კოპა ამერიკას მეოთხედფინალურ შეხვედრაში პერუს ნაკრებმა ბოლივიას დამაჯერებლად სძლია.
პერუელებს გამარჯვება ხოსე პაულო გერერომ მოუტანა, რომელმაც ბოლივილთა კარი სამჯერ დალაშქრა, რასაც მეტოქემ მორენოს მიერ გატანილი პრესტიჟის გოლით უპასუხა.
ნახევარფინალში პერუ ტურნირის მასპინძელ ჩილეს შეხვდება.
ბოლივია 1-3 პერუ
გოლები: გერერო 20′ ; 23′ ; 74′ (0:3); მორენო 84′ (1:3)
ბრაზილიის ნაკრების მცველმა დანი ალვესმა აღნიშნა, რომ მისმა თანაგუნდელმა ნეიმარმა მოედანზე თავის მოქმედებებს ყურადღება უნდა მიაქრიოს. შეგახსენებთ, რომ ჩილეში მიმდინარე სამხრეთ ამერიკის თასზე ნეიმარმა ოთხმატჩანი დისკვლაიფიკაცია მიიღო, რაც ავტომატურად მისთვის ტურნირის დასრულებას ნიშნავს.
„ნეიმარს ვუთხარი, რომ მშვიდად უნდა იყოს და დასკვნა გამოიტანოს.
ყველაფრის მიუხედავად, მგონია, ის ზედმეტად დასაჯეს. იმ შემთხვვეაში, თუ მის ადგილას სხვა ფეხბურთელი იქნებოდა, ასეთი აჟოიტაჟი არ შეიქმნებოდა“, – განაცხადა ალესმა.
ვენესუელასთან მოგების შემდეგ ბრაზილიის ნაკრების მთავარმა მწვრთნელმა კარლოს დუნგამ „კოპა ამერიკას“ პლეიოფის შესახებ ისუბრა და აღნიშნა, რომ მისი გუნდი პრაგმატული, თმცა შედეგზე ორიაენტირებული თამაშის ჩვენებას გააგრძელებს.
„ეს ამერიკის თასი ძალიან რთულია, რადგან აქ მინიმალური ანგარიშით იგებენ. ჩილემ სხვა შედეგის მიღწევა მოახერხა.
ახლა მხოლოდ გამარჯვებაზე უნდა ვიყოთ ორიენტირებულები. პლეიოფი ცალკე ტურნირია, აქ შეცდომის დაშვების უფლება არ გვაქვს“, – განაცხადა დუნგამ.
კოლუმბიის ნაკრებთან „კოპა ამერიკას“ ჯგუფური ეტაპის მეორე ტურის მატჩში მსაჯის შეურაცხყოფისთვის წითელი ბარათის მიღების გამო ბრაზილიის ნაკრების ლიდერი ნეიმარი ოთხმატჩიანი დისკვალიფიკაციით დასაჯეს.
როგორც გაირკვა, ოთხმატჩიანი დისკვალიფიკაცია „ბარსელონას“ მოთამაშისთვის ერთ-ერთი კარგი ვარიანტი აღმოჩნდა, რადგან მას ათმატჩიანი ან ოთხთვიანი დისკვალიფიკაციის მიღებაც შეეძლო.
მოთამაშის ყველა მოქმედება ფიფა-ს დისციპლინარულმა კომიტემა „არასპორტულად“ შერაცხა.
„კოპა ამერიკას“ ჯგუფური ეტაპის ბოლო ტურის მატჩში არგენტინის ნაკრები იამაიკას შეხვდა. ხერარდო მარტინოს გუნდმა მე-11 წუთზე გონსალო იუგიაინის მიერ გატანი გოლით, მინიმალური სხვაობით, 1:0 მოიგო.
ამ გამარჯვებით არგენტინელებმა 7 ქულა დააგროვეს და B ჯგუფში პირველი ადგილი დაიკავეს.
