეს:

წყალტუბო 68:56 აკადემია

21:10, 18:14, 18:19, 11:13

წყალტუბო: ალფიოროვი (29 ქულა, 11 მოხსნა, 4 პასი), რიხლიუკი (16 ქულა, 13 მოხსნა), არუთინოვი (8), კორკოტაძე (8), კუჭავა (7)

აკადემია: ღურწკაია (19 ქულა, 12 მოხსნა), ვორნიკი (12 ქულა, 8 მოხსნა), სოკური (7)

მარნეული 58:94 სეუ-ჰიუნდაი

10:13, 8:26, 22:21, 18:34

მარნეული: ბ. ჯანხოთელი (24 ქულა, 8 მოხსნა), ბ. ჯაჯანიძე (17)

სეუ-ჰიუნდაი: ალხანაიძე (19), ქარციძე (18 ქულა, 9 მოხსნა), გაბისონია (13), ი. დოლიძე (11)

შესაბამისად, ცნობილი გახდა იმ 6 ჰუნდის ვინაობა, რომელბიც ა ლიგაში იასპარეზებენ. ტურნირი სტარტს სავარაუდოდ  14 მარტს აიღებს. ა ლიგის საუკეთესო 2 გუნდი სუპერლიგის ბოლო 2 ადგილზე გასულ გუნდებს დაუპირისპირდება და სერიაში გამარჯვებულები მომავალ სეზონში სუპერლიგაში იასპარეზებენ.