დღეს 2016 წლის ევროპის ჩემპიონატის საკვალიფიკაციო ეტაპის მორიგი მატჩები გაიმართება. ერევანში სომხეთის ნაკრები პორტუგალიის ეროვნულ გუნდს მასპინძლობს. როგორც მოგეხსენებათ, პორტუგალიელებმა აღნიშნული შეხვედრისთვის მზადება თბილისში დაიწყეს.
პორტუგალიის ნაკრები სომხეთში ჩასვლისთანავე პრობლემებს წააწყდა. როგორც აღმოჩნდა, კომპიუტერული სისტემა დაზიანებული იყო, რის გამოც საპასპორტო კონტროლის გავლა გაჭიანურდა.
თუმცა, თავად პორტუგალიელებმაც მოახერხეს მასპინძლების გაკვირვება. სავარჯიშო მოედანზე კრიშტიანუ რონალდუ არაბუნებრივად თეთრი ფერის სახით გამოჩნდა. თურმე, პორტუგალიელთა ლიდერს სახეზე კოსმეტიკური ნიღაბი ჰქონდა გაკეთებული.