არგენტინა – იამაიკა 1:0
გოლი: იგუაინი 11′
არგენტინა: რომერო; როხო, დემიკელისი, გარაი, საბალეტა; ბილია, მასკერანო, პასტორე (პერეირა 59′); დი მარია (ლამელა 84′), იგუაინი (ტევესი 72′), მესი
იამაიკა: მილერი; ლოურენსი, მორგანი, ჰექტორი (ტეილორი 71;), მარიაპა; ლეინგი (დოუკინსი 71′), უოტსონი, ოსტინი, მაკლირი; მაკანუფი; ბრაუნი (ბარნსი 78′)
გაფრთხილებები: პასტორე, საბალეტა – ლეინგი, ოსტინი, ჰექტორი
ბრაზილიის ნაკრები ნეიმარის დისკვალიფიკაციას ასაჩივრებს. ამის შესახებ “სელესაოს” მთავარმა მწვრთნელმა კარლოს დუნგამ განაცხადა.
შეგახსენებთ, რომ კოლუმბიის ნაკრების წინააღმდეგ გამართული მატჩის (0:1) მიმდინარეობისას ნეიმარმა ყვითელი ბარათი მიიღო. შეხვედრის დასრულების შემდეგ კი, ბრაზილიელმა ფეხბურთელმა ბურთი მეტოქეს გაარტყა, რის გამოც მთავარმა არბიტრმა მას პირდაპირ წითელი ბარათი უჩვენა. მოგვიანებით ნეიმარს ოთხმატჩიანი დისკვალიფიკაცია მისცეს. გარდა ამისა, იგი ათი ათასი დოლარითაც დააჯარიმეს.
“ბრაზილიის ფეხბურთის კონფედერაციის იურისტები ნეიმარის დისკვალიფიკაციას ასაჩივრებენ”, – დუნგას სიტყვებს AP აქვეყნებს.
ჩილეს ნაკრების მთავარმა მწვბრთნელმა ხორხე სამპაოლიმ ბოლივიასთან „კოპა ამერიკას“ ჯგუფური ეტაპის ბოლო ტურის მატჩი შეაფასა, რომელიც მისმა გუნდმა ანგარიშით 5:0 მოიგო.
„მატჩის მიმდინარეობას 90 წუთის განმავლობაში ვაკონტროლებდით. ძალიან ძლიერები ვიყავით, ეს ის იყო, რაც აქამდე გვაკლდა. ჩინებული შეხვედრა ჩავატარეთ. როგორც წინა შეხვედრებში, დღესაც ვდომინირებდით, მაგრამ ამჯერად გაცილებით მაღალ დონეზე ვითამაშეთ“, – განაცხადა სამპაოლიმ.
არგენტინის ნაკრების მთავარმა მწვრთნელმა ხერარდო მარტინომ მიმდინარე სამხრეთ ამერიკის თასზე თავისი გუნდის ფიზიკური მდგომარეობა დაიწუნა.
„ჩვენი ფიზიკური ფორმა იდეალურ მდგომარეობაში არაა, ამიტომაც მატჩების ბოლოს გვიჭირს. ბევრმა ჩვენმა მოთამაშემ განვლილ სეზონში 50-70 შეხვედრა ჩაატარა. ტურნირისთვის მოსამზადებლად მას მხოლოდ ერთი კვირა ჰქონდათ, ამიტომაც, ამ სიტუაციაში ბევრი რამ ვერ გამოგვდის“, – აცხადებს მარტინო.
შეგახსენებთ, რომ ტურნირის ჯგუფური ეტაპის პირველ მატჩში არგენტინელებმა პარაგვაისთან გამარჯვება ხელიდან გაუშვეს, როდესაც ანგარიშით 2:0-ს იგებდნენ. მეორე შეხვედრაში კი მათ ურუგვაი დიდი გაჭირვებით, ანგარიშით 1:0 დაამარცხეს.
ჯგუფური ეტაპის ბოლო ტურში ჩილელებმა დამაჯერებელი გამარჯვება მოიპოვეს. ტურნირის მასპიძლებმა ბოლივიელებს ხუთი უპასუხო გოლი გაუტანეს და პირველი ადგილიდან გავიდნენ პლეიოფში. თუმცა, მიუხედავად დიდი ანგარიშით მარცხისა, 1/4 ფინალში თამაშის უფლება ბოლივიელებმაც მოიპოვეს.
შეხვედრაში ანგარიში მე-3 წუთზე არანგუისმა გახსნა. 37-ე წუთზე მეორე გოლი ალექსის სანჩესმა გაიტანა. მეორე ნახევარში არანგუისმა დუბლი გაიფორმა. მეოთხე გოლი მედელმა გაიტანა, ხოლო საბოლოო ანგარიში ავტოგოლით რალდესმა დააფიქსირა.
