მერსესაიდული “ლივერპულის” სამიზნე, ჯეფრი კონდოგბია ერთ-ერთია იმ ხუთ ფეხბურთელთაგან, რომლებსაც “ინტერის” ხელმძღვანელებმა ზამთარში კლუბის დატოვების უფლება მისცეს.
როგორც იცით, 23 წლის ნახევარმცველმა “სან სიროზე” საკუთარი შესაძლებლობების მაქსიმალურად წარმოჩენა ვერ მოახერხა, ამიტომაც საკმაოდ დიდია ალბათობა იმისა, რომ ის “ნერაძურიში” მომავალმა წმენდამ შეიწიროს.
მსგავსად კონდოგბიისა, კლუბის დატოვების უფლება ჯონათან ბიაბიანიმ, ფელიპე მელომ, სტეფან იოვეტიჩმა, როდრიგო პალასიომ და დეივიდ სანტონმა მიიღეს, თუმცა მათ რიგებში ყველაზე მოთხოვნადი სწორედ ფრანგი ნახევარმცველია.
რაც შეეხება ტრანსფერის პოტენციურ ღირებულებას, ის 22 მილიონ ევროს შეადგენს, რისი გადახდაც იურგენ კლოპის მხარეს ნამდვილად არ უნდა გაუჭირდეს.
