აზერბაიჯანის დედაქალაქ ბაქოში ევროპის პირველი ოლიმპიური თამაშები დასრულდა. ქართველმა სპორტსმენებმა სულ 16 მედალი მოიპოვეს, აქედან ორი ოქროს მედალია, რომლებიც ძიუდოისტებმა ავთანდილ ჭრიკიშვილმა (81 კგ) და ადამ ოქრუაშვილმა (100+) მოიგეს. გარდა ამისა, ქართველთა აქტივში 6 ვერცხლის და 8 ბრინჯაოს მედალია.
გასაკვირი არ არის, რომ ქართველი სპორტსმენები ყველაზე წარმატებულად სწორედ ძიუდოში გამოვიდნენ: ძიუდოისტებმა 2 ოქროს (ავთანდილ ჭრიკიშვილი, ადამ ოქრუაშვილი), 3 ვერცხლის (ნუგზარ ტატალაშვილი, ვარლამ ლიპარტელიანი, გუნდური) და 1 ბრინჯაოს მედალი (ამირან პაპინაშვილი) მოიპოვეს.
ქართველმა მოჭიდავეებმა 2 ვერცხლის (ბექა ლომთაძე, ელიზბარ ოდიკაძე) და 3 ბრინჯაოს მედალი (ჯუმბერ ყველაშვილი, სანდრო ამინაშვილი, გენო პეტრიაშვილი) მოიპოვეს.
მშვილდოსნობაში ვერცხლის მედალი (ხათუნა ნარიმანიძისა და ლაშა ფხაკაძის წყვილი) გვერგო.
ქართველმა სამბოისტებმა 3 ბრინჯაოს მედალი (ვახტანგ ჩიდრაშვილი, კახა მამულაშვილი, დავით კარბელაშვილი) მოიპოვეს.
ტანვარჯიშში ერთი ბრინჯაოს მედალი (სალომე ფაჟავა) მოვიპოვეთ.
საერთო გუნდურ ჩათვლაში საქართველომ 21-ე ადგილი დაიკავა.
რაც შეეხება პირველ ათეულს, ის ასე გამოიყურება:
