ჭდე: სლავენ ბილიჩი

“ვესტ ჰემის” ხელმძღვანელები უკმაყოფილონი არიან კლუბის ბოლოდროინდელი ასპარეზობით და მზად არიან, გუნდის მთავარი მწვრთნელის პოსტიდან სლავენ ბილიჩი დაითხოვონ.

ESPN-ის მიერ გავრცელებული უახლესი ცნობების თანახმად, “ჩაქუჩები” ამჟამად დევიდ მოიესთან აწარმოებენ მოლაპარაკებებს და შეთანხმების მიღწევის შემთხვევაში, შოტლანდიელი სპეციალისტი გუნდს სათავეში ზამთრის სატრანსფერო ფანჯარამდე ჩაუდგება.

ბრიტანული პრესის ცნობით, “ოლიმპიურ სტადიონზე”, “ლივერპულთან” წაგებული მატჩი (4-1) ბოლო წვეთი იყო ლონდონური კლუბის ხელმძღვანელებისთვის.

ცნობისთვის გეტყვით იმაასც, რომ პრემიერ ლიგის 2017/18 წლების საწყისი 11 ტურის შემდეგ “ვესტ ჰემი” მე-17 პოზიციაზე იმყოფება და გასავარდნ ზონას მხოლოდ 1 ქულა აშორებს.

“ვესტ ჰემის” მთავარი მწვრთნელი, სლავენ ბილიჩი თვლის, რომ გულშემატკივრები ჯო ჰარტს ხშირ შემთხვევაში უსაფუძვლოდ აკრიტიკებენ და რომ ინგლისელი მეკარე გაცილებით მეტ პატივისცემას იმსახურებს.

“ვფიქრობ, ხალხი მას სათანადოდ არ აფასებს. სლოვენიასთან გამართული მატჩი ვნახე, ჯო ჰარტი საუკეთესო იყო იმ თამაშში. თუმცა კომენტატორი მსგავსად ნამდვილად არ ფიქრობდა.

ამბობთ პენალტი იყოო, როცა არ ყოფილა (ჯო ჰარტის კართან). ეს რომ სხვა მეკარე ყოფილიყო, სხვას რომ ეთამაშა ასე არავინ იტყოდა, რომ თერთმეტმეტრიანი უნდა დანიშნულიყო. ასეთი გრძნობა მეუფლება ამ ყველაფრის შემხედვარე, ის მეტს იმსახურებს.

ვფიქრობ, ის ადვილი სამიზნეა ყველასთვის. სინამდვილეში, მშვენიერი პიროვნებაა და არავის ხელს არ უშლის. ვაფასებ, რომ ყველაფერს ღირსეულად ხვდება, ის ნამდვილი პროფესიონალია,” – აცხადებს ხორვატი სპეციალისტი.

“ვესტ ჰემის” მთავარი მწვრთნელი, სლავენ ბილიჩი კლუბის თანამფლობელთან, დავიდ სალივანთან აწარმოებს მოლაპარაკებებს საკუთარ მომავალთან დაკავშირებით. ამ ინფორმაციას Goal.Com ავრცელებს.

როგორც იცით, ახალი სეზონის სამი ტურიც საკმარისი იყო, რომ ხორვატი სპეციალისტი წარმოუდგენელი ზეწოლის ქვეშ აღმოჩენილიყო – ამ დროისთვის “ჩაქუჩები” ცხრილის ფსკერზე ტივტივებენ.

კვირას, “ნიუკასლთან” განცდილი დასანანი მარცხის (3-0) შემდეგ, ბილიჩმა განაცხადა: “ყველა გუნდს აქვს ცუდი და კარგი პერიოდები, მაგრამ ეს ცოტა განსხვავებული სიტუაციაა.

მე გუნდის თავკაცი ვარ და ჩემი მოვალეობაა, რომ მათი მჯეროდეს. ცუდ პერიოდებში კიდევ უფრო მეტად ვაანალიზებ, თუ რამდენად მნიშვნელოვანია ჩემი სამუშაო.”

“მიდლსბროსთან” საშინაო არენაზე გამართული მატჩისა (1-1) და პრემიერ ლიგის სატურნირო ცხრილის მე-17 ადგილზე ამოცოცვის შემდეგ, სლავენ ბილიჩმა პრესასთან ისაუბრა.

“კარგად ვიცი, რა ხდება ახლა ჩვენს თავს. ამ საქმეში ახალი არ ვარ და ვიცი როგორც მუშაობს. მომავალზე არ ვფიქრობ, მხოლოდ ჩემს სამუშაოზე.

ნამდვილად არ მომწონს, გუნდი ასეთ სიტუაციაში რომ არის.

ჩემი გუნდი ძალიან შეკრული და ცოცხალია. არ ვამბობ, რომ ბედნიერი ვარ, უბრალოდ პოზიტიურად ვარ განწყობილი. ზედიზედ 4 წაგებული მატჩის შემდეგ ქულა ავიღეთ და ჩვენი თამაში ვითამაშეთ. ეს კარგია.

90 წუთის მანძილზე ვთამაშობდით, როგორც გუნდი. ასე რომ, დიახ, ოპტიმისტურად ვარ განწყობილი.” – განაცხადა ბილიჩმა, რომლის გუნდის მომდევნო მეტოქეც “კრისტალ პალასი” გახლავთ.

„ტოტენჰემთან“ მოგების შემდეგ „ვესტ ჰემის“ მთავარ მწვრთნელ სლავენ ბილიჩს სჯერა, რომ მის გუნდს პრემიერლიგის ოთხეულში შესვლა და, შესაბამისად, ჩემპიონთა ლგიაზე გასვლა შეუძლია.

„ეს მიზანი რეალურია. ჩემპიონატის დასრულებამდე ათი ტურით ადრე მეოთხე ადგილს მხოლოდ ერთი ქულით ჩამოვრთებით. შანსი გვაქვს, რომელიც უნდა გამოვიყენოთ, თუმცა უკანაც ვიხედებით, რადგან გუნდების მთელი რიგი მოგვსდევს. ჩვენსა და მეათე საფეხურზე მყოფ გუნდს შორის მცირე სხვაობაა“, – ციტირებს ხორვატს „სქაი სპორტსი“.

“ვესტ ჰემ იუნაიტედის” თავკაცის, სლავენ ბილიჩის ცნობით, დიმიტრი პაიე, რომლითაც ჩინური კლუბები ინტერესდებიან, ინგლისურ კლუბთან ახალი კონტრაქტის გაფორმებას აპირებს.

“ვფიქრობ, რომ დიმიტრი პაიე კონტრაქტს უახლოეს მომავალში გაახანგრძლივებს. იმედია, ასეც მოხდება.

როდესაც ფეხბურთელი ისე თამაშობს, როგორც პაიე, მის მიმართ ყოველთვის იქნება ინტერესი. ჩვენ ყველანაირად ვეცდებით, რომ ის შევინარჩუნოთ – ეს ორივე მხარეს სურს.” – განაცხადა ხორვატმა სპეციალისტმა.

აქვე გეტყვით იმასაც, რომ პრემიერ ლიგაში “ჩაქუჩების” მომდევნო მეტოქე “ნორვიჩი” იქნება, რომელსაც 13 თებერვალს დაუპირისპირდება.