„არსენალის“ მთავარმა მწვრთნელმა არსენ ვენგერმა განაცხადა, რომ ალექს ფერგიუსონის მსგავსად ფეხბურთიდან წასვლას ჯერ არ აპირებს.
„მაინტერესებს, თუ რითია დაკავებული მთელი დღის განმავლობაში ალექს ფერგიუსონი. თუმცა, პენსიაზე წასვლის შემდეგ ის ბედნიერი ჩანს. მას გაუმართლა, რადგან ის ასევე ცხენებითაა დაინტერესებული. დილით გაღვიძებისას ის, ალბათ, ცხენებთან მუშაობითაა გართული.
ცხენები მეც მიყვარს, მაგრამ რბოლებზე არ დავდივარ. ფერმერობა მირჩევნია“, – განაცხადა ფეხბურთის ფრანგმა სპეციალისტმა.
მადრიდის „რეალის“ თავდამსხმელი ხავიერ ერნანესი „მანჩესტერ იუნაიტედის“ მთავარი მწვრთნელის ლუი ვან გაალის სიტყვებს გამოეხმაურა, რომელთა მიხედვითაც, მექსიკელს ბოლო გოლები „წითელ ეშმაკებში“ დაბრუნებაში ხელს მაინც ვერ შეუწყობენ.
„არ ვიცი, ნამდვილად ასე თქვა თუ არა ვან გაალმა. ერთხელ, ერთ-ერთ დერბის წინ, ინგლისურმა გამოცემამ ჩემი ინტერვიუ გამოაქვეყნა, რომელიც სინამდვილეში არ ყოფილა. იმ შემთხვევაში, თუ ვან გაალი ნამდვილად ასე ფიქრობს, მის აზრს პატივი უნდა ვცე. თუ მესი და კრიშტიანუ ბევრს არ მოსწონთ, ჩვენზე საუბარი საერთოდ ზედმეტია.
განსხვავდება თუ არა ვან გაალი ანჩელოტისგან? დიახ, ეს ორი სხვადასხვა სპეციალისტია. ანჩელოტის ფეხბურთელებთან მეტი კონტრაქტი აქვს, მასთან თავს გაცილებით მშვიდად გრძნობ. ვან გაალის სამუშაო კი ჩვეულია, მისი განრიგი არ იცვლება. ის ძალიან მკაცრი და დიციპლინირებულია. ამ მხვრივ, ანჩელოტი უფრო ფერგიუსონს ჰგავს“, – განაცხადა ჩიჩარიტომ.
