სუდამერიკანას თასის ეგიდით “ინდეპენდიენტესა” და “ალიანსა ლიმას” შორის გამართული მატჩის მიმდინარეობისას საინტერესო რამ მოხდა. შეხვედრის კომპენსირებულ დროში მინდვრის სარწყავი სისტემა ჩაირთო, რის გამოც თამაში დაახლოებით ერთი წუთით გაჩერდა. ამ ფაქტმა “ინდეპენდიენტესის” მთავარი მწვრთნელის, არიელ ოლანის გულისწყრომა გამოიწვია. საბოლოო ჯამში, მატჩი ფრედ, ანგარიშით 0:0 დასრულდა. აღსანიშნავია, რომ მასპინძლებმა პენალტი ვერ გამოიყენეს. განმეორებითი შეხვედრა პირველ ივნისს ჩატარდება.
ჭდე: Alianza Lima
პერუს ჩემპიონატში მსაჯმა ხუთ წუთში ხუთი წითელი ბარათი აჩვენა (ვიდეო)
პერუს პრიმერადივიზიონის ეგიდით “ალიანსა ლიმასა” და “რეალ გარსილასოს” შორის გამართულ მატჩში (0:1) არბიტრმა რამონ ბლანკომ ხუთ წუთში ხუთი წითელი ბარათი აჩვენა. არბიტრმა შეხვედრის მიწურულს მოედნიდან მასპინძელთა ოთხი ფეხბურთელი და მათი გუნდის მთავარი მწვრთნელი გააძევა.
მატჩის შემდეგ 36 წლის მსაჯმა მოედანი უსაფრთხოების სამსახურის წარმომადგენლების მეშვეობით დატოვა. არბიტრი მისივე უსაფრთხოების მიზნით სახლამდე პოლიციის ესკორტმა მიაცილა.
პროფესიონალ მსაჯთა ასოციაციამ რამონ ბლანკოს მუშაობა დადებითად შეაფასა.