თბილისის ოლიმპიური ფესტივალის გახსნის დროს მეჩირაღდნეებს შორის კომენტატორი სანდრო ცნობილაძეც იყო. სათქმელია, რომ მეჩირაღდნეების ჩამოთვლისას ეთერში პირველმა არხმა ცნობილაძე არ დაასახელა, რის შესახებაც კომენტატორმა თავისი ფეისბუქის გერედზე დაწერა.
„პირველი არხის გამჭრიახობას საზღვარი არ აქვს. მეჩირაღდნეების ჩამონათვალიდან ამომიღო“, – დაწერა ცნობილაძემ.
როგორც იცით, საქართველო-პორტუგალიის ტრანსილაციის დროს, უხეში შეცდომის გამო, სანდრო ცნობილაძე საზოგადოებრივმა მაუწყებელმა სამსახურიდან დაითხოვა.
ამას დიდი აჟიოტაჟი მოჰყვა. ქართველ კომენტატორს სოლიდარობას უცხადებენ, როგორც სოციალურ ქსელში, ასევე მის გარეთაც.
დღეს, რუსთავი 2-ის პირდაპირ ეთერში, “სხვა შუა დღე”-ში, დიმიტრი ობოლაძემ სანდრო ცნობილაძეს მხარი დაუჭირა.
“1996 წლიდან მიჰყავს ამ კაცს რეპორტაჟები. ეს არის პირველი მისი უხეში შეცდომა, თუმცა ძალიან უხეში და ეგეთი რაღაც არ მომხდარა. საკუთარი ნაკრები აერია. მე მიზეზებზე ლაპარაკს არ დავიწყებ, მითუმეტეს, რომ თავად ვერ ასახელებს. რა თქმა უნდა, არის სანქციები და ასეც უნდა იყოს, მაგრამ ასე ხელაღებით გაშვება, ნიშნავს იმას, რომ არხმა თავისი ადამიანი არ დაიცვა. უნდა მიეცა დისკვალიფიკაცია რამდენიმე თვით, თუნდაც ხელფასის დაკლება, ბევრი რაღაც არსებობს, მითუმეტეს სტაჟის და დამსახურების გათვალისწინებით. თან კიდევ ერთხელ ვიმეორებ, რომ ერთ-ერთი საუკეთესო კომენტატორია! პირდაპირ გეტყვით, ჩემზე უკეთესიც, ამას ვაღიარებ და ვამბობ,”-ამბობს ობოლაძე რუსთავი 2-ის პირდაპირ ეთერში.
როგორც იცით, 10 ივნისს, საზოგადოებრივი მაუწყებლობის ხელმძღვანებლობამ სპორტული კომენტატორი სანდრო ცნობილაძე დაითხოვა. ამის მიზეზი ცნობილაძის მიერ საქართველოსა და პორტუგალიის 19-წლამდე ნაკრებებს შორის გამართული მატჩის პირდაპირი რეპორტაჟის წაყვანის დროს დაშვებული შეცდომა გახლდათ.
სანდრო ცნობილაძემ საზოგადოებრივი მაუწყებლიდან დათხოვნის შემდეგ პირველი კომენტარი გააკეთა და აღნიშნა, რომ მისთვის ეს გადაწყვეტილება საკმაოდ მოულოდნელი იყო.
“ჩემი შეცდომა ძალიან სერიოზული იყო. ვერ ვხსნი, თუ რა მოხდა იმ მომენტში. თუმცა, ისიც მინდა აღვნიშნო, რომ საზოგადოებრივი მაუწყებლის სადისციპლინო კომიტეტის მიერ მიღებული გადაწყვეტილება ჩემთვის საკმაოდ მოულოდნელი აღმოჩნდა”, – უთხრა ცნობილაძემ რუსთავი 2-ს.
ქართველი კომენტატორი სანდრო ცნობილაძე „საზოგადოებრივი მაუწყებლიდან“ დაითხოვეს.
დიდი ალბათობით, არხის ხელმძღვანელობის ამ გადაწყვეტილების მიზეზი ცნობილაძის შეცდომა იყო, რომელიც მან საქართველოსა და პორტუგალიის 19-წლამდელთა ნაკრებების მატჩის პირდაპირი რეპორტაჟის წაყვანისას დაუშვა (იხილეთ ვიდეო).
იხილეთ ასევე: სანდრო ცნობილაძის პირველი კომენტარი მის მიერ დაშვებულ შეცდომაზე
ორი დღეა, ფეხბურთის ქართველი გულშემატკივრები საზოგადოებრივი მაუწყებლის სპორტული კომენტატორის, სანდრო ცნობილაძის შეცდომაზე საუბრობენ. როგორც მოგეხსენებათ, მას 19-წლამდელთა ევროპის ჩემპიონატის ელიტრაუნდის ეგიდით საქართველოსა და პორტუგალიის ნაკრებებს შორის გამართული მატჩის კომენტირებისას გუნდები ერთმანეთში აერია. კომენტატორი სოციალური ქსელის მეშვეობით მის მიერ დაშვებულ შეცდომას გამოეხმაურა.
31 მაისს, საქართველოსა და პორტუგალიის 19-წლამდე ნაკრებებს შორის გამართული მატჩის (2:3) საწყის წუთებში, კომენტატორ სანდრო ცნობილაძეს ეგონა, რომ ქართველი ფეხბურთელები თეთრი მაისურებით თამაშობდნენ.
რამდენიმე წუთის წინ დასრულდა ჩემპიონთა ლიგის ნახევარფინალური მატჩი “იუვენტუსსა” და მადრიდის “რეალს” შორის.
მეორე ტაიმში, როდესაც ჯორჯო კიელინიმ მიკრო ტრავმა მიიღო, დავით მინაშვილმა განაცხადა, რომ ცუდი იქნებოდა, თუ იტალიელი მოედანს დატოვებდა, ხოლო მისმა მეწყვილემ, სანდრო ცნობილაძემ შემდეგნაირად ეხუმრა: “მსოფლიო ჩემპიონატზე კინაღამ მხარი მოაჭამეს და მაშინ არ გასულა, ახლა რა გაიყვანსო”.
