ხოსე მაური კარიერას “სან-სიროზე” გააგრძელებს.
“პარმას” ყოფილმა ნახევარმცველმა “მილანურ” გუნდთან 2019 წლის 30 ივნისამდე მოაწერა ხელშეკრულებას ხელი. ტრანსფერის სხვა დეტალები არ ხმაურდება.
იტალიელთა ახალწვეულმა “პარმაში” ორი სეზონი ჩაატარა, სადაც 33 მატჩში ორი გოლი შეაგდო.
ტრანსფერმარკეტის ვერსიით, იტალიელ-არგენტინელის გადაბირება “როსონერის” ექვსი მილიონი დაუჯდა.
იტალიის ჩემპიონატის 30-ე ტურში “პარმამ” საკუთარ მოედანზე გათამაშების ერთპიროვნული ლიდერი ტურინის “იუვენტუსი” მიიღო და მეტოქე ანგარიშით 1:0 დაამარცხა. ეს ერთადერთი გოლი შეხვედრის მე-60 წუთზე მასპინძელთა 18 წლის თავდამსხმელმა ხოსე მაურიმ გაიტანა.
“ჩვენი ფანების წინაშე შესანიშნავი მომენტი მქონდა. ღმერთს მადლობას ვეუბნები, რომ ამის ძალა მომცა. ამ გოლს ბებიას ვუძღვნი.
ეს ჩემი ცხოვრების ყველაზე ბედნიერი დღეა. ეს ყველაფერი ამ დრომდე არ მჯერა, თუმცა ჩემი გოლი ისტორიაში ჩაიწერება.
მწვრთნელმა გვითხრა, რომ ჩვენი სჯერა. მან გვითხრა, რომ შეტევისას ყველაფერი შეიძლება მოხდეს. ის მართალი გამოდგა”, – ციტირებს მაურის სიტყვებს Football Italia.
