თბილისის “დინამოში” ზაურ სვანაძე დაბრუნდა. ამის შშესახებ თბილისური გრანდის ოფიციალური გვერდი იტყობინება.
გამოჩენილი ქართველი ფეხბურთელი და მწვრთნელი, უეფას თასების თასის მფლობელი ზაურ სვანაძე, როგორც მწვრთნელი უკვე მუშაობდა დედაქალაქურ გუნდში და მის დუბლებში. მას საქართველოს ეროვნულ, ახალგაზრდულ და 19 წლამდელთა ნაკრებშიც უმუშავია, 2012 წლიდან კი ბაქოს “ინტერს” წვრთნიდა.
ახალი სეზონიდან ვეტერანი “დინამოელი” მეორე მწვრთნელის ფუნქციას შეითავსებს და კახი კაჭარავას დაეხმარება.
ბაქოს „ინტერის“ მთავარმა მწვრთნელმა ზაურ სვანაძემ ალბანეთს „ლაჩისთან“ უეფა-ს ევროპის ლიგის პირველი საკვალიფიკაციო ეტაპის მატჩის შესახებ ისაუბრა.
„ჩვენს გუნდში სერიოზული ცვლილებებია, ბევრი ახალგაზრდა მოთამაშე დაგვემატა, ამიტომაც სამწვრთნელო პროცესის შეცვლა მოგვიწია.
„ლაჩი“ ძლიერი გუნდია. ჩვენთვის ეს შეხვედრა ძალიან რთული იქნება. წინასწარ რამის თქმა შეუძლებელია, ყველაფერს თამაში გვიჩვენებს. სტადიონის მინდვის მდგომარეობა კარგია, რაც იმას ნიშნავს, რომ ცუდ მატჩს არ ვიხილავთ. იქედან გამომდინარე, რომ გამარჯვებულის ბედი ორ შეხვედრაში წყდება, ყველაფერს მეორე მატჩი გადაწყვეტს, რომელიც ერთ კვირაში ბაქოში შედგება“, – განაცხადა სვანაძემ.
