ჭდე: სინიშა მიჰაილოვიჩი

იტალიური “ტორინოს” მთავარმა მწვრთნელმა, სინიშა მიჰაილოვიჩმა “სასუოლოსთან” მოპოვებული გამარჯვების (3-0) შემდეგ, გუნდის ლიდერი, ანდრეა ბელოტი შეაქო და აღნიშნა, რომ ეს ფეხბურთელი 100 მილიონი ევრო ღირს.

“ანდრეა ბელოტი ჯერ კიდევ არ არის თავის საუკეთესო ფორმაში, მაგრამ მისი ეს გოლიც კი საკმარისია იმის დასამტკიცებლად, რომ მასში 100 მილიონის გადახდა ნამდვილად ღირს.

ძალიან რთული მატჩი იყო, პირველივე წუთებიდანვე ვუახლოვდებოდით სასურველ მიზანს, მაგრამ რაღაც ბიძგი გვჭირდებოდა. შესაძლოა, საბოლოო შედეგი ცოტა გადამეტებულიცაა, მაგრამ გამარჯვება ნამდვილად დავიმსახურეთ,” – აცხცადებს სინიშა.

ცნობისთვის გეტყვით იმასაც, რომ ანდრე ბელოტიმ, რომელსაც “ჩელსიში” გადაბარგებას უწინასწარმეტყველებდნენ, გასულ სეზონში 26 გოლი გაიტანა სერია ა-ში.

სინიშა მიჰაილოვიჩმა “ატალანტასთან” მატჩში განცდილი მარცხის მიზეზებზე საუბრისას აღნიშნა, რომ “მანჩესტერ სიტის” ყოფილ კარის დარაჯს, ჯო ჰარტს რიგ ეპიზოდებში უკეთ უნდა ეთამაშა.

“ჰარტმა კუთხურის დროს დიდებული სეივი განახორციელა, მაგრამ მას უკეთაც შეეძლო თამაში.

ჩემს ფეხბურთელებს არ ვუბრაზდები იმის გამო, რომ შეცდომა დაუშვეს, მაგრამ როდესაც ისინი არ აკეთებენ იმას, რასაც მთელი კვირა ვგეგმავდით, საქმე სხვა რამეს ეხება.

ინდივიდუალური შეცდომები მრავლად იყო. ფეხბურთში კი, რაც ნაკლებია ასეთი შეცდომები, მით მეტია გამარჯვების შანსი.”