მადრიდის “ატლეტიკოს” მთავარი მწვრთნელი დიეგო სიმეონე დიდი ფეხბურთიდან ხუან რომან რიკელმეს წასვლას გამოეხმაურა.
“რიკელმეს ყოველივე საუკეთესოს ვუსურვებ. მან ფეხბურთს ბევრი რამ მისცა, საოცარი კარიერა გაიკეთა. როგორც ფეხბურთის ქომაგმა, მინდა, მადლობა გადავუხადო იმ მშვენიერი საღამოებისთვის, რომლებიც მან ჩვენ გვაჩუქა”, – ციტირებს სიმეონეს სიტყვებს Goal.com-ი.
შეგახსენებთ, რომ რიკელმემ მოთამაშის კარიერის დასრულების შესახებ ორი დღის წინათ განაცხადა. არგენტინელ ფეხბურთელს კარიერის განმავლობაში ოთხ კლუბში უთამაშია: “ბოკა ხუნიორსში”, “ბარსელონაში”, “ვილიარეალსა” და “არგენტინოს ხუნიორსში”. მას არგენტინის ნაკრებში ჩატარებულ 51 მატჩში 17 გოლი აქვს გატანილი.
