პატრიკ ვიეირა “ნიუ იორკ სიტის” მთავარი მწვრთნელის პოსტზე დაინიშნა.
შეგახსენებთ, რომ ახალგაზრდა ფრანგი სპეციალისტი მანამდე “მანჩესტერ სიტის” ახალგაზრდულ გუნდს წვრთნიდა.
მხარეებს შორის სამწლიანი კონტრაქტი გაფორმდა, რომელიც ძალაში 2016 წლის პირველ იანვარს შევა.
არსენ ვენგერს ლონდონის “არსენალთან” მოქმედი შრომითი ხელშეკრულება 2017 წლის ზაფხულში ეწურება, თუმცა კლუბის ხელმძღვანელობა ფრანგ სპეციალისტთან კონტრაქტის ორი წლის ვადით გახანგრძლივებას აპირებს.
ამასთანავე ვრცელდება ინფორმაცია, რომლის მიხედვითაც, ვენგერის თანაშემწედ შესაძლოა, “არსენალის” ყოფილი ნახევარმცველი პატრიკ ვიეირა მოიყვანონ, რომელიც ამჟამად “მანჩესტერ სიტის” ახალგაზრდულ გუნდს წვრთნის. ბრიტანული გამოცემა “მირორის” თანახმად, 39 წლის ფრანგი ჯერ ვენგერის თანაშემწედ იმუშავებს, შემდეგ კი კლუბის მთავარი მწვრთნელიც გახდება.
ვიეირას სამწვრთნელო კარიერის შესახებ თავად ვენგერმაც გააკეთა კომენტარი.
“მას ყველაფერი აქვს იმისთვის, რომ მწვრთნელი გახდეს. ვიეირა ახლა იმ ასაკშია, რა დროსაც კარგია მწვრთნელობის დაწყება. ყველაფერი თავად პატრიკზეა დამოკიდებული. გააჩნია, თავად მას რა სურს”, – აღნიშნა ვენგერმა.
შეგახსენებთ, რომ პატრიკ ვიეირა “არსენალის” ღირსებას ცხრა წლის განმავლობაში, 1996-დან 2005 წლამდე იცავდა, რა დროის განმავლობაშიც 406 მატჩი ჩაატარა.
“არსენალის” გარდა პატრიკ ვიეირას მიმართ ინტერესი “ნიუ იორკ სიტიმაც” გამოხატა.
“ნიუკასლ იუნაიტედის” ხელმძღვანელობას “მანჩესტერ სიტის” ახალგაზრდული გუნდის თავკაც პატრიკ ვიეირასთან მოლაპარაკებების გამართვა სურს.
“კაჭკაჭებს” კლუბის მთავარი მწვრთნელის პოსტზე სწორედ ფრანგი სპეციალისტის მოწვევა აქვთ განზრახული.
შეგახსენებთ, რომ აწ უკვე დასრულებული სეზონი “ნიუკასლ იუნაიტედმა” ჯონ კარვერთან ერთად ჩაამთავრა, რომელიც გუნდიდან ალან პარდიუს წასვლის შემდეგ დროებითი მთავარი მწვრთნელის მოვალეობას ასრულებს.
„დეილისტარის“ მეირ გავრცელებული ინფორმაციით,მიმდინარე სეზონის დასრულებამდე „მანჩესტერ სიტის“ მთავარი მწვრთნელის პოსტიდან მანუელ პელეგრინის გათავისუფლების შემთხვევაში, ქალაქელებს დარჩენილ შეხვედრებში, შესაძლოა, საფრანგეთის ნაკრების ყოფილმა ნახევარმცველმა პატრიკ ვიეირამ უთავკაცოს.
კვირას „სიტი“ „მანჩესტერ იუნაიტედთან“ ანგარიშით 2:4 დამარცხადა და უახლოეს ტურებში კიდევ ერთი არადამაჯერებელი შეხვედრა პელეგრინის გათავისუფლების შანსებს გაზრდის.
ცნობისთვის, ამჟამად ვიეირა „სიტის“ 21-წლამდელთა გუნდს თავკაცობს.
ლონდონის „არსენალის“ ექს-ნახევარმცველის პატრიკ ვიეირას აზრით, არსენ ვენგერის გუნდი იდეალურისაგან ჯერჯერობით შორსაა.
„არსენალი“ ამჟამად ფანტასტიკურ ფეხბურთს აჩვენებს. თუმცა, მატჩების მოგება გუნდმა ცუდი თამაშითაც უნდა იცოდეს, რისი გაკეთებაც, ჩემი აზრით, „მეთოფეებს“ ჯერ არ შეუძლიათ. ვფიქრობ, გუნდს ლიდერი აკლია. „არსენალს“ ადამსის, კემპბელის ან კიოუნის დონის შემსრულებლები არ ჰყავს. ყველა ამ მოთამაშეს გუნდის ლიდერობა როგორც მოედანზე, ასევე მის გარეთაც შეეძლო“, – განაცხადა ვიეირამ.
ალექსანდრე მატევოსოვი
