„ბარსელონას“ ლიდერმა ლიონელ მესიმ კარიერის დასრულების შესახებ დასმული კითხვას უპასუხა და ასევე აღნიშნა, რომ გუნდური შედეგები მისთვის ინდივიდუალურებზე უფრო მაღლა დგას.
„კარიერის დასამთავრებლად რაიმე სტანდარტები არ ჩამომიყალიბებია. თამაშს იქამდე ვაპირებ, სანამ სხეული ამის საშუალებას მომცემს. როგორც კი ვიგრძნობ, რომ წასვლის დრო დადგა, ბუტსებს ლურსმანზე დავკიდებ.
ნაკრებში ბატისტუტას ყველა დროის ბომბარდირის რეკორდამდე შვიდი გოლი მაშორებს? სიმართლე რომ გითხრათ, ნაკრებთან ერთად რამის მოგება მირჩევნია. ტიტულები მაინტერესებს და არა ინდივიდუალური რეკორდები“, – განაცხადა მესიმ არგენტინულ ჟურნალ „El Gráfico“-სთან ინტერვიუში.