ჩილე 5-0 ბოლივია
გოლები: არანგუისი 3′ ; სანჩესი 37′ ; არანგუისი 66′ ; მედელი 79′ ; რალდესი 86′ (ს.კ.)
ბრაზილიის ნაკრების თავდამსხმელ ნეიმარს კოლუმბიის ნაკრების მცველის ხუან სუნიგას მხრიდან 2014 წლის მსოფლიო ჩემპიონატზე მის წინააღმდეგ დარღვეული თამაშის წესი არ დავიწყებია.
როგორც ესპანური ინტერნეტგამოცემა „სპორტი“ წერს, ამის შესახებ თავად ბრაზილიელის სიტყვები მეტყველებენ, რომელიც მან კოლუმბიელებთან „კოპა ამერიკას“ ჯგუფური ეტაპის მეორე მატჩის შემდეგ თქვა (შეგახსენებთ, რომ ეს მატჩი ბრაზილიამ ანგარიშით 0:1 წააგო). როგორც წყარო წერს, ნეიმარი მეტოქესთან მივიდა და შემდეგ რამ უთხრა: „დიდი მადლობა. ამ ყველაფრის შემდეგ ბოდიშს მთხოვ, ძაღლის შვილო?“
არგენტინის ნაკრების მთავარი მწვრთნელი ხერარდო მარტინო ერთმატჩიანი დისკვალიფიკაციით დასაჯეს. შესაბამისად, 52 წლის არგენტინელი სპეციალისტი გუნდს იამაიკის ნაკრების წინააღმდეგ გასამართ მატჩში ვერ უხელმძღვანელებს. მარტინოს არც ფეხბურთელებთან და არც სამწვრთნელო შტაბთან კონტაქტის უფლება არ ექნება.
ტატა მარტინო ურუგვაის ნაკრების წინააღმდეგ გამართულ მატჩში (1:0) გააძევეს, როდესაც ის მოედანზე გავიდა და ბრაზილიელი არბიტრის, სანდრო რიკის მიმართ პროტესტი ღიად გამოხატა. მარტინოს გაღიზიანება იმ ფაქტმა გამოიწვია, რომ პაბლო საბალეტას წინააღმდეგ თამაშის წესის დარღვევის შემდეგ ბურთი არგენტინელებს დარჩათ, თუმცა მსაჯმა იმის ნაცვლად, რომ “ალბისელესტესთვის” უპირატესობა მიენიჭებინა, თამაში გააჩერა.
მატჩი არგენტინისა და იამაიკის ნაკრებებს შორის კვირას, თბილისის დროით ღამის 01:30 საათზე დაიწყება.
ბრაზილიის ნაკრების მთავარმა მწვრთნელმა კარლოს დუნგამ კოლუმბიასთან წაგებული მატჩი შეაფასა და ნეიმარის დისკვალიფიკაციის შესახებაც ისაუბრა.
„ნეიმარის გარეშე აქამდეც გვითამაშია და ამისთვის მზად ახლაც უნდა ვიყოთ. ჩვენ გუნდი გვყავს.
ყველანი ადამიანები ვართ და ზოგჯერ არაპროფესიონალურად მოქცევა შეგვიძლია.
თუ ჟურნალისტები მსაჯის შესახებ ბევრს კითხულობენ, ესე იგი, პრობლემა მასშიცაა. დღეს არბიტრი ყველაფერს ვერ გაუმკლავდა.
კოლუმბიამ არ გაგვაკვირვა, ვიცოდით, რომ ბრაზილიის წინააღმდეგ ეს გუნდი სხვანაირად ითამაშებდა. ჩვენი გუნდი ჯერ ძალიან ახალგაზრდაა, მას ყოველთვის მოგება სურს.
კოლუმბიამ საკმაოდ ინტენსიურად ითამაშა. ამ გუნდს ბევრი გამოცდილი მოთამაშე ჰყავს, დაწინაურების შემდეგ მეტოქე თამაშის სადავეებს კარგად აკონტროლებდა.
შევძლებთ თუ არა ჯგუფიდან გასვლას? ყველაფერი ჩვენზეა დამოკიდებული“, – განაცხადა დუნგამ.
