“დინამოს” მთავარ მწვრთნელს, გია გეგუჩაძეს azerisport.com გაესაუბრა. თბილისელთა დამრიგებელმა “გაბალასთან” გასამართ შეხვედრებზე ისაუბრა.
– წილისყრის შედეგებს როგორ შეაფასებდით?
– ნორმალურად. “გაბალასთან” მატჩისვის და ჩვენი ფეხბურთის თამაშისთვის ვემზადებით.
– მეტოქეზე ინფორმაციას ფლობთ?
– ვიცი, რომ ღირსეული მეტოქე გვყავს. აზერბაიჯანული ფეხბურთი ბოლო პერიოდში დიდ პროგრესს განიცდის. შესაბამისად, მესამე ადგილზე გასული გუნდი სუსტი ვერ იქნება. სეზონის მეორე ნაწილში “გაბალამ” თამაში გამოასწორა და მესამე ადგილზეც ღირსეულად გავიდა. აღსანიშნავია, რომ მოწონააღმდეგემ კარგი ტრანსფერები განახორციელა.
– აზერბაიჯანში ფიქრობენ, რომ “გაბალამ” “დინამო” აუცილებლად უნდა დაამარცხოს. თქვენ რას იტყვით?
– ეს მათი უფლებაა. წინასწარ საუბარი არ მიყვარს. ორი რთული შეხვედრა გველის.
– პირველი მატჩის თბილისში ჩატარება მეტოქეს უპირატესობას აძლევს?
– ამას თავისი დადებითი და უარყოფითი მომენტები აქვს. თუმცა, საბოლოოდ გუნდები მაინც თანაბარ მდგომარეობაში არიან.
– უკანასკნელი ორი ქართულ-აზერბაიჯანული დაპირისპირება აზერბაიჯანელთა გამარჯვებით დასრულდა. “დინამო” რევანშისთვის ემზადება?
– რევანშზე საუბარი სწორი არ არის. ჩვენ მოედანზე მოსაგებად გავალთ.
– როგორც წესი, მოკრძალებული შესაძლებლობების მქონე ევროპული კლუბები აზერბაიჯანულების დიდ ბიუჯეტზე საუბრობენ და მარცხის მიზეზად სწორედ ამას ასახელებენ.
– ჩემთვის ეს გამორიცხულია. ჩემთვის არ აქვს მნიშვნელობა ვის რამდენს უხდიან. “დინამოში” გვყავს ახალგაზრდა ფეხბურთელები, რომლებსაც ეს თამაში უყვართ. მათთვის ევროთასები დიდი გამოცდილება იქნება.
– შანსებს როგორ შეაფასებდით?
– ამ ეტაპზე შანსები თანაბარია.